সৌতিঃ উবাচ:
যশ্চাধর্মেণ বৈ ব্রূয়াদ্যশ্চাধর্মেণ পৃচ্ছতি |
৮৯ ক
সৌতিঃ উবাচ:
তয়োরন্যতরঃ প্রৈতি বিদ্বেষং চাধিগচ্ছতি ||
৮৯ খ
সৌতিঃ উবাচ:
সোহমনুজ্ঞাতো ভবতা ইচ্ছামীষ্টং গুর্বর্থমুপহর্তুমিতি। তেনৈবমুক্ত উপাধ্যায়ঃ প্রত্যুবাচ বৎসোত্তঙ্ক উষ্যতাং তাবদিতি |
৯০ ক
সৌতিঃ উবাচ:
স কদাচিদুপাধ্যায়মাহোত্তঙ্কঃ আজ্ঞাপয়তু ভবান্ কিং তে প্রিয়মুপহরামি গুর্বর্থমিতি |
৯১ ক
সৌতিঃ উবাচ:
তমুপাধ্যায়ঃ প্রত্যুবাচ বৎসোত্তঙ্ক বহুশো মাং চোদয়সি গুর্বর্থমুপহরামীতি তদ্গচ্ছৈনাং প্রবিশ্যোপাধ্যায়ানীং পৃচ্ছ, কিমুপাহরামীতি। এষা যদ্ব্রবীতি তদুপহরস্বেতি |
৯২ ক
সৌতিঃ উবাচ:
সএবমুক্ত উপাধ্যায়েনোপাধ্যায়িনীম্ অপৃচ্ছৎভবত্যুপাধ্যায়েনাস্ম্যনুজ্ঞাতো গৃহং গন্তুমিচ্ছামীষ্টং তে গুর্বর্থমুপহৃত্যানৃণো গন্তুম্ তদাজ্ঞাপয়তু ভবতী কিমুপহরামি গুর্বর্থম্ ইতি। |
৯৩ ক
সৌতিঃ উবাচ:
সৈবমুক্তাপাধ্যায়িনী তমুত্তঙ্কং প্রত্যুবাচ। গচ্ছ পৌষ্যং প্রতি রাজানং কুণ্ডলে ভিক্ষিতুং তস্য ক্ষত্রিয়য়া পিনদ্ধে |
৯৪ ক
সৌতিঃ উবাচ:
আনয়স্বেত চতুর্থে’হনি পুণ্যকং ভবিতা তাভ্যামাবদ্ধাভ্যাং শোভমানা ব্রাহ্মণান্পরিবেষ্টুমিচ্ছামি। তৎসম্পাদয়স্ব এবং হি কুর্বতঃ শ্রেয়ো ভবিতা অন্যথা কুতঃ শ্রেয় ইতি |
৯৫ ক
সৌতিঃ উবাচ:
স এবমুক্তস্তয়োপাধ্যায়ান্যা প্রাতিষ্টতোত্তঙ্কঃ। স পথি গচ্ছন্নপশ্যদৃষভমতিপ্রমাণং তমধিরূঢ়ং চ পুরুষমতিপ্রমাণমেব |
৯৬ ক
সৌতিঃ উবাচ:
স পুরুষ উত্তঙ্কমভ্যভাষত - ভো উত্তঙ্কৈতৎ পুরীষম্ অস্য ঋষভস্য ভক্ষয়স্বেতি। স এবমুক্তো নৈচ্ছৎ |
৯৭ ক
সৌতিঃ উবাচ:
তমাহ পুরুষো ভূয়ো ভক্ষয়স্বোত্তঙ্ক মা বিচারয়োপাধ্যায়েনাপি তে ভক্ষিতং পূর্বমিতি |
৯৮ ক
সৌতিঃ উবাচ:
স এবমুক্তো বাঢ়মিত্যুক্ত্বা তদা তদ্ বৃষভস্য মূত্রং পুরীষং চ ভক্ষয়িত্বোত্তঙ্কঃসম্ভ্রমাদুত্থিত এবাপো'নুপস্পৃশ্য প্রতস্থে |
৯৯ ক
সৌতিঃ উবাচ:
যত্র স ক্ষত্রিয়ঃ পৌষ্যস্তমুপেত্যাসীনমপশ্যদুত্তঙ্কঃ। স উত্তঙ্কস্তমুপেত্যাশীর্ভিরভিনন্দ্যোবাচ |
১০০ ক
সৌতিঃ উবাচ:
অর্থী ভবন্তমুপাগতো’স্মীতি স এনমভিবাদ্যোবাচ। ভগবন্পৌষ্যঃখল্বহং কিং করবাণীতি |
১০১ ক
সৌতিঃ উবাচ:
স তমুবাচ গুর্বর্থংকুণ্ডলয়োরর্থেনাভ্যাগতো’স্মীতি। যে বৈ তে ক্ষত্রিয়য়া পিনদ্ধে কুণ্ডলে তে ভবান্দাতুমর্হতীতি |
১০২ ক
সৌতিঃ উবাচ:
তং প্রত্যুবাচ পৌষ্যঃ - প্রবিশ্যান্তপুরং ক্ষত্রিয়া যাচ্যতামিতি। স তেনৈবমুক্তঃ প্রবিশ্যান্তঃপুরং ক্ষত্রিয়াং নাপশ্যৎ |
১০৩ ক
সৌতিঃ উবাচ:
স পৌষ্যং পুনরুবাচ ন যুক্তং ভবতা অহমনৃতেনোপচরিতুং ন হি তে’ন্তঃপুরে ক্ষত্রিয়া সন্নিহিতা নৈনাং পশ্যামি |
১০৪ ক
সৌতিঃ উবাচ:
স এবমুক্তঃ পৌষ্যঃ ক্ষণমাত্রং বিমৃশ্যোত্তঙ্কং প্রত্যুবাচ। নিয়তং ভবানুচ্ছিষ্টঃ স্মর তাবত্র হি সা ক্ষত্রিয়া উচ্ছিষ্টেনাশুচিনা শক্যা দ্রষ্টুং পতিব্রতাত্বাৎসৈষা নাশুচের্দর্শনমুপৈতীতি |
১০৫ ক
সৌতিঃ উবাচ:
অথৈবমুক্ত উত্তঙ্কঃ স্মৃত্বোবাচাস্তি খলু ময়া তু ভক্ষিতম্ নোপস্পৃষ্টমাগচ্ছতেতি। তং পৌষ্যঃ প্রত্যুবাচ এষ তে ব্যতিক্রমো নোত্থিতেনোপস্পৃষ্টং ভবতি শীঘ্রং আগচ্ছতেতি |
১০৬ ক
সৌতিঃ উবাচ:
অথোত্তঙ্কস্তং তথেত্যুক্ত্বা প্রাঙ্মুখ উপবিশ্য সুপ্রক্ষালিতপাণিপাদবদনো নিঃশব্দাভিরফেনাভিরনুষ্ণাভির্হৃদ্গতাভিরদ্ভিস্ত্রিঃ পীত্বা দ্বিঃ পরিমৃজ্যখান্যাদ্ভিরুপস্পৃস্য চান্তঃপুরং প্রবিবেশ |
১০৭ ক
সৌতিঃ উবাচ:
ততস্তাং ক্ষত্রিয়ামপশ্যৎ সা চ দৃষ্ট্বৈ বোত্তঙ্কং প্রত্যুত্থায়াভিবাদ্যোবাচ - স্বাগতং তে ভগবন্নাজ্ঞাপয় কিং করবাণিতি |
১০৮ ক
সৌতিঃ উবাচ:
স তামুবাচৈতে কুণ্ডলে গুর্বর্থং মে ভিক্ষিতে দাতুমর্হসীতি।। সা প্রীতা তেন তস্য সদ্ভাবেন পাত্রময়মনতিক্রমণীয়শ্চেতি মত্বা তে কুণ্ডলে’বমুচ্যাস্মৈ প্রাযচ্ছদ্। আহচৈনম্ - এতে কুণ্ডলে তক্ষকো নাগরাজঃ সুভৃশং প্রার্থয়ত্যপ্রমত্তো নেতুমর্হসীতি |
১০৯ ক
সৌতিঃ উবাচ:
স এবমুক্তস্তাং ক্ষত্রিয়াং প্রত্যুবাচ ভবতী সুনির্বৃতা ভব। ন মাং শক্তস্তক্ষকো নাগরাজো ধর্ষয়িতুমিতি |
১১০ ক
সৌতিঃ উবাচ:
স এবমুক্ত্বা তাং ক্ষত্রিয়ামামন্ত্র্য পৌষ্যসকাশমাগচ্ছৎ। আহ চৈনং ভোঃ পৌষ্য প্রীতো’স্মীতি |
১১১ ক
সৌতিঃ উবাচ:
তমুত্তঙ্কং পৌষ্যঃ প্রত্যুবাচ - ভগবংশ্চিরেণ পাত্রমাসাদ্য তে ভবাংশ্চ গুণবানতিথিস্তদিচ্ছে শ্রাদ্ধং কর্তু ক্রিয়তাং ক্ষণ ইতি |
১১২ ক
সৌতিঃ উবাচ:
তমুত্তঙ্কঃ প্রত্যুবাচ কৃতক্ষণ এবাস্মি শীঘ্রমিচ্ছামি। যথোপপন্নমন্নমুপস্কৃতং ভবতেতি স তথেত্যুক্ত্বা যথোপপন্নেনান্নেনৈনং ভোজয়ামাস |
১১৩ ক
সৌতিঃ উবাচ:
অথোত্তঙ্কঃ সকেশং শীতমন্নং দৃষ্ট্বা অশুচ্যেতদিতি মত্বা তং পৌষ্যমুবাচ। যস্মান্মে অশুচ্যন্নং দদাসি তস্মাদন্ধো ভবিষ্যসীতি |
১১৪ ক
সৌতিঃ উবাচ:
তং পৌষ্যঃ প্রত্যুবাচ যস্মাত্বমপ্যদুষ্টমন্নং দূষয়সি তস্মাত্ত্বমনপত্যো ভবিষ্যসীতি |
১১৫ ক
সৌতিঃ উবাচ:
তমুত্তঙ্কঃ প্রত্যুবাচ - ন যুক্তং ভবতা’ন্নমশুচি দত্ত্বা প্রতিশাপং দাতুং তস্মাদন্নমেব প্রত্যক্ষীকুরু। ততঃ পৌষ্যস্তদন্নমশুচি দৃষ্ট্বা তস্যাশুচিভাবমপরোক্ষয়ামাস |
১১৬ ক
সৌতিঃ উবাচ:
অথ তদন্নং মুক্তকেশ্যা স্ত্রিয়োপহৃতমনুষ্ণং সকেশং চাশুচ্যেতদিতি মত্বা তমৃষিমুত্তঙ্কং প্রসাদয়ামাস |
১১৭ ক
সৌতিঃ উবাচ:
ভগবন্নেতজ্ঞানাদন্নং সকেশমুপাহৃতং শীতং চ তক্ষাময়ে ভবন্তং ন ভবেয়মন্ধং ইতি |
১১৮ ক
সৌতিঃ উবাচ:
তমুত্তঙ্কঃ প্রত্যুবাচ ন মৃষা ব্রবীমি ভূত্বা ত্বমন্ধো ন চিরাদনন্ধো ভবিষ্যসীতি। মমাপি শাপো ভবতা দত্তো ন ভবেদিতি |
১১৯ ক
সৌতিঃ উবাচ:
তং পৌষ্যঃ প্রত্যুবাচ ন চাহং শক্তঃ শাপং প্রত্যাদাতুং ন হি মে মন্যুরদ্যাপ্যুপশমং গচ্ছতি কিং চৈতদ্ভবতা ন জ্ঞায়তে তথা |
১২০ ক
সৌতিঃ উবাচ:
নবনীতং হৃদয়ং ব্রাহ্মণস্য বাচি ক্ষুরো নিহিতস্তীক্ষ্ণধারঃ |
১২১ ক
সৌতিঃ উবাচ:
তদুভয়মেতদ্ভিপরীতং ক্ষত্রিয়স্য বাঙ্নবনীতং হৃদয়ং তীক্ষ্ণধারম্ ||
১২১ খ
সৌতিঃ উবাচ:
ইতি। তদেবং গতে ন শক্তো’হং তীক্ষ্ণহৃদয়ত্বাত্তং শাপমন্যথা কর্তুং গম্যতামিতি। |
১২২ ক
সৌতিঃ উবাচ:
তমুত্তঙ্কঃ প্রত্যুবাচ। ভবতা’হমন্নস্যাশুচিভাবমালক্ষ্য প্রত্যনুনীতঃ প্রাক্ চ তে’ভিহিতম্ - যস্মাদদুষ্টমন্নং দূষয়সি তস্মাদনপত্যো ভবিষ্যসীতি। দুষ্টে চান্নে নৈষ মম শাপো ভবিষ্যতীতি |
১২৩ ক
সৌতিঃ উবাচ:
সাধয়ামস্তাবদিত্যুক্ত্বা প্রাতিষ্ঠতোত্তঙ্কস্তে কুণ্ডলে গৃহীত্বা সো'পশ্যদথ পথি নগ্নং ক্ষপণকং আগচ্ছন্তম্ মুহুর্মুহুর্দৃশ্যয়মানং চ |
১২৪ ক
সৌতিঃ উবাচ:
অথোত্তঙ্কস্তে কুণ্ডলে সংন্যস্য ভূমাবুদকার্থং প্রচক্রমে। এতস্মিন্নন্তরে স ক্ষপণকস্ত্বরমাণ উপসৃত্য তে কুণ্ডলে গৃহীত্বা প্রাদ্রবৎ |
১২৫ ক
সৌতিঃ উবাচ:
তমুত্তঙ্কো’ভিসৃত্য কৃতোদককার্যঃ শুচিঃ প্রয়তো নমো দেবেভ্যো গুরুভ্যশ্চ কৃত্বা মহতা জবেন তমন্বয়াৎ |
১২৬ ক
সৌতিঃ উবাচ:
তস্য তক্ষকো দৃঢ়মাসন্নঃ স তং জগ্রাহ গৃহীতমাত্রঃ স তদ্রূপং বিহায় তক্ষকস্বরূপং কৃত্বা সহসা ধরণ্যাং বিবৃতং মহাবিলং প্রবিবেশ |
১২৭ ক
সৌতিঃ উবাচ:
প্রবিশ্য চ নাগলোকং স্বভবনমগচ্ছৎ। অথোত্তঙ্কস্তস্যাঃ ক্ষত্রিয়ায়া বচঃ স্মৃত্বা তং তক্ষকমন্বগচ্ছৎ |
১২৮ ক
সৌতিঃ উবাচ:
স তদ্বিলং দণ্ডকাষ্ঠেন চখান ন চাশকৎ। তং ক্লিশ্যমানমিন্দ্রো’পশ্যৎ স বজ্রং প্রেষয়ামাস - গচ্ছাস্য ব্রাহ্মণস্য সাহায্যং কুরুষ্বেতি |
১২৯ ক
সৌতিঃ উবাচ:
অথ বজ্রং দণ্ডকাষ্ঠমনুপ্রবিশ্য তদ্বিলমদারয়ৎ |
১৩০ ক
সৌতিঃ উবাচ:
তমুত্তঙ্কো’নুবিবেশ তেনৈব বিলেন প্রবিশ্য চ তং নাগলোকম্ অপর্যন্তম্ অনেকবিধ-প্রাসাদ-হর্ম্য-বলভী-নির্যূহ-শত-সঙ্কুলমুচ্চাবচ-ক্রীড়াশ্চর্যস্থানাবকীর্ণমপশ্যৎ। স তত্র নাগাংস্তান্ অস্তুবদ্ এভিঃ শ্লোকৈঃ |
১৩১ ক
সৌতিঃ উবাচ:
য ঐরাবতরাজানঃ সর্পাঃ সমিতিশোভনাঃ |
১৩২ ক
সৌতিঃ উবাচ:
ক্ষরন্ত ইব জীমুতাঃ সবিদ্যুৎপবনেরিতাঃ ||
১৩২ খ
সৌতিঃ উবাচ:
সুরূপা বহুরূপাশ্চ তথা কল্মাষকুণ্ডলাঃ |
১৩৩ ক
সৌতিঃ উবাচ:
আদিত্যবন্নাকপৃষ্ঠে রেজুরৈরাবতোদ্ভবাঃ ||
১৩৩ খ
সৌতিঃ উবাচ:
বহূনি নাগবেশ্মানি গঙ্গায়াস্তীর উত্তরে |
১৩৪ ক
সৌতিঃ উবাচ:
তত্রস্থানপি সংস্তৌভি মহতঃ পন্নগানহম্ ||
১৩৪ খ
সৌতিঃ উবাচ:
ইচ্ছেৎকো’র্কাংশুসেনায়াং চর্তুমৈরাবতং বিনা |
১৩৫ ক
সৌতিঃ উবাচ:
শতান্যশীতিরষ্টৌ চ সহস্রাণি চ বিংশতিঃ |
১৩৬ ক
সৌতিঃ উবাচ:
সর্পাণাং প্রগ্রহা যান্তি ধৃতরাষ্ট্রৌ যদৈজতি ||
১৩৬ খ
সৌতিঃ উবাচ:
যে চৈনমুপসর্পন্তি যে চ দূরপথং গতাঃ |
১৩৭ ক
সৌতিঃ উবাচ:
অহমৈরাবতজ্যেষ্ঠভ্রাতৃভ্যো’করবং নমঃ ||
১৩৭ খ
সৌতিঃ উবাচ:
যস্য বাসঃ কুরুক্ষেত্রে খাণ্ডবে চাভবৎপুরা |
১৩৮ ক
সৌতিঃ উবাচ:
তং নাগরাজমস্তৌষং কুণ্ডলার্থায় তক্ষকম্ |
১৩৮ খ
সৌতিঃ উবাচ:
তক্ষকশ্চাশ্বসেনশ্চ নিত্যং সহচরাবুভৌ ||
১৩৮ গ
সৌতিঃ উবাচ:
কুরুক্ষেত্রং চ বসতাং নদীমিক্ষুমতীমনু |
১৩৯ ক
সৌতিঃ উবাচ:
জঘন্যজস্তক্ষকস্য শ্রুতসেনেতি যঃ সূতঃ ||
১৩৯ খ
সৌতিঃ উবাচ:
অবসদ্যো মহদ্দ্যুম্নি প্রার্থয়ন্নাগমুখ্যতাম্ |
১৪০ ক
সৌতিঃ উবাচ:
করবাণি সদাচাহং নমস্তস্মৈ মহাত্মনে ||
১৪০ খ
সৌতিঃ উবাচ:
এবং স্তুত্বা সবিপ্রর্ষিরুত্তঙ্কো ভুজগোত্তমান্ |
১৪১ ক
সৌতিঃ উবাচ:
নৈব তে কুণ্ডলে লেভে ততশ্চিন্তামুপাগমৎ ||
১৪১ খ
সৌতিঃ উবাচ:
এবং স্তুবন্নপি নাগান্ যদা তে কুণ্ডলে নালভত্তদা অপশ্যৎস্ত্রিয়ৌ তন্ত্রে অধিরোপ্য সুবেমে পটং বয়ন্ত্যৌ। তস্মিংস্তন্ত্রে কৃষ্ণাঃ সিতাশ্চ তন্তবশ্চক্রং চাপশ্যৎ দ্বাদশারং ষড়্ভিঃ কুমারৈঃ পরিবর্তমানং পুরুষং চাপশ্যদ্ অশ্বং চ দর্শনীয়ম্ |
১৪২ ক
সৌতিঃ উবাচ:
স তান্সর্বাংস্তুষ্টাব এভির্মন্ত্রবাদ শ্লোকৈঃ |
১৪৩ ক
সৌতিঃ উবাচ:
ত্রীণ্যর্পিতান্যত্র শতানি মধ্যে ষষ্টিশ্চ নিত্যং চরতি ধ্রুবে’স্মিন্ |
১৪৪ ক
সৌতিঃ উবাচ:
চক্রে চতুর্বিংশতিপর্বযোগে ষড়্বৈ কুমারাঃ পরিবর্তয়ন্তি ||
১৪৪ খ
সৌতিঃ উবাচ:
তন্ত্রং চেদং বিশ্বরূপে যুবত্যৌ বয়তস্তংন্তুং সততং বর্তয়ন্ত্যৌ |
১৪৫ ক
সৌতিঃ উবাচ:
কৃষ্ণান্ সিতাংশ্চৈব বিবর্তয়ন্ত্যৌ ভূতান্যজস্রং ভুবনানি চৈব ||
১৪৫ খ
সৌতিঃ উবাচ:
বজ্রস্য ভর্তা ভুবনস্য গোপ্তা বৃত্রস্য হন্তা নমুচের্নিহন্তা |
১৪৬ ক
সৌতিঃ উবাচ:
কৃষ্ণে বসানো বসনে মহাত্মা সত্যানৃতে যো বিবিনক্তি লোকে ||
১৪৬ খ
সৌতিঃ উবাচ:
যো বাজিনং গর্ভমপাং পুরাণং বৈশ্বানরং বাহনমভ্যুপৈতি |
১৪৭ ক
সৌতিঃ উবাচ:
নমো’স্তু তস্মৈ জগদীশ্বরায় লোকত্রয়েশায় পুরন্দরায় ||
১৪৭ খ
সৌতিঃ উবাচ:
ততঃ স এনং পুরুষঃ প্রাহ প্রীতো’স্মি তে’হমনেন স্তোত্রেণ কিং তে প্রিয়ং করবাণীতি। স তমুবাচ নাগা মে বশমীয়ুরিতি |
১৪৮ ক
সৌতিঃ উবাচ:
স চৈনং পুরুষঃ পুনরুবাচ এতমশ্বমপানে ধমস্বেতি। |
১৪৯ ক
সৌতিঃ উবাচ:
ততো’শ্বস্যাপানমধমৎ ততো’শ্বাদ্ ধম্যমানাৎসর্বস্রোতোভ্যঃ পাবকার্চিষঃ সধুমা নিষ্পেতুঃ |
১৫০ ক
সৌতিঃ উবাচ:
তাভির্নাগলোক উপধূপিতে’থ সম্ভ্রান্তস্তক্ষকো’গ্নেস্তেজোভয়াদ্বিষণ্ণঃ কুণ্ডলে গৃহীত্বা সহসা ভবনান্নিষ্ক্রম্যোত্তঙ্কমুবাচ - ইমে কুণ্ডলে গৃহ্ণাতু ভবানিতি |
১৫১ ক
সৌতিঃ উবাচ:
স তে প্রতিজগ্রাহোত্তঙ্কঃ প্রতিগৃহ্য চ কুণ্ডলে’চিন্তয়ৎ |
১৫২ ক
সৌতিঃ উবাচ:
অদ্য তৎপুণ্যকমুপাধ্যায়ান্যা দূরং চ অহমভ্যাগতঃ স কথং সম্ভাবয়েয়মিতি |
১৫৩ ক
সৌতিঃ উবাচ:
তত এনং চিন্তয়ানমেব স পুরুষ উবাচ - উত্তঙ্কঃ এনমেবাশ্বমধিরোহ ত্বাং ক্ষণেনৈবোপাধ্যায়কুলং প্রাপয়িষ্যতীতি |
১৫৪ ক
সৌতিঃ উবাচ:
স তথেত্যুক্ত্বা তমশ্বমমধিরুহ্য প্রত্যাজগামোপাধ্যায়কুলম্। উপাধ্যায়ানী চ স্নাতা কেশানাবাপয়ন্ত্যুপবিষ্টোত্তঙ্কো নাগচ্ছতীতি শাপায়াস্য মনো দধে |
১৫৫ ক
সৌতিঃ উবাচ:
অথৈতস্মিন্নন্তরে স উত্তঙ্কঃ প্রবিশ্য উপাধ্যায়কুলমুপাধ্যায়ানীম্ অভ্যবাদয়ৎ তে চাস্যৈ কুণ্ডলে প্রাযচ্ছৎ |
১৫৬ ক
সৌতিঃ উবাচ:
সা চৈনং প্রত্যুবাচ - উত্তঙ্কঃ দেশে কালে’ভ্যাগতঃ স্বাগতং তে বৎস। ইদানীং যদ্যনাগতো'সি কোপিতয়া ময়া শপ্তো ভবিষ্যসি। শ্রেয়স্তবোপস্থিতং সিদ্ধিমাপ্নুহীতি |
১৫৭ ক
সৌতিঃ উবাচ:
অথোত্তঙ্ক উপাধ্যায়মভ্যবাদয়ৎ। তমুপাধ্যায়ঃ প্রত্যুবাচ - বৎসোত্তঙ্ক স্বাগতং তে কিং চিরং কৃতমিতি |
১৫৮ ক
সৌতিঃ উবাচ:
তমুত্তঙ্ক উপাধ্যায়ং প্রত্যুবাচ - ভোস্তক্ষকেণ মে নাগরাজেন বিঘ্নঃ কৃতো’স্মিন্কর্মণি তেনা’স্মি নাগলোকং গতঃ |
১৫৯ ক
সৌতিঃ উবাচ:
তত্র চ ময়া দৃষ্টে স্ত্রিয়ৌ তন্ত্রে’ধিরোপ্য পটং বয়ন্ত্যৌ তস্মিংশ্চ কৃষ্ণাঃ সিতাশ্চ তন্তবঃ কিং তত্ |
১৬০ ক
সৌতিঃ উবাচ:
তত্র চ ময়া চক্রং দৃষ্টং দ্বাদশারং ষট্চৈনং কুমারাঃ পরিবর্তয়ন্তি তদপি কিম্। পুরুষশ্চাপি ময়া দৃষ্টঃ স চা’পি কঃ। অশ্বশ্চাতিপ্রমাণো দৃষ্টঃ স চা’পি কঃ |
১৬১ ক
সৌতিঃ উবাচ:
পথি গচ্ছতা চ ময়া ঋষভো দৃষ্টস্তং চ পুরুষো’ধিরূঢ়স্তেনা’স্মি সোপচারমুক্ত উত্তঙ্কাস্য ঋষভস্য পুরীষং ভক্ষয় উপাধ্যায়েনাপি তে ভক্ষিতমিতি |
১৬২ ক
সৌতিঃ উবাচ:
ততস্তস্য বচনান্ময়া তদৃষভস্য পুরীষমুপযুক্তং স চাপি কঃ। তদেতদ্ভোবতোপদিষ্টমিচ্ছেয়ং শ্রোতুং কিং তদিতি |
১৬৩ ক
সৌতিঃ উবাচ:
স তেনৈবমুক্ত উপাধ্যায়ঃ প্রত্যুবাচ - যে তে স্ত্রিয়ৌ ধাতা বিধাতা চ যে তে কৃষ্ণাঃ সিতাস্তন্তবস্তে রাত্র্যহনী। যদপি তচ্চক্রং দ্বাদশারং ষট্বৈ কুমারাঃ পরিবর্তয়ন্তি তে’পি ষড়্ঋতবঃ দ্বাদশারা দ্বাদশমাসাঃ সংবৎসরশ্চক্রম্ |
১৬৪ ক
সৌতিঃ উবাচ:
যঃ পুরুষঃ স পর্জন্যো যো'শ্বঃ সো’গ্নির্য ঋষভস্ত্বয়া পথি গচ্ছতা দৃষ্টঃ স ঐরাবতো নাম নাগরাট্ |
১৬৫ ক
সৌতিঃ উবাচ:
যশ্চৈনমধিরূঢ়ঃ পুরুষঃ স চেন্দ্রঃ। যদপি তে ভক্ষিতং তস্য ঋষভস্য পুরীষং তদমৃতং তেন খল্বসি তস্মিন্নাগভবনে ন ব্যাপন্নস্ত্বম্ |
১৬৬ ক
সৌতিঃ উবাচ:
স হি ভগবানিন্দ্রো মম সখা ত্বদনুক্রোশাদিমমনুগ্রহং কৃতবান। তস্মাৎকুণ্ডলে গৃহীত্বা পুনরাগতো’সি |
১৬৭ ক
সৌতিঃ উবাচ:
তৎসৌম্য গম্যতাম্ অনুজানে ভবন্তং শ্রেয়ো’বাপ্স্যসীতি। স উপাধ্যায়েনানুজ্ঞাতো ভগবানুত্তঙ্কঃ ক্রুদ্ধস্তক্ষকং প্রতিচিকীর্ষমাণো হাস্তিনপুরং প্রতস্থে |
১৬৮ ক
সৌতিঃ উবাচ:
স হাস্তিনপুরং প্রাপ্য ন চিরাদ্ বিপ্রসত্তমঃ |
১৬৯ ক
সৌতিঃ উবাচ:
সমাগচ্ছত রাজানমুত্তঙ্কো জনমেজয়ম্ ||
১৬৯ খ
সৌতিঃ উবাচ:
পুরা তক্ষশিলাসংস্থং নিবৃত্তমপরাজিতম্ |
১৭০ ক
সৌতিঃ উবাচ:
সম্যগ্বিজয়িনং দৃষ্ট্বা সমন্তান্মন্ত্রিভির্বৃতম্ ||
১৭০ খ