রুরুঃ উবাচ:
মম প্রাণসমা ভার্যা দষ্টাসীদ্ভুজগেন হ |
১ ক
রুরুঃ উবাচ:
তত্র মে সময়ো ঘোর আত্মনোরগ বৈ কৃতঃ ||
১ খ
রুরুঃ উবাচ:
ভুজঙ্গং বৈ সদা হন্যাং যং যং পশ্যেয়মিত্যুত |
২ ক
রুরুঃ উবাচ:
ততো’হং ত্বাং জিঘাংসামি জীবিতেনাদ্য মোক্ষ্যসে ||
২ খ
ডুণ্ডুভ উবাচ:
অন্যে তে ভুজগা ব্রহ্মন্ যে দশন্তীহ মানবান্ |
৩ ক
ডুণ্ডুভ উবাচ:
ডুণ্ডুভানহিগন্ধেন ন ত্বং হিংসিতুমর্হসি ||
৩ খ
ডুণ্ডুভ উবাচ:
একানর্থান্ পৃথগ্ধর্মান্ একদুঃখান্ পৃথক্ সুখান্ |
৪ ক
ডুণ্ডুভ উবাচ:
ডুণ্ডুভান্ধর্মবিদ্ভুত্বা ন ত্বং হিংসিতুমর্হসি ||
৪ খ
সৌতিঃ উবাচ:
ইতি শ্রুত্বা বচস্তস্য ডুণ্ডুভস্য রুরুস্তদা |
৫ ক
সৌতিঃ উবাচ:
নাবধীদ্ভয়সংবিগ্নমৃষিং মত্বা’থ ডুণ্ডুভম্ ||
৫ খ
সৌতিঃ উবাচ:
উবাচ চৈনং ভগবান্ রুরুঃ সংশময়ন্নিব |
৬ ক
সৌতিঃ উবাচ:
কেন ত্বং ভুজগ ব্রুহি কো’সীমাং বিক্রিয়াং গতঃ ||
৬ খ
ডুণ্ডুভ উবাচ:
অহং পুরা রুরো নাম্না ঋষিরাসং সহস্রপাৎ |
৭ ক
ডুণ্ডুভ উবাচ:
সো’হং শাপেন বিপ্রস্য ভুজগত্বমুপাগতঃ ||
৭ খ
রুরুঃ উবাচ:
কিমর্থং শপ্তবান্ক্রুদ্ধো দ্বিজস্ত্বাং ভুজগোত্তম |
৮ ক
রুরুঃ উবাচ:
কিয়ন্তং চৈব কালং তে বপুরেতদ্ভবিষ্যতি ||
৮ খ