দূত উবাচ:
জন্যার্থমন্নং দ্রুপদেন রাজ্ঞা বিবাহহেতোরুপসংস্কৃতং চ |
১ ক
দূত উবাচ:
তদাপ্নুবধ্বং কৃতসর্বকার্যাঃ কৃষ্ণা চ তত্রৈতু চিরং ন কার্যম্ ||
১ খ
দূত উবাচ:
ইমে রথাঃ কাঞ্চনপদ্মচিত্রাঃ সদশ্বযুক্তা বসুধাধিপার্হাঃ |
২ ক
দূত উবাচ:
এতান্সমারুহ্য পরৈত সর্বে পাঞ্চালরাজস্য নিবেশনং তৎ ||
২ খ
বৈশম্পায়ন উবাচ:
ততঃ প্রয়াতাঃ কুরুপুংগবাস্তে পুরোহিতং তং পরিয়াপ্য সর্বে |
৩ ক
বৈশম্পায়ন উবাচ:
আস্থায় যানানি মহান্তি তানি কুন্তী চ কৃষ্ণা চ সহৈকয়ানে ||
৩ খ
বৈশম্পায়ন উবাচ:
স্ত্রীভিঃ সুগন্ধাম্বরমাল্যদানৈ র্বিভূষিতা আভরণৈর্বিচিত্রৈঃ |
৪ ক
বৈশম্পায়ন উবাচ:
মাঙ্গল্যগীতধ্বনিবাদ্যঘোষৈর্মনোহরৈঃ পুণ্যকৃতাং বরিষ্ঠৈঃ |
৪ খ
বৈশম্পায়ন উবাচ:
সংগীয়মানাঃ প্রয়যুঃ প্রহৃষ্টা দীপৈর্জ্বলদ্ভিঃ সহিতাশ্চ বিপ্রৈঃ ||
৪ গ
বৈশম্পায়ন উবাচ:
স বৈ তথোক্তস্তু যুধিষ্ঠিরেণ পাঞ্চালরাজস্য পুরোহিতো'গ্র্যঃ |
৫ ক
বৈশম্পায়ন উবাচ:
সর্বং যথোক্তং কুরুনন্দনেন নিবেদয়ামাস নৃপায় গত্বা ||
৫ খ
বৈশম্পায়ন উবাচ:
শ্রুত্বা তু বাক্যানি পুরোহিতস্য যান্যুক্তবান্ভারত ধর্মরাজঃ |
৬ ক
বৈশম্পায়ন উবাচ:
জিজ্ঞাসয়ৈবাথ কুরূত্তমানাং দ্রব্যাণ্যনেকান্যুপসংজহার ||
৬ খ
বৈশম্পায়ন উবাচ:
ফলানি মাল্যানি চ সংস্কৃতানি বর্মাণি চর্মাণি তথা''সনানি |
৭ ক
বৈশম্পায়ন উবাচ:
গাশ্চৈব রাজন্নথ চৈব রজ্জূর্বীজানি চান্যানি কৃষীনিমিত্তম্ ||
৭ খ
বৈশম্পায়ন উবাচ:
অন্যেষু শিল্পেষু চ যান্যপি স্যুঃ সর্বাণি কৃত্যান্যখিলেন তত্র |
৮ ক
বৈশম্পায়ন উবাচ:
ক্রীড়ানিমিত্তান্যপি যানি তত্র সর্বাণি তত্রোপজহার রাজা ||
৮ খ
বৈশম্পায়ন উবাচ:
বর্মাণি চর্মাণি চ ভানুমন্তি খড়্গা মহান্তো'শ্বরথাশ্চ চিত্রাঃ |
৯ ক
বৈশম্পায়ন উবাচ:
ধনূংষি চাগ্র্যাণি শরাশ্চ চিত্রাঃ শক্ত্যৃষ্টয়ঃ কাঞ্চনভূষণাশ্চ ||
৯ খ
বৈশম্পায়ন উবাচ:
প্রাসা ভুশুণ্ড্যশ্চ পরশ্বধাশ্চ সাংগ্রামিকং চৈব তথৈব সর্বম্ |
১০ ক
বৈশম্পায়ন উবাচ:
শয়্যাসনান্যুত্তমবস্তুবন্তি তথৈব বাসো বিবিধং চ তত্র ||
১০ খ
বৈশম্পায়ন উবাচ:
কুন্তী তু কৃষ্ণাং পরিগৃহ্য সাধ্বীমন্তঃপুরং দ্রুপদস্যাবিবেশ |
১১ ক
বৈশম্পায়ন উবাচ:
স্ত্রিয়শ্চ তাং কৌরবরাজপত্নীং প্রত্যর্চয়ামাসুরদীনসত্বাঃ ||
১১ খ
বৈশম্পায়ন উবাচ:
তান্সিংহবিক্রান্তগতীন্নিরীক্ষ্য মহর্ষভাক্ষানজিনোত্তরীয়ান্ |
১২ ক
বৈশম্পায়ন উবাচ:
গূঢ়োত্তরাংসান্ভূজগেন্দ্রভোগ প্রলম্ববাহূন্পুরুষপ্রবীরান্ ||
১২ খ
বৈশম্পায়ন উবাচ:
রাজা চ রাজ্ঞঃ সচিবাশ্চ সর্বে পুত্রাশ্চ রাজ্ঞঃ সুহৃদস্তথৈব |
১৩ ক
বৈশম্পায়ন উবাচ:
প্রেষ্যাশ্চ সর্বে নিখিলেন রাজন্হর্ষং সমাপেতুরতীব তত্র ||
১৩ খ
বৈশম্পায়ন উবাচ:
তে তত্র বীরাঃ পরমাসনেষু সপাদপীঠেষ্ববিশঙ্কমানাঃ |
১৪ ক
বৈশম্পায়ন উবাচ:
যথানুপূর্ব্যাদ্বিবিশুর্নরাগ্র্যাস্তথা মহার্হেষু ন বিস্ময়ন্তঃ ||
১৪ খ
বৈশম্পায়ন উবাচ:
উচ্চাবচং পার্থিবভোজনীয়ং পাত্রীষু জাম্বূনদরাজতীষু |
১৫ ক
বৈশম্পায়ন উবাচ:
দাসাশ্চ দাস্যশ্চ সুমৃষ্টবেষাঃ সংভোজকাশ্চাপ্যুপজহ্রুরন্নম্ ||
১৫ খ
বৈশম্পায়ন উবাচ:
তে তত্র ভুক্ত্বা পুরুষপ্রবীরা যথাত্মকামং সুভৃশং প্রতীতাঃ |
১৬ ক
বৈশম্পায়ন উবাচ:
উৎক্রম্য সর্বাণি বসূনি রাজন্সাংগ্রামিকং তে বিবিশুর্নৃবীরাঃ ||
১৬ খ
বৈশম্পায়ন উবাচ:
তল্লক্ষয়িত্বা দ্রুপদস্য পুত্রা রাজা চ সর্বৈঃ সহ মন্ত্রিমুখ্যৈঃ |
১৭ ক
বৈশম্পায়ন উবাচ:
সমর্থয়ামাসুরুপেত্য হৃষ্টাঃ কুন্তীসুতান্পার্থিবরাজপুত্রান্ ||
১৭ খ