যুধিষ্ঠির উবাচ:
নেহ পশ্যামি বিবুধা রাধেয়মমিতৌজসম্ ।
১ ক
যুধিষ্ঠির উবাচ:
ভ্রাতরৌ চ মহাত্মানৌ যুধামন্যূত্তমৌজসৌ ॥
১ খ
যুধিষ্ঠির উবাচ:
জুহুবুর্যে শরীরাণি রণবহ্নৌ মহারথাঃ ।
২ ক
যুধিষ্ঠির উবাচ:
রাজানো রাজপুত্রাশ্চ যে মদর্থে হতা রণে ॥
২ খ
যুধিষ্ঠির উবাচ:
ক্ব তে মহারথাঃ সর্বে শার্দূলসমবিক্রমাঃ ।
৩ ক
যুধিষ্ঠির উবাচ:
তৈরপ্যয়ং জিতো লোকঃ কচ্চিৎপুরুষসত্তমৈঃ ॥
৩ খ
যুধিষ্ঠির উবাচ:
যদি লোকানিমান্ প্রাপ্তাস্তে চ সর্বে মহারথাঃ ।
৪ ক
যুধিষ্ঠির উবাচ:
স্থিতং বিত্ত হি মাং দেবাঃ সহিতং তৈর্মহাত্মভিঃ ॥
৪ খ
যুধিষ্ঠির উবাচ:
কচ্চিন্ন তৈরবাপ্তো'য়ং নৃপৈর্লোকো'ক্ষয়ঃ শুভঃ ।
৫ ক
যুধিষ্ঠির উবাচ:
ন তৈরহং বিনা বৎস্যে ভ্রাতৃভির্জ্ঞাতিভিস্তথা ॥
৫ খ
যুধিষ্ঠির উবাচ:
মাতুর্হি বচনং শ্রুত্বা তদা সলিলকর্মণি ।
৬ ক
যুধিষ্ঠির উবাচ:
কর্ণস্য ক্রিয়তাং তোয়মিতি তপ্যামি তেন বৈ ॥
৬ খ
যুধিষ্ঠির উবাচ:
ইদং চ পরিতপ্যামি পুনঃপুনরহং সুরাঃ ।
৭ ক
যুধিষ্ঠির উবাচ:
যন্মাতুঃ সদৃশৌ পাদৌ তস্যাহমমিতাত্মনঃ ॥
৭ খ
যুধিষ্ঠির উবাচ:
দৃষ্ট্বৈব তং নানুগতঃ কর্ণং পরবলার্দনম্ ।
৮ ক
যুধিষ্ঠির উবাচ:
ন হ্যস্মান্ কর্ণসহিতাঞ্জয়েচ্ছক্রো'পি সংযুগে ॥
৮ খ
যুধিষ্ঠির উবাচ:
তমহং যত্রতত্রস্থং দ্রষ্টুমিচ্ছামি সূর্যজম্ ।
৯ ক
যুধিষ্ঠির উবাচ:
অবিজ্ঞাতো ময়া যোসৌ ঘাতিতঃ সব্যসাচিনা ॥
৯ খ
যুধিষ্ঠির উবাচ:
ভীমং চ ভীমবিক্রান্তং প্রাণেভ্যো'পি প্রিয়ং মম ।
১০ ক
যুধিষ্ঠির উবাচ:
অর্জুনং চেন্দ্রসংকাশং যমৌ চৈব যমোপমৌ ॥
১০ খ
যুধিষ্ঠির উবাচ:
দ্রষ্টুমিচ্ছামি তাং চাহং পাঞ্চালীং ধর্মচারিণীম্ ।
১১ ক
যুধিষ্ঠির উবাচ:
ন চেহ স্থাতুমিচ্ছামি সত্যমেবং ব্রবীমি বঃ ॥
১১ খ
যুধিষ্ঠির উবাচ:
কিং মে ভ্রাতৃবিহীনস্য স্বর্গেণ সুরসত্তমাঃ ।
১২ ক
যুধিষ্ঠির উবাচ:
যত্র তে মম স স্বর্গো নায়ং স্বর্গো মতো মম ॥
১২ খ
দেবা উচুঃ:
যদি বৈ তত্র তে শ্রদ্ধা গম্যতাং তত্র মাচিরম্ ।
১৩ ক
দেবা উচুঃ:
প্রিয়ে হি তব বর্তামো দেবরাজস্য শাসনাৎ ॥
১৩ খ
বৈশম্পায়ন উবাচ:
ইত্যুক্ত্বা তং ততো দেবা দেবদূতমুপাদিশন্ ।
১৪ ক
বৈশম্পায়ন উবাচ:
যুধিষ্ঠিরস্য সুহৃদো দর্শয়েতদি পরংতপ ॥
১৪ খ
বৈশম্পায়ন উবাচ:
ততঃ কুন্তীসুতো রাজা দেবদূতশ্চ জগ্মতুঃ ।
১৫ ক
বৈশম্পায়ন উবাচ:
সহিতৌ রাজশার্দূল যত্র তে পুরুষর্ষভাঃ ॥
১৫ খ
বৈশম্পায়ন উবাচ:
অগ্রতো দেবদূতশ্চ যযৌ রাজা চ পৃষ্ঠতঃ ।
১৬ ক
বৈশম্পায়ন উবাচ:
পন্থানমশুভং দুর্গং সেবিতং পাপকর্মভিঃ ॥
১৬ খ
বৈশম্পায়ন উবাচ:
তমসা সংবৃতং ঘোরং কেশশৈবলশাদ্বলম্ ।
১৭ ক
বৈশম্পায়ন উবাচ:
যুক্তং পাপকৃতাং গন্ধৈর্মাসশোণিতকর্দমম্ ॥
১৭ খ
বৈশম্পায়ন উবাচ:
দংশোৎপাতকভল্লূকমক্ষিকামশকাবৃতম্ ।
১৮ ক
বৈশম্পায়ন উবাচ:
ইতশ্চেতশ্চ কুণপৈঃ সমন্তাৎপরিবারিতম্ ॥
১৮ খ
বৈশম্পায়ন উবাচ:
অস্থিকেশসমাকীর্ণং কৃমিকীটসমাকুলম্ ।
১৯ ক
বৈশম্পায়ন উবাচ:
জ্বলনেন প্রদীপ্তেন সমন্তাৎপরিবেষ্টিতম্ ॥
১৯ খ
বৈশম্পায়ন উবাচ:
অয়োমুখৈশ্চ কাকাদ্যৈর্গৃধ্রৈশ্চ সমভিদ্রুতম্ ।
২০ ক
বৈশম্পায়ন উবাচ:
সূচীমুখৈস্তথা প্রেতৈর্বিন্ধ্যশৈলোপমৈর্বৃতম্ ॥
২০ খ
বৈশম্পায়ন উবাচ:
মেদোরুধিরযুক্তৈশ্চ চ্ছিন্নবাহূরূপাণিভিঃ ।
২১ ক
বৈশম্পায়ন উবাচ:
নিকৃত্তোদরপদৈশ্চ তত্রতত্র প্রবেশিতৈঃ ॥
২১ খ
বৈশম্পায়ন উবাচ:
স তৎকুণপদুর্গন্ধমশিবং রোমহর্ষণম্ ।
২২ ক
বৈশম্পায়ন উবাচ:
জগাম রাজা ধর্মাত্মা মধ্যে বহু বিচিন্তয়ন্ ॥
২২ খ
বৈশম্পায়ন উবাচ:
দদর্শোষ্ণোদকৈঃ পূর্ণাং নদীং চাপি সুদুর্গমাম্ ।
২৩ ক
বৈশম্পায়ন উবাচ:
অসিপত্রবনং চৈব নিশিতং ক্ষুরসংবৃতম্ ॥
২৩ খ
বৈশম্পায়ন উবাচ:
করম্ভবালুকাস্তপ্তা আয়সীশ্চ শিলাঃ পৃথক্ ।
২৪ ক
বৈশম্পায়ন উবাচ:
লোহকুম্ভীশ্চ তৈলস্য ক্বাথ্যমানাঃ সমন্ততঃ ॥
২৪ খ
বৈশম্পায়ন উবাচ:
কূটশাল্মলিকং তাপি দুঃস্পর্শং তীক্ষ্ণকণ্টকম্ ।
২৫ ক
বৈশম্পায়ন উবাচ:
দদর্শান্যাশ্চ কৌন্তেয়ো যাতনাঃ পাপকর্মিণাম্ ॥
২৫ খ
বৈশম্পায়ন উবাচ:
স তং দুর্গন্ধমালক্ষ্য দেবদূতমুবাচ হ ।
২৬ ক
বৈশম্পায়ন উবাচ:
কিয়দধ্বানমস্মাভির্গন্তব্যমিমমীদৃশম্ ॥
২৬ খ
বৈশম্পায়ন উবাচ:
ক্ব চ তে ভ্রাতরো মহ্যং তন্মমাখ্যাতুমর্হসি ।
২৭ ক
বৈশম্পায়ন উবাচ:
দেশো'য়ং কশ্চ দেবানামেতদিচ্ছামি বেদিতুম্ ॥
২৭ খ
বৈশম্পায়ন উবাচ:
স সংনিববৃতে শ্রুত্বা ধর্মরাজস্য ভাষিতম্ ।
২৮ ক
বৈশম্পায়ন উবাচ:
দেবদূতো'ব্রবীঞ্চৈনমেতাবদ্গমনং তব ॥
২৮ খ
বৈশম্পায়ন উবাচ:
নিবর্তিতব্যো হি ময়া ততা'স্ম্যুক্তো দিবৌকসৈঃ ।
২৯ ক
বৈশম্পায়ন উবাচ:
যদি শ্রান্তোসি রাজেন্দ্র ত্বমথাগন্তুমর্হসি ॥
২৯ খ
বৈশম্পায়ন উবাচ:
যুধিষ্ঠিরস্তু নির্বিণ্ণস্তেনি গন্ধেন মূর্ছিতঃ ।
৩০ ক
বৈশম্পায়ন উবাচ:
নিবর্তনে ধৃতমনাঃ পর্যাবর্তত ভারত ॥
৩০ খ
বৈশম্পায়ন উবাচ:
স সংনিবৃত্তো ধর্মাত্মা দুঃখশোকসমাহতঃ ।
৩১ ক
বৈশম্পায়ন উবাচ:
শুশ্রাব তত্র বদতাং দীনা বাচঃ সমন্ততঃ ॥
৩১ খ
বৈশম্পায়ন উবাচ:
ভোভো ধর্মজ রাজর্ষে পুণ্যাভিজন পাণ্ডব ।
৩২ ক
বৈশম্পায়ন উবাচ:
অনুগ্রহার্থমস্মাকং তিষ্ঠ তাবন্মুহূর্তকম্ ॥
৩২ খ
বৈশম্পায়ন উবাচ:
আয়াতি ত্বয়ি দুর্ধর্ষে বাতি পুণ্যঃ সমীরণঃ ।
৩৩ ক
বৈশম্পায়ন উবাচ:
তব গন্ধানুগস্তাত যেনাস্মান্ সুখমাগমৎ ॥
৩৩ খ
বৈশম্পায়ন উবাচ:
তে বয়ং পার্থ দীর্ঘস্য কালস্য পুরুষর্ষভ ।
৩৪ ক
বৈশম্পায়ন উবাচ:
সুখমাসাদয়িষ্যামস্ত্বাং দৃষ্ট্বা রাজসত্তম ॥
৩৪ খ
বৈশম্পায়ন উবাচ:
সংতিষ্ঠস্ব মহাবাহো মুহূর্তমিহ ভারত ।
৩৫ ক
বৈশম্পায়ন উবাচ:
ত্বয়ি তিষ্ঠতি কৌরব্য যাতনা'স্মান্ন বাধতে ॥
৩৫ খ
বৈশম্পায়ন উবাচ:
এবং বহুবিধা বাচঃ কৃপণা বেদনাবতাম্ ।
৩৬ ক
বৈশম্পায়ন উবাচ:
তস্মিন্দেশে স শুশ্রাব সমন্তাদ্বদতাং নৃপ ॥
৩৬ খ
বৈশম্পায়ন উবাচ:
তেষাং তু বচনং শ্রুত্বা দয়াবান্দীনভাষিণাম্ ।
৩৭ ক
বৈশম্পায়ন উবাচ:
অহো কৃচ্ছ্রমিতি প্রাহ তস্থৌ স চ যুধিষ্ঠিরঃ ॥
৩৭ খ
বৈশম্পায়ন উবাচ:
স তা গিরঃ পুরস্তাদ্বৈ শ্রুতপূর্বাঃ পুনঃপুনঃ ।
৩৮ ক
বৈশম্পায়ন উবাচ:
গ্লানানাং দুঃখিতানাং চ নাভ্যজানত পাণ্ডবঃ ॥
৩৮ খ
বৈশম্পায়ন উবাচ:
অবুধ্যমানস্তা বাচো ধর্মপুত্রো যুধিষ্ঠিরঃ ।
৩৯ ক
বৈশম্পায়ন উবাচ:
উবাচ কে ভবন্তো বৈ কিমর্থমিহ তিষ্ঠথ ॥
৩৯ খ
বৈশম্পায়ন উবাচ:
ইত্যুক্তাস্তে ততঃ সর্বে সমন্তাদবভাষিরে ।
৪০ ক
বৈশম্পায়ন উবাচ:
কর্ণো'হং ভীমসেনো'হমর্জুনো'হমিতি প্রভো ॥
৪০ খ
বৈশম্পায়ন উবাচ:
নকুলঃ সহদেবো'হং ধৃষ্টদ্যুম্নো'হমিত্যুত ।
৪১ ক
বৈশম্পায়ন উবাচ:
দ্রৌপদী দ্রৌপদেয়াশ্চ ইত্যেবং তে বিচুক্রুশুঃ ॥
৪১ খ
বৈশম্পায়ন উবাচ:
তা বাচঃ স তদা শ্রুত্বা তদ্দেশসদৃশীর্নৃপ ।
৪২ ক
বৈশম্পায়ন উবাচ:
ততো বিমমৃশে রাজা কিংত্বিদং দৈবকারিতম্ ॥
৪২ খ
বৈশম্পায়ন উবাচ:
কিন্তু তৎকলুষং কর্ম কৃতমেভির্মহাত্মভিঃ ।
৪৩ ক
বৈশম্পায়ন উবাচ:
কর্ণেন দ্রৌপদেয়ৈর্বা পাঞ্চাল্যা বা সুমধ্যমা ॥
৪৩ খ
বৈশম্পায়ন উবাচ:
য ইমে পাপগন্ধে'স্মিন্দেশে সন্তি সুদারুণে ।
৪৪ ক
বৈশম্পায়ন উবাচ:
নাহং জানামি সর্বেষাং দুষ্কৃতং পুণ্যকর্মণাম্ ॥
৪৪ খ
বৈশম্পায়ন উবাচ:
কিং কৃত্বা ধৃতরাষ্ট্রস্য পুত্রো রাজা সুযোধনঃ ।
৪৫ ক
বৈশম্পায়ন উবাচ:
তথা শ্রিয়া যুতঃ পাপৈঃ সহসর্বৈঃ পদানুগৈঃ ॥
৪৫ খ
বৈশম্পায়ন উবাচ:
মহেন্দ্র ইব লক্ষ্মীবানাস্তে পরমপূজিতঃ ।
৪৬ ক
বৈশম্পায়ন উবাচ:
কস্যেদানীং বিকারো'য়ং য ইমে নরকং গতাঃ ॥
৪৬ খ
বৈশম্পায়ন উবাচ:
সর্বে ধর্মবিদঃ শূরাঃ সত্যাগমপরায়ণাঃ ।
৪৭ ক
বৈশম্পায়ন উবাচ:
ক্ষত্রধর্মরতাঃ সন্তো যজ্বানো ভূরিদক্ষিণাঃ ॥
৪৭ খ
বৈশম্পায়ন উবাচ:
কিংনু সুপ্তোস্মি জাগর্মি চেতয়ামি ন চেতয়ে ।
৪৮ ক
বৈশম্পায়ন উবাচ:
অহো চিত্তবিকারো'য়ং স্যাদ্বা মে চিত্তবিভ্রমঃ ॥
৪৮ খ
বৈশম্পায়ন উবাচ:
এবং বহুবিধং রাজা বিমমর্শ যুধিষ্ঠিরঃ ।
৪৯ ক
বৈশম্পায়ন উবাচ:
দুঃখশোকসমাবিষ্টশ্চিন্তাব্যাকুলিতেন্দ্রিয়ঃ ॥
৪৯ খ
বৈশম্পায়ন উবাচ:
ক্রোধমাহারয়চ্চৈব তীব্রং ধর্মসুতো নৃপঃ ।
৫০ ক
বৈশম্পায়ন উবাচ:
দেবাংশ্চ গর্হয়ামাস ধর্মং চৈব যুধিষ্ঠিরঃ ॥
৫০ খ