বৈশম্পায়ন উবাচ:
গত্বা তু তাং ভার্গবকর্মশালাং পার্থৌ পৃথাং প্রাপ্য মহানুভাবৌ |
১ ক
বৈশম্পায়ন উবাচ:
তাং যাজ্ঞসেনীং পরমপ্রতীতৌ ভিক্ষেত্যথাবেদয়তাং নরাগ্র্যৌ ||
১ খ
বৈশম্পায়ন উবাচ:
কুটীগতা সা ত্বনবেক্ষ্য পুত্রৌ প্রোবাচ ভুঙ্ক্তেতি সমেত্য সর্বে |
২ ক
বৈশম্পায়ন উবাচ:
পশ্চাচ্চ কুন্তী প্রসমীক্ষ্য কৃষ্ণাং কষ্টং ময়া ভাষিতমিত্যুবাচ ||
২ খ
বৈশম্পায়ন উবাচ:
সা'ধর্মভীতা পরিচিন্তয়ন্তী তাং যাজ্ঞসেনীং পরমপ্রতীতাম্ |
৩ ক
বৈশম্পায়ন উবাচ:
পাণৌ গৃহীৎবোপজগাম কুন্তী যুধিষ্ঠিরং বাক্যমুবাচ চেদম্ ||
৩ খ
কুন্তী উবাচ:
ইয়ং তু কন্যা দ্রুপদস্য রাজ্ঞ স্তবানুজাভ্যাং ময়ি সংনিসৃষ্টা |
৪ ক
কুন্তী উবাচ:
যথোচিতং পুত্র ময়া'পি চোক্তং সমেত্য ভুঙ্ক্তেতি নৃপ প্রমাদাৎ ||
৪ খ
কুন্তী উবাচ:
ময়া কথং নানৃতমুক্তমদ্য ভবেৎকুরূণামৃষভ ব্রবীহি |
৫ ক
কুন্তী উবাচ:
পঞ্চালরাজস্য সুতামধর্মো ন চোপবর্তেত ন বিভ্রমেচ্চ ||
৫ খ
বৈশম্পায়ন উবাচ:
স এবমুক্তো মতিমান্নৃবীরো মাত্রা মুহূর্তং তু বিচিন্ত্য রাজা |
৬ ক
বৈশম্পায়ন উবাচ:
কুন্তীং সমাশ্বাস্য কুরুপ্রবীরো ধনঞ্জয়ং বাক্যমিদং বভাষে ||
৬ খ
বৈশম্পায়ন উবাচ:
ত্বয়া জিতা ফাল্গুন যাজ্ঞসেনী ত্বয়ৈব শোভিষ্যতি রাজপুত্রী |
৭ ক
বৈশম্পায়ন উবাচ:
প্রজ্বাল্যতামগ্নিরমিত্রসাহ গৃহাণ পাণিং বিধিবত্ত্বমস্যাঃ ||
৭ খ
অর্জুন উবাচ:
মা মাং নরেন্দ্র ত্বমধর্মভাজং কৃথা ন ধর্মো'য়মশিষ্টদৃষ্টঃ |
৮ ক
অর্জুন উবাচ:
ভবান্নিবেশ্যঃ প্রথমং ততো'য়ং ভীমো মহাবাহুরচিন্ত্যকর্মা ||
৮ খ
অর্জুন উবাচ:
অহং ততো নকুলো'নন্তরং মে পশ্চাদয়ং সহদেবস্তরস্বী |
৯ ক
অর্জুন উবাচ:
বৃকোদরো'হং চ যমৌ চ রাজন্নিয়ং চ কন্যা ভবতো নিয়োজ্যাঃ ||
৯ খ
অর্জুন উবাচ:
এবং গতে যৎকরণীয়মত্র ধর্ম্যং যশস্যং কুরু তদ্বিচিন্ত্য |
১০ ক
অর্জুন উবাচ:
পাঞ্চালরাজস্য হিতং চ যৎস্যাৎপ্রশাধি সর্বে স্ম বশে স্থিতাস্তে ||
১০ খ
বৈশম্পায়ন উবাচ:
জিষ্ণোর্বচনমাজ্ঞায় ভক্তিস্নেহসমন্বিতম্ |
১১ ক
বৈশম্পায়ন উবাচ:
দৃষ্টিং নিবেশয়ামাসুঃ পাঞ্চাল্যাং পাণ্ডুনন্দনাঃ ||
১১ খ
বৈশম্পায়ন উবাচ:
দৃষ্ট্বা তে তত্র পশ্যন্তীং সর্বে কৃষ্ণাং যশস্বিনীম্ |
১২ ক
বৈশম্পায়ন উবাচ:
সংপ্রেক্ষ্যান্যোন্যমাসীনা হৃদয়ৈস্তামধারয়ন্ ||
১২ খ
বৈশম্পায়ন উবাচ:
তেষাং তু দ্রৌপদীং দৃষ্ট্বা সর্বেষামমিতৌজসাম্ |
১৩ ক
বৈশম্পায়ন উবাচ:
সংপ্রমথ্যেন্দ্রিয়গ্রামং প্রাদুরাসীন্মনোভবঃ ||
১৩ খ
বৈশম্পায়ন উবাচ:
কাম্যং হি রূপং পাঞ্চাল্যা বিধাত্রা বিহিতং স্বয়ম্ |
১৪ ক
বৈশম্পায়ন উবাচ:
বভূবাধিকমন্যাভ্যঃ সর্বভূতমনোহরম্ ||
১৪ খ
বৈশম্পায়ন উবাচ:
তেষামাকারভাবজ্ঞঃ কুন্তীপুত্রো যুধিষ্ঠিরঃ |
১৫ ক
বৈশম্পায়ন উবাচ:
দ্বৈপায়নবচঃ কৃৎস্নং সস্মার মনুজর্ষভঃ ||
১৫ খ
বৈশম্পায়ন উবাচ:
অব্রবীৎসহিতান্ভ্রাতৄন্মিথো ভেদভয়ান্নৃপঃ |
১৬ ক
বৈশম্পায়ন উবাচ:
সর্বেষাং দ্রৌপদী ভার্যা ভবিষ্যতি হি নঃ শুভা ||
১৬ খ
জনমেজয় উবাচ:
সতা'পি শক্তেন চ কেশবেন সজ্যং ধনুস্তন্ন কৃতং কিমর্থম্ |
১৭ ক
জনমেজয় উবাচ:
বিদ্ধং চ লক্ষ্যং ন চ কস্য হেতো রাচক্ষ্ব তন্মে দ্বিপদাং বরিষ্ঠ ||
১৭ খ
বৈশম্পায়ন উবাচ:
শক্তেন কৃষ্ণেন চ কার্মুকং ত ন্নারোপিতং জ্ঞাতুকামেন পার্থান্ |
১৮ ক
বৈশম্পায়ন উবাচ:
পরিশ্রবাদেব বভূব লোকে জীবন্তি পার্থা ইতি নিশ্চয়ো'স্য ||
১৮ খ
বৈশম্পায়ন উবাচ:
অন্যানশক্তান্নৃপতীন্সমীক্ষ্য স্বয়ংবরে কার্মুকেণোত্তমেন |
১৯ ক
বৈশম্পায়ন উবাচ:
ধনঞ্জয়স্তদ্ধনুরেকবীরঃ সজ্যং করোতীত্যভিবীক্ষ্য কৃষ্ণঃ ||
১৯ খ
বৈশম্পায়ন উবাচ:
ইতি স্বয়ং বাসুদেবো বিচিন্ত্য পার্থান্বিবিৎসন্বিবিধৈরুপায়ৈঃ |
২০ ক
বৈশম্পায়ন উবাচ:
ন তদ্ধনুঃ সজ্যমিয়েপ কর্তুং বভূবুরস্যেষ্টতমা হি পার্থাঃ ||
২০ খ
বৈশম্পায়ন উবাচ:
ভ্রাতুর্বচস্তৎপ্রসমীক্ষ্য সর্বে জ্যেষ্ঠস্য পাণ্ডোস্তনয়াস্তদানীম্ |
২১ ক
বৈশম্পায়ন উবাচ:
তমেবার্থং ধ্যায়মানা মনোভিঃ সর্বে চ তে তস্থুরদীনসত্বাঃ ||
২১ খ
বৈশম্পায়ন উবাচ:
বৃষ্ণিপ্রবীরস্তু কুরুপ্রবীরা নাশংসমানঃ সহরৌহিণেয়ঃ |
২২ ক
বৈশম্পায়ন উবাচ:
জগাম তাং ভার্গবকর্মশালাং যত্রাসতে তে পুরুষপ্রবীরাঃ ||
২২ খ
বৈশম্পায়ন উবাচ:
তত্রোপবিষ্টং পৃথুদীর্ঘবাহুং দদর্শ কৃষ্ণঃ সহরৌহিণেয়ঃ |
২৩ ক
বৈশম্পায়ন উবাচ:
অজাতশত্রুং পরিবার্য তাংশ্চা প্যুপোপবিষ্টাঞ্জ্বলনপ্রকাশান্ ||
২৩ খ
বৈশম্পায়ন উবাচ:
ততো'ব্রবীদ্বাসুদেবো'ভিগম্য কুন্তীসুতং ধর্মভৃতাং বরিষ্ঠম্ |
২৪ ক
বৈশম্পায়ন উবাচ:
কৃষ্ণো'হমস্মীতি নিপীড্য পাদৌ যুধিষ্ঠিরস্যাজমীঢ়স্য রাজ্ঞঃ ||
২৪ খ
বৈশম্পায়ন উবাচ:
তথৈব তস্যাপ্যনু রৌহিণেয় স্তৌ চাপি হৃষ্টাঃ কুরবো'ভ্যনন্দন |
২৫ ক
বৈশম্পায়ন উবাচ:
পিতৃষ্বসুশ্চাপি যদুপ্রবীরা বগৃহ্ণতাং ভারতমুখ্য পাদৌ ||
২৫ খ
বৈশম্পায়ন উবাচ:
অজাতশত্রুশ্চ কুরুপ্রবীরঃ পপ্রচ্ছ কৃষ্ণং কুশলং বিলোক্য |
২৬ ক
বৈশম্পায়ন উবাচ:
কথং বয়ং বাসুদেব ত্বয়েহ গূঢ়া বসন্তো বিদিতাশ্চ সর্বে ||
২৬ খ
বৈশম্পায়ন উবাচ:
তমব্রবীদ্বাসুদেবঃ প্রহস্য গূঢ়ো'প্যগ্নির্জ্ঞায়ত এব রাজন্ |
২৭ ক
বৈশম্পায়ন উবাচ:
তং বিক্রমং পাণ্ডবেয়ানতীত্য কো'ন্যঃ কর্তা বিদ্যতে মানুষেষু ||
২৭ খ
বৈশম্পায়ন উবাচ:
দিষ্ট্যা সর্বে পাবকাদ্বিপ্রমুক্তা যূয়ং ঘোরাৎপাণ্ডবাঃ শত্রুসাহাঃ |
২৮ ক
বৈশম্পায়ন উবাচ:
দিষ্ট্যা পাপো ধৃতরাষ্ট্রস্য পুত্রঃ সহামাত্যো ন সকামো'ভবিষ্যৎ ||
২৮ খ
বৈশম্পায়ন উবাচ:
ভদ্রং বো'স্তু নিহিতং যদ্গুহায়াং বিবর্ধধ্বং জ্বলনা ইবৈধমানাঃ |
২৯ ক
বৈশম্পায়ন উবাচ:
মা বো বিদ্যুঃ পার্থিবাঃ কেচিদেব যাস্যাবহে শিবিরায়ৈব তাবৎ |
২৯ খ
বৈশম্পায়ন উবাচ:
সো'নুজ্ঞাতঃ পাণ্ডবেনাব্যযশ্রীঃ প্রায়াচ্ছীঘ্রং বলদেবেন সার্ধম্ ||
২৯ গ