জনমেজয় উবাচ:
স্বর্গং ত্রিবিষ্টপং প্রাপ্য মম পূর্বপিতামহাঃ ।
১ ক
জনমেজয় উবাচ:
পাণ্ডবা ধার্তরাষ্ট্রাশ্চ কানি স্থানানি ভেজিরে ॥
১ খ
জনমেজয় উবাচ:
এতদিচ্ছাম্যহং শ্রোতুং সর্ববিচ্চাসি মে মতঃ ।
২ ক
জনমেজয় উবাচ:
মহর্ষিণা'ভ্যনুজ্ঞাতো ব্যাসেনাদ্ভুতকর্মণা ॥
২ খ
বৈশম্পায়ন উবাচ:
স্বর্গং ত্রিবিষ্টপং প্রাপ্য তব পূর্বপিতামহাঃ ।
৩ ক
বৈশম্পায়ন উবাচ:
যুধিষ্ঠিরপ্রভৃতয়ো যদকুর্বত তচ্ছৃণু ॥
৩ খ
বৈশম্পায়ন উবাচ:
স্বর্গং ত্রিবিষ্টপং প্রাপ্য ধর্মরাজো যুধিষ্ঠিরঃ ।
৪ ক
বৈশম্পায়ন উবাচ:
দুর্যোধনং শ্রিয়া জুষ্টং দদর্শাসীনমাসনে ॥
৪ খ
বৈশম্পায়ন উবাচ:
ভ্রাজমানমিবাদিত্যং বীরলক্ষ্ম্যা'ভিসংবৃতম্ ।
৫ ক
বৈশম্পায়ন উবাচ:
দেবৈর্ভ্রাজিষ্ণুভিঃ সাধ্যৈঃ সহিতং পুণ্যকর্মভিঃ ॥
৫ খ
বৈশম্পায়ন উবাচ:
ততো যুধিষ্ঠিরো রাজা দুর্যোধনমমর্ষিতঃ ।
৬ ক
বৈশম্পায়ন উবাচ:
সহসা সন্নিবৃত্তো'ভূচ্ছ্রিয়ং দৃষ্ট্বা সুযোধনে ॥
৬ খ
বৈশম্পায়ন উবাচ:
ব্রুবন্নুচ্চৈর্বচস্তান্বৈ নাহং দুর্যোধনেন বৈ ।
৭ ক
বৈশম্পায়ন উবাচ:
সহিতঃ কাময়ে লোকাঁল্লব্ধেনাদীর্ঘদর্শিনা ॥
৭ খ
বৈশম্পায়ন উবাচ:
যৎকৃতে পৃথিবী সর্বা সুহৃদো বান্ধবাস্তথা ।
৮ ক
বৈশম্পায়ন উবাচ:
হতাস্মাভিঃ প্রসহ্যাজৌ ক্লিষ্টৈঃ পূর্বং মহাবনে ॥
৮ খ
বৈশম্পায়ন উবাচ:
দ্রৌপদী চ সভামধ্যে পাঞ্চালী ধর্মচারিণী ।
৯ ক
বৈশম্পায়ন উবাচ:
পর্যাকৃষ্টা'নবদ্যাঙ্গী পত্নী নো গুরুসন্নিধৌ ॥
৯ খ
বৈশম্পায়ন উবাচ:
অস্তি দেবা ন মে কামঃ সুযোধনমুদীক্ষিতুম্ ।
১০ ক
বৈশম্পায়ন উবাচ:
তত্রাহং গন্তুমিচ্ছামি যত্র তে ভ্রাতরো মম ॥
১০ খ
বৈশম্পায়ন উবাচ:
নৈবমিত্যব্রবীত্তং তু নারদঃ প্রহসন্নিব ।
১১ ক
বৈশম্পায়ন উবাচ:
স্বর্গে নিবাসে রাজেন্দ্র বিরুদ্ধং চাপি নশ্যতি ॥
১১ খ
বৈশম্পায়ন উবাচ:
যুধিষ্ঠির মহাবাহো মৈবং বোচঃ কথঞ্চন ।
১২ ক
বৈশম্পায়ন উবাচ:
দুর্যোধনং প্রতি নৃপং শৃণু চেদং বচো মম ॥
১২ খ
বৈশম্পায়ন উবাচ:
এষ দুর্যোধনো রাজা পূজ্যতে ত্রিদশৈঃ সহ ।
১৩ ক
বৈশম্পায়ন উবাচ:
সদ্ভিশ্চ রাজপ্রবরৈর্য ইমে স্বর্গবাসিনঃ ॥
১৩ খ
বৈশম্পায়ন উবাচ:
বীরলোকগতিং প্রাপ্তা যুদ্ধে হুত্বা''ত্মনস্তনুম্ ।
১৪ ক
বৈশম্পায়ন উবাচ:
যূয়ং সর্বে সুরসমা যেন যুদ্ধেন বাধিতাঃ ॥
১৪ খ
বৈশম্পায়ন উবাচ:
স এষ ক্ষত্রধর্মেণ স্থানমেতদবাপ্তবান্ ।
১৫ ক
বৈশম্পায়ন উবাচ:
ভয়ে মহতি যো'ভীতো বভূব পৃথিবীপতিঃ ॥
১৫ খ
বৈশম্পায়ন উবাচ:
ন তন্মনসি কর্তব্যং পুত্র যদ্দ্যূতকারিতম্ ।
১৬ ক
বৈশম্পায়ন উবাচ:
দ্রৌপদ্যাশ্চ পরিক্লেশং ন চিন্তয়িতুমর্হসি ॥
১৬ খ
বৈশম্পায়ন উবাচ:
যে চান্যে'পি পরিক্লেশা যুষ্মাকং জ্ঞাতিকারিতাঃ ।
১৭ ক
বৈশম্পায়ন উবাচ:
সংগ্রামেষ্বথবা'ন্যত্র ন তান্ সংস্মর্তুমর্হসি ॥
১৭ খ
বৈশম্পায়ন উবাচ:
সমাগচ্ছ যথান্যায়ং রাজ্ঞা দুর্যোধনেন বৈ ।
১৮ ক
বৈশম্পায়ন উবাচ:
স্বর্গো'য়ং নেহ বৈরাণি ভবন্তি মনুজাধিপ ॥
১৮ খ
বৈশম্পায়ন উবাচ:
নারদেনৈবমুক্তস্তু কুরুরাজো যুধিষ্ঠিরঃ ।
১৯ ক
বৈশম্পায়ন উবাচ:
ভ্রাতৄন্ পপ্রচ্ছ মেধাবী বাক্যমেতদুবাচ হ ॥
১৯ খ
বৈশম্পায়ন উবাচ:
যদি দুর্যোধনস্যৈতে বীরলোকাঃ সনাতনাঃ ।
২০ ক
বৈশম্পায়ন উবাচ:
অধর্মজ্ঞস্য পাপস্য পৃথিবীসুহৃদদ্রুহঃ ॥
২০ খ
বৈশম্পায়ন উবাচ:
যৎকৃতে পৃথিবী নষ্টা সহসা সনরদ্বিপা ।
২১ ক
বৈশম্পায়ন উবাচ:
বয়ং চ মন্যুনা দগ্ধা বৈরং প্রতিচিকীর্ষবঃ ॥
২১ খ
বৈশম্পায়ন উবাচ:
যে তে বীরা মহাত্মানো ভ্রাতরো মে মহাব্রতাঃ ।
২২ ক
বৈশম্পায়ন উবাচ:
সত্যপ্রতিজ্ঞা লোকস্য শূরা বৈ সত্যবাদিনঃ ।
২২ খ
বৈশম্পায়ন উবাচ:
তেষামিদানীং কে লোকা দ্রষ্টুমিচ্ছামি তানহম্ ॥
২২ গ
বৈশম্পায়ন উবাচ:
কর্ণং চৈব মহাত্মানং কৌন্তেয়ং সত্যসঙ্গরম্ ।
২৩ ক
বৈশম্পায়ন উবাচ:
ধৃষ্টদ্যুম্নং সাত্যকিং চ ধৃষ্টদ্যুম্নস্য চাত্মজান্ ॥
২৩ খ
বৈশম্পায়ন উবাচ:
যে চ শস্ত্রৈর্বধং প্রাপ্তাঃ ক্ষত্রধর্মেণ পার্থিবাঃ ।
২৪ ক
বৈশম্পায়ন উবাচ:
ক্বনু তে পার্থিবান্ ব্রহ্মন্নৈতান্ পশ্যামি নারদ ॥
২৪ খ
বৈশম্পায়ন উবাচ:
বিরাটদ্রুপদৌ চৈব ধৃষ্টকেতুমুখাংশ্চ তান্ ।
২৫ ক
বৈশম্পায়ন উবাচ:
শিখণ্ডিনং চ পাঞ্চাল্যং দ্রৌপদেয়াংশ্চ সর্বশঃ ।
২৫ খ
বৈশম্পায়ন উবাচ:
অভিমন্যুং চ দুর্ধর্ষং দ্রষ্টুমিচ্ছামি নারদ ॥
২৫ গ