বৈশম্পায়ন উবাচ:
ততস্তত্র মুনিশ্রেষ্ঠা রাজানং দ্রষ্টুমভ্যযুঃ ।
১ ক
বৈশম্পায়ন উবাচ:
নারদঃ পর্বতশ্চৈব দেবলশ্চ মহাতপাঃ ॥
১ খ
বৈশম্পায়ন উবাচ:
দ্বৈপায়নঃ সশিষ্যশ্চ সিদ্ধাশ্চান্যে মনীষিণঃ ।
২ ক
বৈশম্পায়ন উবাচ:
শতযূপশ্চ রাজর্ষির্বৃদ্ধঃ পরমধার্মিকঃ ॥
২ খ
বৈশম্পায়ন উবাচ:
তেষাং কুন্তী মহারাজ পূজাং চক্রে যথাবিধি ।
৩ ক
বৈশম্পায়ন উবাচ:
তে চাপি তুতুষুস্তস্যাস্তাপসাঃ পরিচর্যয়া ॥
৩ খ
বৈশম্পায়ন উবাচ:
তত্র ধর্ম্যাঃ কথাস্তাত চক্রুস্তে পরমর্ষয়ঃ ।
৪ ক
বৈশম্পায়ন উবাচ:
রময়ন্তো মহাত্মানং ধৃতরাষ্ট্রং জনাধিপম্ ॥
৪ খ
বৈশম্পায়ন উবাচ:
কথান্তরে তু কস্মিংশ্চিদ্দেবর্ষির্নারদস্ততঃ ।
৫ ক
বৈশম্পায়ন উবাচ:
কথামিমামকথয়ৎসর্বপ্রত্যক্ষদর্শিবান্ ॥
৫ খ
নারদ উবাচ:
পুরা প্রজাপতিসমো রাজা'সীদকুতোভয়ঃ ।
৬ ক
নারদ উবাচ:
সহস্রচিত্য ইত্যুক্তঃ শতযূপপিতামহঃ ॥
৬ খ
নারদ উবাচ:
স পুত্রে রাজ্যমাসজ্জ্য জ্যেষ্ঠে পরমধার্মিকে ।
৭ ক
নারদ উবাচ:
সহস্রচিত্যো ধর্মাত্মা প্রবিবেশ বনং নৃপঃ ॥
৭ খ
নারদ উবাচ:
স গত্বা তপসঃ পারং দীপ্তস্য বসুধাধিপঃ ।
৮ ক
নারদ উবাচ:
পুরন্দরস্য সংস্থানং প্রতিপেদে মহাদ্যুতিঃ ॥
৮ খ
নারদ উবাচ:
দৃষ্টপূর্বঃ স বহুশো রাজন্ সম্পততা ময়া ।
৯ ক
নারদ উবাচ:
মহেন্দ্রসদনে রাজা তপসা দগ্ধকিল্বিষঃ ॥
৯ খ
নারদ উবাচ:
তথা শৈলালয়ো রাজা ভগদত্তপিতামহঃ ।
১০ ক
নারদ উবাচ:
তপোবলেনৈব নৃপো মহেন্দ্রসদনং গতঃ ॥
১০ খ
নারদ উবাচ:
তথা পৃষধ্রো রাজা''সীদ্রাজন্ বজ্রধরোপমঃ ।
১১ ক
নারদ উবাচ:
স চাপি তপসা লেভে নাকপৃষ্ঠমিতো গতঃ ॥
১১ খ
নারদ উবাচ:
অস্মিন্নরণ্যে নৃপতে মান্ধাতুরপি চাত্মজঃ ।
১২ ক
নারদ উবাচ:
পুরুকুৎসো নৃপঃ সিদ্ধিং মহতীং সমবাপ্তবান্ ॥
১২ খ
নারদ উবাচ:
ভার্যা সমভবদ্যস্য নর্মদা সরিতাং বরা ।
১৩ ক
নারদ উবাচ:
সোস্মিন্নরণ্যে নৃপতিস্তপস্তপ্ত্বা দিবং গতঃ ॥
১৩ খ
নারদ উবাচ:
শশলোমা চ রাজা''সীদ্রাজন্ পরমধার্মিকঃ ।
১৪ ক
নারদ উবাচ:
সম্যগস্মিন্বনে তপ্ত্বা ততো দিবমবাপ্তবান্ ॥
১৪ খ
নারদ উবাচ:
দ্বৈপায়নপ্রসাদাচ্চ ত্বমপীদং তপোবনম্ ।
১৫ ক
নারদ উবাচ:
রাজন্নবাপ্য দুষ্প্রাপাং সিদ্ধিমগ্র্যাং গমিষ্যসি ॥
১৫ খ
নারদ উবাচ:
ত্বং চাপি রাজশার্দূল তপসোন্তে শ্রিয়া বৃতঃ ।
১৬ ক
নারদ উবাচ:
গান্ধারীসহিতো গন্তা গতিং তেষাং মহাত্মনাং ।I
১৬ খ
নারদ উবাচ:
পাণ্ডুঃ স্মরতি তে নিত্যং বলহন্তুঃ সমীপগঃ I
১৭ ক
নারদ উবাচ:
ত্বাং সদৈব মহারাজ শ্রেয়সা স চ যোক্ষ্যতি ॥
১৭ খ
নারদ উবাচ:
তব শুশ্রূষয়া চৈব গান্ধার্যাশ্চ যশস্বিনী ।
১৮ ক
নারদ উবাচ:
ভর্তুঃ সলোকতাং কুন্তী গমিষ্যতি বধূস্তব ॥
১৮ খ
নারদ উবাচ:
যুধিষ্ঠিরস্য জননী স হি ধর্মঃ সনাতনঃ ।
১৯ ক
নারদ উবাচ:
বয়মেতৎপ্রপশ্যামো নৃপতে দিব্যচক্ষুষাঃ ॥
১৯ খ
নারদ উবাচ:
প্রবেক্ষ্যতি মহাত্মানং বিদুরশ্চ যুধিষ্ঠিরম্ ।
২০ ক
নারদ উবাচ:
সঞ্জয়স্তদনুধ্যানাদিতঃ স্বর্গমবাপ্স্যতি ॥
২০ খ
বৈশম্পায়ন উবাচ:
এতচ্ছ্রুত্বা কৌরবেন্দ্রো মহাত্মা সার্ধং পত্ন্যা প্রীতিমান্ সম্বভূব ।
২১ ক
বৈশম্পায়ন উবাচ:
বিদ্বান্ বাক্যং নারদস্য প্রশস্য চক্রে পূজাং চাতুলাং নারদায় ॥
২১ খ
বৈশম্পায়ন উবাচ:
ততঃ সর্বে নারদং বিপ্রসঙ্ঘাঃ সম্পূজয়ামাসুরতীব রাজন্ ।
২২ ক
বৈশম্পায়ন উবাচ:
রাজ্ঞঃ প্রীত্যা ধৃতরাষ্ট্রস্য তে বৈ পুনঃপুনঃ সম্প্রহৃষ্টাস্তদানীম্ ॥
২২ খ