ধৃতরাষ্ট্র উবাচ:
যুধিষ্ঠির মহাবাহো কচ্চিত্বং কুশলী হ্যসি ।
১ ক
ধৃতরাষ্ট্র উবাচ:
সহিতো ভ্রাতৃভিঃ সর্বৈঃ পৌরজানপদৈস্তথা ॥
১ খ
ধৃতরাষ্ট্র উবাচ:
যে চ ত্বামনুজীবন্তি কচ্চিত্তে'পি নিরাময়াঃ ।
২ ক
ধৃতরাষ্ট্র উবাচ:
সচিবা ভৃত্যবর্গাশ্চ গুরবশ্চৈব তে নৃপ ॥
২ খ
ধৃতরাষ্ট্র উবাচ:
কচ্চিত্তে'পি নিরাতঙ্কা বসন্তি বিষয়ে তব ।
৩ ক
ধৃতরাষ্ট্র উবাচ:
কচ্চিদ্বর্তসি পৌরাণীং বৃত্তিং রাজর্ষিসেবিতাম্ ॥
৩ খ
ধৃতরাষ্ট্র উবাচ:
কচ্চিন্ন্যায়াননুচ্ছিদ্য কোশস্তে'ভিপ্রপূর্যতে ।
৪ ক
ধৃতরাষ্ট্র উবাচ:
অরিমধ্যস্থমিত্রেষু বর্তসে চানুরূপতঃ ।
৪ খ
ধৃতরাষ্ট্র উবাচ:
ব্রাহ্মণানগ্রহারৈর্বা যথাবদনুপশ্যসি ॥
৪ গ
ধৃতরাষ্ট্র উবাচ:
কচ্চিত্তে পরিতুষ্যন্তি শীলেনি ভরতর্ষভ ।
৫ ক
ধৃতরাষ্ট্র উবাচ:
শত্রবোপি কুতঃ পৌরা ভৃত্যা বা স্বজনোপি বা ॥
৫ খ
ধৃতরাষ্ট্র উবাচ:
কচ্চিদ্যজসি রাজেন্দ্র শ্রদ্ধাবান্ পিতৃদেবতাঃ ।
৬ ক
ধৃতরাষ্ট্র উবাচ:
অতিথীনন্নপানেনি কচ্চিদর্চসি ভারত ॥
৬ খ
ধৃতরাষ্ট্র উবাচ:
কচ্চিন্নয়পথে বিপ্রাঃ স্বকর্মনিরতাস্তব ।
৭ ক
ধৃতরাষ্ট্র উবাচ:
ক্ষত্রিয়া বৈশ্যবর্ণা বা শূদ্রা বা'পি কুটুম্বিনঃ ॥
৭ খ
ধৃতরাষ্ট্র উবাচ:
কচ্চিৎস্ত্রীবালবৃদ্ধং তে ন শোচতি ন যাচতে ।
৮ ক
ধৃতরাষ্ট্র উবাচ:
জাময়ঃ পূজিতাঃ কচ্চিত্তব গেহে নরর্ষভ ॥
৮ খ
ধৃতরাষ্ট্র উবাচ:
কচ্চিদ্রাজর্ষিবংশো'য়ং ত্বামাসাদ্য মহীপতিম্ ।
৯ ক
ধৃতরাষ্ট্র উবাচ:
যথোচিতং মহারাজ যশসা নাবসীদতি ॥
৯ খ
বৈশম্পায়ন উবাচ:
ইত্যেবাদিনং তং স ন্যায়বিৎপ্রত্যভাষত ।
১০ ক
বৈশম্পায়ন উবাচ:
কুশলপ্রশ্নসংযুক্তং কুশলো বাক্যমব্রবীৎ ॥
১০ খ
যুধিষ্ঠির উবাচ:
অপি তে বর্ধতে রাজন্স্তপো মন্দঃ শ্রমশ্চ তে ॥
১১ ক
যুধিষ্ঠির উবাচ:
অপি মে জননী চেয়ং শুশ্রূষুর্বিগতক্লমা ।
১২ ক
যুধিষ্ঠির উবাচ:
অথাস্যাঃ সফলো রাজন্বনবাসো ভবিষ্যতি ॥
১২ খ
যুধিষ্ঠির উবাচ:
ইয়ং চ মাতা জ্যেষ্ঠা মে শীতবাতাধ্বকর্শিতা ।
১৩ ক
যুধিষ্ঠির উবাচ:
ঘোরেণ তপসা যুক্তা দেবী কচ্চিন্ন শোচতি ॥
১৩ খ
যুধিষ্ঠির উবাচ:
হতান্পুত্রান্মহাবীর্যান্ক্ষত্রধর্মপরায়ণান্ ।
১৪ ক
যুধিষ্ঠির উবাচ:
নাপধ্যায়তি বা কচ্চিদস্মান্ পাপকৃতঃ সদা ॥
১৪ খ
যুধিষ্ঠির উবাচ:
ক্ব চাসৌ বিদুরো রাজন্নেমং পশ্যামহে বয়ম্ ।
১৫ ক
যুধিষ্ঠির উবাচ:
সঞ্জয়ঃ কুশলী চায়ং কচ্চিন্নু তপসি স্থিরঃ ॥
১৫ খ
বৈশম্পায়ন উবাচ:
ইত্যুক্তঃ প্রত্যুবাচৈনং ধৃতরাষ্ট্রো জনাধিপম্ ।
১৬ ক
বৈশম্পায়ন উবাচ:
কুশলী বিদুরঃ পুত্র তপো ঘোরং সমাশ্রিতঃ ॥
১৬ খ
বৈশম্পায়ন উবাচ:
বায়ুভক্ষো নিরাহারঃ কৃশো ধমনিসন্ততঃ ।
১৭ ক
বৈশম্পায়ন উবাচ:
কদাচিদ্দৃশ্যতে বিপ্রৈঃ শূন্যে'স্মিন্ কাননে ক্বচিৎ ॥
১৭ খ
বৈশম্পায়ন উবাচ:
ইত্যেবং ব্রুবতস্তস্য জটী বীটামুখঃ কৃশঃ ।
১৮ ক
বৈশম্পায়ন উবাচ:
দিগ্বাসা মলদিগ্ধাঙ্গো বনরেণুসমুক্ষিতঃ ॥
১৮ খ
বৈশম্পায়ন উবাচ:
দূরাদালক্ষিতঃ ক্ষত্তা তত্রাখ্যাতো মহীপতেঃ ।
১৯ ক
বৈশম্পায়ন উবাচ:
কবিদুরস্ত্বেষ ধর্মাত্মা জনং দৃষ্ট্বা নিবর্ততে ॥
১৯ খ
বৈশম্পায়ন উবাচ:
নিবর্তমানং সহসা জনং দৃষ্ট্বা''শ্রমং প্রতি ।
২০ ক
বৈশম্পায়ন উবাচ:
তমন্বধাবন্নৃপতিরেক এব যুধিষ্ঠিরঃ ।
২০ খ
বৈশম্পায়ন উবাচ:
প্রবিশন্তং বনং ঘোরং লক্ষ্যালক্ষ্যং ক্বচিৎক্বচিৎ ॥
২০ গ
বৈশম্পায়ন উবাচ:
ভোভো বিদুর রাজা'হং দয়িতস্তে যুধিষ্ঠিরঃ ।
২১ ক
বৈশম্পায়ন উবাচ:
ইতি ব্রুবন্নরপতিস্তং যত্নাদভ্যধাবত ॥
২১ খ
বৈশম্পায়ন উবাচ:
ততো বিবিক্ত একান্তে তস্থৌ বুদ্ধিমতাং বরঃ ।
২২ ক
বৈশম্পায়ন উবাচ:
বিদুরো বৃক্ষমাশ্রিত্য কঞ্চিত্তত্র বনান্তরে ॥
২২ খ
বৈশম্পায়ন উবাচ:
তং রাজা ক্ষীণভূয়িষ্ঠমাকৃতীমাত্রসূচিতম্ ।
২৩ ক
বৈশম্পায়ন উবাচ:
অভিজজ্ঞে মহাবুদ্ধিং মহাবুদ্ধির্যুধিষ্ঠিরঃ ॥
২৩ খ
বৈশম্পায়ন উবাচ:
যুধিষ্ঠিরো'হমস্মীতি বাক্যমুক্ত্বা'গ্রতঃ স্থিতঃ ।
২৪ ক
বৈশম্পায়ন উবাচ:
বিদুরস্যাশ্রমে রাজা স চ প্রত্যাহ সংজ্ঞয়া ॥
২৪ খ
বৈশম্পায়ন উবাচ:
ততঃ সো'নিমিষো ভূত্বা রাজানং তমুদৈক্ষত ।
২৫ ক
বৈশম্পায়ন উবাচ:
সংযোজ্য বিদুরস্তস্মিন্দৃষ্টিং দৃষ্ট্যা সমাহিতঃ ॥
২৫ খ
বৈশম্পায়ন উবাচ:
বিবেশ বিদুরো ধীমান্গাত্রৈর্গাত্রাণি চৈব হ ।
২৬ ক
বৈশম্পায়ন উবাচ:
প্রাণান্ প্রাণেষু চ দধদিন্দ্রিয়াণীন্দ্রিয়েষু চ ॥
২৬ খ
বৈশম্পায়ন উবাচ:
স যোগবলমাস্থায় বিবেশ নৃপতেস্তনুম্ ।
২৭ ক
বৈশম্পায়ন উবাচ:
বিদুরো ধর্মরাজস্য তেজসা প্রজ্বলন্নিব ॥
২৭ খ
বৈশম্পায়ন উবাচ:
বিদুরস্য শরীরং তু তথৈব স্তব্ধলোচনম্ ।
২৮ ক
বৈশম্পায়ন উবাচ:
বৃক্ষাশ্রিতং তদা রাজা দদর্শ গতচেতনম্ ॥
২৮ খ
বৈশম্পায়ন উবাচ:
বলবন্তং তথা''ত্মানং মেনে বহুগুণং তদা ।
২৯ ক
বৈশম্পায়ন উবাচ:
ধর্মরাজো মহাতেজাস্তচ্চ সস্মার পাণ্ডবঃ ॥
২৯ খ
বৈশম্পায়ন উবাচ:
পৌরাণমাত্মনঃ সর্বং ভবিষ্যং চ বিশাম্পতে ।
৩০ ক
বৈশম্পায়ন উবাচ:
যোগধর্মং মহাতেজা ব্যাসেন কথিতং যথা ॥
৩০ খ
বৈশম্পায়ন উবাচ:
ধর্মরাজশ্চ তত্রৈনং সঞ্চস্কারয়িষুস্তদা ।
৩১ ক
বৈশম্পায়ন উবাচ:
দগ্ধুকামো'ভবদ্বিদ্বানথ বাগভ্যভাষত ॥
৩১ খ
বৈশম্পায়ন উবাচ:
ভোভো রাজন্ন দগ্ধব্যমেতদ্বিদুরসংজ্ঞকম্ ।
৩২ ক
বৈশম্পায়ন উবাচ:
কলেবরমিহৈবং তে ধর্ম এষ সনাতনঃ ॥
৩২ খ
বৈশম্পায়ন উবাচ:
লোকো বৈকর্তনো নাম ভবিষ্যত্যস্য ভারত ।
৩৩ ক
বৈশম্পায়ন উবাচ:
যতিধর্মমবাপ্তোসৌ নৈষ শোচ্যঃ পরন্তপ ॥
৩৩ খ
বৈশম্পায়ন উবাচ:
ইত্যুক্তো ধর্মরাজঃ স বিনিবৃত্য ততঃ পুনঃ ।
৩৪ ক
বৈশম্পায়ন উবাচ:
রাজ্ঞো বৈচিত্রবীর্যস্য তৎসর্বং প্রত্যবেদয়ৎ ॥
৩৪ খ
বৈশম্পায়ন উবাচ:
ততঃ স রাজা ধৃতিমান্ স চ সর্বো জনস্তদা ।
৩৫ ক
বৈশম্পায়ন উবাচ:
ভীমসেনাদয়শ্চৈব পরং বিস্মিয়মাগতাঃ ॥
৩৫ খ
বৈশম্পায়ন উবাচ:
তচ্ছ্রুত্বা প্রীতিমান্ রাজা ভূত্বা ধর্মজমব্রবীৎ ।
৩৬ ক
বৈশম্পায়ন উবাচ:
আপো মূলং ফলং চৈব মমেদং প্রতিগৃহ্যতাম্ ॥
৩৬ খ
বৈশম্পায়ন উবাচ:
যদন্নো হি নরো রাজংস্তদন্নো'স্যাতিথিঃ স্মৃতঃ ।
৩৭ ক
বৈশম্পায়ন উবাচ:
ইত্যুক্তঃ স তথেত্যেবং প্রাহ ধর্মাত্মজো নৃপম্ ॥
৩৭ খ
বৈশম্পায়ন উবাচ:
ফলং মূলং চ বুভুজে রাজ্ঞা দত্তং সহানুজঃ ।
৩৮ ক
বৈশম্পায়ন উবাচ:
ততস্তে বৃক্ষমূলেষু কৃতবাসপরিগ্রহাঃ ।
৩৮ খ
বৈশম্পায়ন উবাচ:
তাং রাত্রিমবসন্ সর্বে ফলমূলজলাশনাঃ ॥
৩৮ গ