বৈশম্পায়ন উবাচ:
স তৈঃ সহ নরব্যাঘ্রৈর্ভ্রাতৃভির্ভরতর্ষভ ।
১ ক
বৈশম্পায়ন উবাচ:
রাজা রুচিরপদ্মাক্ষৈরাসাংচক্রে তদাশ্রমে ॥
১ খ
বৈশম্পায়ন উবাচ:
তাপসৈশ্চ মহাভাগৈর্নানাদেশসমাগতৈঃ ।
২ ক
বৈশম্পায়ন উবাচ:
দ্রষ্টুং কুরুপতেঃ পুত্রান্ পাণ্ডবান্পৃথুবক্ষসঃ ॥
২ খ
বৈশম্পায়ন উবাচ:
তে ব্রুবন্জ্ঞাতুমিচ্ছামঃ কতমো'ত্র যুধিষ্ঠিরঃ ।
৩ ক
বৈশম্পায়ন উবাচ:
ভীমার্জুনৌ যমৌ চৈব দ্রৌপদী চ যশস্বিনী ॥
৩ খ
বৈশম্পায়ন উবাচ:
তানাচখ্যৌ তদা সূতস্তেষাং নাম প্রধানতঃ ।
৪ ক
বৈশম্পায়ন উবাচ:
সঞ্জয়ো দ্রৌপদীং চৈব সর্বাশ্চান্যা কুরুস্ত্রিয়ঃ ॥
৪ খ
সঞ্জয় উবাচ:
য এষ জাম্বূনদশুদ্ধগৌর স্তনুর্মহাসিংহ ইব প্রবৃদ্ধঃ ।
৫ ক
সঞ্জয় উবাচ:
প্রচণ্ডঘোণঃ পৃথুদীর্ঘনেত্র স্তাম্রায়তাক্ষঃ কুরুরাজ এষঃ ॥
৫ খ
সঞ্জয় উবাচ:
অয়ং পুনর্মত্তগজেন্দ্রগামী প্রতপ্তচামীকরশুদ্ধগৌরঃ ।
৬ ক
সঞ্জয় উবাচ:
পৃথ্বায়তাংসঃ পৃথুদীর্ঘবাহুর্বৃকোদরঃ পশ্যত পশ্যতেমম্ ॥
৬ খ
সঞ্জয় উবাচ:
যস্ত্বেষ পার্শ্বে'স্য মহাধনুষ্মান্ শ্যামো যুবা বারণযূথপাভঃ ।
৭ ক
সঞ্জয় উবাচ:
সিংহোন্নতাংসো গজখেলগামী পদ্মায়তাক্ষো'র্জুন এষ বীরঃ ॥
৭ খ
সঞ্জয় উবাচ:
কুন্তীসমীপে পুরুষোত্তমৌ তু যমাবিমৌ বিষ্ণুমহেন্দ্রকল্পৌ ।
৮ ক
সঞ্জয় উবাচ:
মনুষ্যলোকে সকলে সমোস্তি যয়োর্ন রূপে ন বলে ন শীলে ॥
৮ খ
সঞ্জয় উবাচ:
ইয়ং পুনঃ পদ্মদলায়তাক্ষী মধ্যং বয়ঃ কিঞ্চিদিব স্পৃশন্তী ।
৯ ক
সঞ্জয় উবাচ:
নীলোৎপলাভা পুরদেবতেব কৃষ্ণা স্থিতা মূর্তিমতীব লক্ষ্মীঃ ॥
৯ খ
সঞ্জয় উবাচ:
অস্যাস্তু পার্শ্বে কনকোপমত্বগেষা স্থিতা মূর্তিমতীব গৌরী ।
১০ ক
সঞ্জয় উবাচ:
সত্যে স্থিতা সা ভগিনী দ্বিজাগ্র্যা শ্চক্রায়ুধস্যাপ্রতিমস্য তস্য ॥
১০ খ
সঞ্জয় উবাচ:
ইয়ং চ জাম্বূনদশুদ্ধগৌরী পার্থস্য ভার্যা ভুজগেন্দ্রকন্যা ।
১১ ক
সঞ্জয় উবাচ:
চিত্রাঙ্গদা চৈব নরেন্দ্রকন্যা যৈষা সবর্ণার্দ্রমধূকপুষ্পৈঃ ॥
১১ খ
সঞ্জয় উবাচ:
ইয়ং স্বসা রাজচমূপতেশ্চ প্রবৃদ্ধনীলোৎপলদামবর্ণা ।
১২ ক
সঞ্জয় উবাচ:
পস্পর্ধ কৃষ্ণেন সদা নৃপো যো বৃকোদরস্যৈষ পরিগ্রহো'গ্র্যঃ ॥
১২ খ
সঞ্জয় উবাচ:
ইয়ং চ রাজ্ঞো মগধাধিপস্য সুতা জরাসন্ধ ইতি শ্রুতস্য ।
১৩ ক
সঞ্জয় উবাচ:
যবীয়সো মাদ্রবতীসুতস্য ভার্যা মতা চম্পকদামগৌরী ॥
১৩ খ
সঞ্জয় উবাচ:
ইন্দীবরশ্যামতনুঃ স্থিতা তু যৈষা পরাঽঽসন্নতরোর্লতেব ।
১৪ ক
সঞ্জয় উবাচ:
ভার্যা মতা মাদ্রবতীসুতস্য জ্যেষ্ঠস্য সেয়ং কমলায়তাক্ষী ॥
১৪ খ
সঞ্জয় উবাচ:
ইয়ং তু নিষ্টপ্তসুবর্ণগৌরী রাজ্ঞো বিরাটস্য সুতা সপুত্রা ।
১৫ ক
সঞ্জয় উবাচ:
ভার্যা'ভিমন্যোর্নিহতো রণে যো দ্রোণাদিভিস্তৈর্বিরথো রথস্থৈঃ ॥
১৫ খ
সঞ্জয় উবাচ:
এতাস্তু সীমন্তশিরোরুহা যাঃ শুক্লোত্তরীয়া নররাজপত্ন্যঃ ।
১৬ ক
সঞ্জয় উবাচ:
রাজ্ঞোস্য বৃদ্ধস্য পরংশতাখ্যাঃ স্নুষা নৃবীরাহতপুত্রনাথাঃ ॥
১৬ খ
সঞ্জয় উবাচ:
এতা যথামুখ্যমুদাহৃতা বো ব্রাহ্মণ্যভাবাদৃজুবুদ্ধিসত্বাৎ ।
১৭ ক
সঞ্জয় উবাচ:
সর্বা ভবদ্ভিঃ পরিপৃচ্ছ্যমানা নরেন্দ্রপত্ন্যঃ সুবিশুদ্ধসত্বাঃ ।
১৭ খ
সঞ্জয় উবাচ:
সর্বে ভবন্তোপি তপোবলাগ্র্যাঃ ক্ষান্তাশ্চ দান্তাশ্চ কুলোদ্ভবাশ্চ ॥
১৭ গ
বৈশম্পায়ন উবাচ:
এবং স রাজা কুরুবৃদ্ধবর্যঃ সমাগতস্তৈর্নরদেবপুত্রৈঃ ।
১৮ ক
বৈশম্পায়ন উবাচ:
পপ্রচ্ছ সর্বং কুশলং তদানীং গতেষু সর্বেষ্বথ তাপসেষু ॥
১৮ খ
বৈশম্পায়ন উবাচ:
যোধেষু চাপ্যাশ্রমমণ্ডলং তন্মৎবা নিবিষ্টেষু বিমুচ্য পত্রম্ ।
১৯ ক
বৈশম্পায়ন উবাচ:
স্ত্রীবৃদ্ধবালে চ সুসংনিবিষ্টে যথার্হতস্তান্ কুশলান্যপৃচ্ছৎ ॥
১৯ খ