অষ্টক উবাচ:
যদা'বসো নন্দনে কামরূপী সংবৎসরাণামযুতং শতানাম্ |
১ ক
অষ্টক উবাচ:
কিং কারণং কার্তযুগপ্রধান হিত্বা চ ত্বং বসুধামন্বপদ্যঃ ||
১ খ
যযাতি উবাচ:
জ্ঞাতিঃ সুহৃৎস্বজনো বা যথেহ ক্ষীণে বিত্তে ত্যজ্যতে মানবৈর্হি |
২ ক
যযাতি উবাচ:
তথা তত্র ক্ষীণপুণ্যং মনুষ্যং ত্যজন্তি সদ্যঃ সেশ্বরা দেবসঙ্ঘাঃ ||
২ খ
অষ্টক উবাচ:
তস্মিন্কথং ক্ষীণপুণ্যা ভবন্তি সংমুহ্যতে মে'ত্র মনো'তিমাত্রম্ |
৩ ক
অষ্টক উবাচ:
কিং বা বিশিষ্টাঃ কস্য ধামোপয়ান্তি তদ্বৈ ব্রূহি ক্ষেত্রবিত্ত্বং মতো মে ||
৩ খ
যযাতি উবাচ:
ইমং ভৌমং নরকং তে পতন্তি ললাপ্যমানা নরদেব সর্বে |
৪ ক
যযাতি উবাচ:
তে কঙ্কগোমায়ুবলাশনার্থে ক্ষীণে পুণ্যে বহুধা প্রব্রজন্তি ||
৪ খ
যযাতি উবাচ:
তস্মাদেতদ্বর্জনীয়ং নরেন্দ্র দুষ্টং লোকে গর্হণীয়ং চ কর্ম |
৫ ক
যযাতি উবাচ:
আখ্যাতং তে পার্থিব সর্বমেব ভূয়শ্চেদানীং বদ কিং তে বদামি ||
৫ খ
অষ্টক উবাচ:
যদা তু তান্বিতুদন্তে বয়াংসি তথা গৃধ্রাঃ শিতিকণ্ঠাঃ পতঙ্গাঃ |
৬ ক
অষ্টক উবাচ:
কথং ভবন্তি কথমাভবন্তি ন ভৌমমন্যং নরকং শৃণোমি ||
৬ খ
যযাতি উবাচ:
ঊর্ধ্বং দেহাৎকর্মণো জৃম্ভমাণাদ্ব্যক্তং পৃথিব্যামনুসঞ্চরন্তি |
৭ ক
যযাতি উবাচ:
ইমং ভৌমং নরকং তে পতন্তি নাবেক্ষন্তে বর্ষপূগাননেকান্ ||
৭ খ
যযাতি উবাচ:
ষষ্টিং সহস্রাণি পতন্তি ব্যোম্নি তথা অশীতিং পরিবৎসরাণি |
৮ ক
যযাতি উবাচ:
তান্বৈ তুদন্তি পততঃ প্রপাতং ভীমা ভৌমা রাক্ষসাস্তীক্ষ্ণদংষ্ট্রাঃ ||
৮ খ
অষ্টক উবাচ:
যদেনসস্তে পততস্তুদন্তি ভীমা ভৌমা রাক্ষসাস্তীক্ষ্ণদংষ্ট্রাঃ |
৯ ক
অষ্টক উবাচ:
কথং ভবন্তি কথমাভবন্তি কথংভূতা গর্ভভূতা ভবন্তি ||
৯ খ
যযাতি উবাচ:
অস্রং রেতঃ পুষ্পফলানুপৃক্তমন্বেতি তদ্বৈ পুরুষেণ সৃষ্টম্ |
১০ ক
যযাতি উবাচ:
স বৈ তস্যা রজ আপদ্যতে বৈ স গর্ভভূতঃ সমুপৈতি তত্র ||
১০ খ
যযাতি উবাচ:
বনস্পতীনোষধীশ্চাবিশন্তি আপো বায়ুং পৃথিবীং চান্তরিক্ষম্ |
১১ ক
যযাতি উবাচ:
চতুষ্পদং দ্বিপদং চাতি সর্বমেবংভূতা গর্ভভূতা ভবন্তি ||
১১ খ
অষ্টক উবাচ:
অন্যদ্বপুর্বিদধাতীহ গর্ভমুতাহোস্বিৎস্বেন কায়েন যাতি |
১২ ক
অষ্টক উবাচ:
আপদ্যমানো নরয়োনিমেতামাচক্ষ্ব মে সংশয়াৎপ্রব্রবীমি ||
১২ খ
অষ্টক উবাচ:
শরীরদেহাতিসমুচ্ছ্রয়ং চ চক্ষুঃশ্রোত্রে লভতে কেন সংজ্ঞাম্ |
১৩ ক
অষ্টক উবাচ:
এতত্তত্ত্বং সর্বমাচক্ষ্ব পৃষ্টঃ ক্ষেত্রজ্ঞং ত্বং তাত মন্যাম সর্বে ||
১৩ খ
যযাতি উবাচ:
বায়ুঃ সমুৎকর্ষতি গর্ভযোনি মৃতৌ রেতঃ পুষ্পফলানুপৃক্তম্ |
১৪ ক
যযাতি উবাচ:
স তত্র তন্মাত্রকৃতাধিকারঃ ক্রমেণ সংবর্ধয়নীহ গর্ভম্ ||
১৪ খ
যযাতি উবাচ:
স জায়মানো বিগৃহীতমাত্রঃ সংজ্ঞামধিষ্ঠায় ততো মনুষ্যঃ |
১৫ ক
যযাতি উবাচ:
স শ্রোত্রাভ্যাং বেদয়তীহ শব্দং স বৈ রূপং পশ্যতি চক্ষুষা চ ||
১৫ খ
যযাতি উবাচ:
ঘ্রাণেন গন্ধং জিহ্বয়া'থো রসং চ ত্বচা স্পর্শং মনসা বেদভাবম্ |
১৬ ক
যযাতি উবাচ:
ইত্যষ্টকেহোপহিতং হি বিদ্ধি মহাত্মনঃ প্রাণভৃতঃ শরীরে ||
১৬ খ
অষ্টক উবাচ:
যঃ সংস্থিতঃ পুরুষো দহ্যতে বা নিখন্যতে বাপি নিকৃষ্যতে বা |
১৭ ক
অষ্টক উবাচ:
অভাবভূতঃ স বিনাশমেত্য কেনাত্মানং চেতয়তে পরস্তাৎ ||
১৭ খ
যযাতি উবাচ:
হিত্বা সো'সূন্সুপ্তবন্নিষ্টনিত্বা পুরোধায় সুকৃতং দুষ্কৃতং বা |
১৮ ক
যযাতি উবাচ:
অন্যাং যোনিং পবনাগ্রানুসারী হিত্বা দেহং ভজতে রাজসিংহ ||
১৮ খ
যযাতি উবাচ:
পুণ্যাং যোনিং পুণ্যকৃতো ব্রজন্তি পাপাং যোনিং পাপকৃতো ব্রজন্তি |
১৯ ক
যযাতি উবাচ:
কীটাঃ পতঙ্গাশ্চ ভবন্তি পাপা ন মে বিবক্ষাস্তি মহানুভাব ||
১৯ খ
যযাতি উবাচ:
চতুষ্পদা দ্বিপদাঃ ষট্পদাশ্চ তথাভূতা গর্ভভূতা ভবন্তি |
২০ ক
যযাতি উবাচ:
আখ্যাতমেতন্নিখিলেন সর্বং ভূয়স্তু কিং পৃচ্ছসি রাজসিংহ ||
২০ খ
অষ্টক উবাচ:
কিংস্বিৎকৃত্বা লভতে তাত লোকান্মর্ত্যঃ শ্রেষ্ঠাংস্তপসা বিদ্যয়া চ |
২১ ক
অষ্টক উবাচ:
তন্মে পৃষ্টঃ শংস সর্বং যথাব চ্ছুভাঁল্লোকান্যেন গচ্ছেৎক্রমেণ ||
২১ খ
যযাতি উবাচ:
তপশ্চ দানং চ শমো দমশ্চ হ্রীরার্জবং সর্বভূতানুকম্পা |
২২ ক
যযাতি উবাচ:
স্বর্গস্য লোকস্য বদন্তি সন্তো দ্বারাণি সপ্তৈব মহান্তি পুংসাম্ |
২২ খ
যযাতি উবাচ:
নশ্যন্তি মানেন তমো'ভিভূতাঃ পুংসঃ সদৈবেতি বদন্তি সন্তঃ ||
২২ গ
যযাতি উবাচ:
অধীয়ানঃ পণ্ডিতংমন্যমানো যো বিদ্যয়া হন্তি যশঃ পরেষাম্ |
২৩ ক
যযাতি উবাচ:
তস্যান্তবন্তশ্চ ভবন্তি লোকা ন চাস্য তদ্ব্রহ্ম ফলং দদাতি ||
২৩ খ
যযাতি উবাচ:
চত্বারি কর্মাণ্যভয়ঙ্করাণি ভয়ং প্রয়চ্ছন্ত্যযথাকৃতানি |
২৪ ক
যযাতি উবাচ:
মানাগ্নিহোত্রমুত মানমৌনং মানেনাধীতমুত মানয়জ্ঞঃ ||
২৪ খ
যযাতি উবাচ:
ন মানমান্যো মুদমাদদীত ন সন্তাপং প্রাপ্নুয়াচ্চাবমানাৎ |
২৫ ক
যযাতি উবাচ:
সন্তঃ সতঃ পূজয়ন্তীহ লোকে নাসাধবঃ সাধুবুদ্ধিং লভন্তে ||
২৫ খ
যযাতি উবাচ:
ইতি দদ্যামিতি যজ ইত্যদীয় ইতি ব্রতম্ |
২৬ ক
যযাতি উবাচ:
ইত্যেতানি ভয়ান্যাহুস্তানি বর্জ্যানি সর্বশঃ ||
২৬ খ
যযাতি উবাচ:
যে চাশ্রয়ং বেদয়ন্তে পুরাণং মনীষিণো মানসমার্গরুদ্ধম্ |
২৭ ক
যযাতি উবাচ:
তন্নিঃশ্রেয়স্তেন সংযোগমেত্য পরাং শান্তিং প্রত্যুঃ প্রেত্য চেহ ||
২৭ খ