সৌতিঃ উবাচ:
জনমেজয়ঃ পারিক্ষিতঃ সহ ভ্রাতৃভিঃ কুরুক্ষেত্রে। দীর্ঘসত্রমুপাস্তে। তস্য ভ্রাতরস্ত্রয়ঃ শ্রুতসেন উগ্রেসেনো ভীমসেন ইতি। তেষু তৎসত্রমুপাসীনেষ্বাগচ্ছৎসারমেয়ঃ |
১ ক
সৌতিঃ উবাচ:
জনমেয়স্য ভ্রাতৃভিরভিহতো রোরূয়মাণো মাতুঃ সমীপমুপাগচ্ছৎ |
২ ক
সৌতিঃ উবাচ:
তং মাতা রোরূয়মাণমুবাচ। কিং রোদিষি কেনাস্যাভিহত ইতি |
৩ ক
সৌতিঃ উবাচ:
স এবমুক্তো মাতরং প্রত্যুবাচ - 'জনমেজয়স্য ভ্রাতৃভিরভিহতোস্মি' ইতি |
৪ ক
সৌতিঃ উবাচ:
তং মাতা প্রত্যুবাচ - 'ব্যক্তং ত্বয়া তত্রাপরাদ্ধং, যেনাস্যভিহত' ইতি |
৫ ক
সৌতিঃ উবাচ:
স তাং পুনরুবাচ - 'নাপরাধ্যামি কিঞ্চিন্নাবেক্ষে হবীংষি নাবলিহে' ইতি |
৬ ক
সৌতিঃ উবাচ:
তচ্ছ্রুত্বা তস্য মাতা সরমা পুত্রদুঃখার্তা তৎসত্রমুপাগচ্ছদ্ যত্র স জনমেজয়ঃ সহ ভ্রাতৃভির্দীর্ঘসত্র মুপাস্তে |
৭ ক
সৌতিঃ উবাচ:
স তয়া ক্রুদ্ধয়া তত্রোক্তঃ - 'অয়ং মে পুত্রো ন কিঞ্চিদপরাধ্যতি, নাবেক্ষতে হবীংষ, নাবলেঢ়ি কিমর্থমভিহত' ইতি |
৮ ক
সৌতিঃ উবাচ:
ন কিঞ্চিদুক্তবন্তস্তে সা তানুবাচ - 'যস্মাদয়ম্ অভিহতো’নপকারী তস্মাদদৃষ্টং ত্বাং ভয়মাগমিষ্যতি' ইতি |
৯ ক
সৌতিঃ উবাচ:
জনমেজয় এবমুক্তো দেবশুন্যা সরময়া ভৃশং সম্ভ্রান্তো বিষণ্ণশ্চাসীৎ |
১০ ক
সৌতিঃ উবাচ:
স তস্মিন্সত্রে সমাপ্তে হাস্তিনপুরংপ্রত্যেত্য পুরোহিতমনুরুপমন্বিষ্যমাণঃ পরং যত্নমকরোদ্ যো মে পাপকৃত্যাং শময়েদিতি |
১১ ক
সৌতিঃ উবাচ:
স কদাচিন্মৃগয়াং গতঃ পারিক্ষিতো জনমেজয়ঃ কস্মিংশ্চিৎস্ববিষয় আশ্রমমপশ্যৎ |
১২ ক
সৌতিঃ উবাচ:
তত্র কশ্চিদৃষিরাসাঞ্চক্রে শ্রুতশ্রবা নাম। তস্য তপস্যভিরতঃ পুত্র আস্তে সোমশ্রবা নাম |
১৩ ক
সৌতিঃ উবাচ:
তস্য তং পুত্রমভিগম্য জনমেজয়ঃ পারিক্ষিতঃ পৌরোহিত্যায় বব্রে |
১৪ ক
সৌতিঃ উবাচ:
স নমস্কৃত্য তমৃষিমুবাচ - 'ভগবন্নয়ং তব পুত্রো মম পুরোহিতো’স্তু' ইতি |
১৫ ক
সৌতিঃ উবাচ:
স এবমুক্তঃ প্রত্যুবাচ জনমেজয়ং - 'ভো জনমেজয়, পুত্রো’য়ং মম সর্প্যাং জাতো মহাতপস্বী স্বাধ্যায়সম্পন্নো মত্তপোবীর্যসম্ভৃতো মচ্ছুক্রং পীতবত্যাস্তস্যাঃ কুক্ষৌ জাতঃ' |
১৬ ক
সৌতিঃ উবাচ:
সমর্থো’য়ং ভবতঃ সর্বাঃ পাপকৃত্যাঃ শময়িতুমন্তরেণ মহাদেবকৃত্যাম্ |
১৭ ক
সৌতিঃ উবাচ:
অস্য ত্বেকমুপাংশুব্রতং যদেনং কশ্চিদ্ব্রাহ্মণঃকঞ্চিদর্থমভিযাচেত্তং তস্মৈ দদ্যাদয়ং যদ্যেতদুৎসহসে ততো নয়স্বৈনমিতি |
১৮ ক
সৌতিঃ উবাচ:
তেনৈবমুক্তা জনমেজয়স্তং প্রত্যুবাচ ভগবনস্তত্তথা ভবিষ্যতীতি |
১৯ ক
সৌতিঃ উবাচ:
স তং পুরোহিতমুপাদায়োপাবৃত্তো ভ্রাতৃনুবাচ ময়া’য় বৃত উপাধ্যায়ো যদয়ং ব্রূয়াত্তৎকার্যমবিচারয়দ্ভির্ভবদ্ভিরিতি। তেনৈবমুক্তা ভ্রাতরস্তস্য তথা চক্রুঃ স তথা ভ্রাতৃন্সন্দিশ্য তক্ষশিলাং প্রত্যভিপ্রতস্থে তং চ দেশ বশে স্থাপয়ামাস |
২০ ক
সৌতিঃ উবাচ:
এতস্মিন্নন্তরে কশ্চিদৃষির্ধৌম্যো নামাপোদস্তস্য শিষ্যাস্ত্রয়ো বভুবুঃ |
২১ ক
সৌতিঃ উবাচ:
উপমন্যুরারুণির্বেদশ্চেতি স একং শিষ্যমারুণিং পাঞ্চাল্যং প্রেষয়ামাস গচ্ছ কেদারখণ্ডং বধানেতি |
২২ ক
সৌতিঃ উবাচ:
স উপাধ্যায়েন সন্দিষ্ট আরুণিঃ পাঞ্চাল্যস্তত্র গত্বা তৎ তক্তেদারখণ্ডং বদ্ধৃনাশকৎ। স ক্লিশ্যমানোপশ্যদুপায়ং ভবত্বেবং করিষ্যামি |
২৩ ক
সৌতিঃ উবাচ:
স তত্র সংবিবেশ কেদারখণ্ড শয়ানে চ তথা তস্মিংস্তদুদকং তস্থৌ |
২৪ ক
সৌতিঃ উবাচ:
ততঃ কদাচিদুপাধ্যায় আপোদো ধৌম্যঃ শিষ্যাবপৃচ্ছৎ ক আরুণিঃ পাঞ্চাল্যো গত ইতি |
২৫ ক
সৌতিঃ উবাচ:
তৌ তং প্রত্যুচতুর্ভগবন্ ত্বয়ৈব প্রেষিতো গচ্ছ কেদারখণ্ডং বধানেতি। স এবমুক্তৌ তৌ শিষ্যৌ প্রত্যুবাচ তস্মাত্তত্র সর্বেগচ্ছামো যত্র স গত ইতি |
২৬ ক
সৌতিঃ উবাচ:
স তত্র গত্বা তস্যাহ্বানায় শব্দং চকার। ভো আরুণে পাঞ্চাল্য ক্বাসি বৎস এহীতি |
২৭ ক
সৌতিঃ উবাচ:
স তচ্ছ্রৃত্বা আরুণিরুপাধ্যায়বাক্যং তস্মাৎকেদারখণ্ডাৎসহসোত্থায় তমুপাধ্যায়মুপতস্থে |
২৮ ক
সৌতিঃ উবাচ:
প্রোবাচ চৈনম্ অয়মস্ম্যত্র কেদারখণ্ডে নিঃসরমাণমুদকম্ অবারণিয়ং সংরোদ্ধুং সংবিষ্টো ভগবচ্ছব্দং শ্রুত্বৈব সহসা বিদার্য কেদারখণ্ডং ভবন্তমুপস্থিতঃ |
২৯ ক
সৌতিঃ উবাচ:
তদভিবাদয়ে ভগবন্তম্ আজ্ঞাপয়তু ভবান্ কমর্থং করবাণীতি |
৩০ ক
সৌতিঃ উবাচ:
স এবমুক্ত উপাধ্যায়ঃ প্রত্যুবাচ যস্মাদ্ভবান্কেদারখণ্ডং বিদার্যৌস্থিতস্তস্মাদ্ উদ্দালক এব নাম্না ভবান্ ভবিষ্যতীত্যুপাধ্যায়েনানুগৃহীতঃ |
৩১ ক
সৌতিঃ উবাচ:
যস্মাচ্চ ত্বয়া মদ্বচনমনুষ্ঠিতং তস্মাচ্ছ্রেয়োপো’বাপ্স্যসি। সর্বে চ তে বেদাঃপ্রতিভাস্যন্তি সর্বাণি চ ধর্মশাস্ত্রাণীতি |
৩২ ক
সৌতিঃ উবাচ:
স এবমুক্ত উপাধ্যায়েনেষ্টং দেশং জগাম। |
৩৩ ক
সৌতিঃ উবাচ:
অথাপরঃ শিষ্যস্তস্যৈবাপোদস্য ধৌম্যস্যোপমন্যুর্নাম। তং চোপাধ্যায়ঃ প্রেষয়ামাস বৎসোপমন্যো গা রক্ষস্বেতি |
৩৪ ক
সৌতিঃ উবাচ:
স উপাধ্যায়বচনাদ্ অরক্ষদ্গাঃ। স চাহনি গা রক্ষিত্বা দিবসক্ষয়ে গুরুগৃহমাগম্যোপাধ্যায়স্যাগ্রতঃ স্থিত্বা নমশ্চক্রে |
৩৫ ক
সৌতিঃ উবাচ:
তমুপধ্যায়ঃ পীবানমপশ্যদুবাচ চৈনং বৎসোপমন্যো কেনবৃত্তিং কল্পয়সি ? পীবানসি দৃঢ়মিতি |
৩৬ ক
সৌতিঃ উবাচ:
স উপাধ্যায়ং প্রত্যুবাচ ভো ভৈক্ষ্যেণ বৃত্তিং কল্পয়ামীতি |
৩৭ ক
সৌতিঃ উবাচ:
তমুপাধ্যায়ঃ প্রত্যুবাচ ময্যনিবেদ্য ভৈক্ষ্যং নোপযোক্তব্যমিতি। স তথেত্যুক্তো ভৈক্ষ্যং চরিত্বোপাধ্যায়ায় ন্যবেদয়ৎ |
৩৮ ক
সৌতিঃ উবাচ:
স তস্মাদুপাধ্যায়ঃ সর্বমেব ভৈক্ষমগৃহ্ণাৎ। স তথেত্যুক্তঃ পুনররক্ষদ্গা অহনি রক্ষিত্বা নিশামুখে গুরুকুলমাগম্য গুরোরগ্রতঃ স্থিত্বা নমশ্চক্রে |
৩৯ ক
সৌতিঃ উবাচ:
তমুপাধ্যায়স্তথাপি পীবানমেব দৃষ্ট্বোবাচ। বৎসোপমন্যো সর্বমশেষতস্তে ভৈক্ষং গৃহ্ণামি কেনেদানীং বৃত্তিং কল্পয়সীতি |
৪০ ক
সৌতিঃ উবাচ:
স এবমুক্ত উপাধ্যায়ং প্রত্যুবাচ। ভগবতে নিবেদ্য পূর্বমপরং চরামি তেন বৃত্তি কল্পয়ামীতি |
৪১ ক
সৌতিঃ উবাচ:
তমুপাধ্যায়ঃ প্রত্যুবাচ নৈষা ন্যায্যা গুরুবৃত্তিরন্যেষামপি ভৈক্ষ্যোপজীবিনাং বৃত্ত্যুপরোধ করোষি ইত্যেবং বর্তমানো লুব্ধো’সীতি |
৪২ ক
সৌতিঃ উবাচ:
স তথেত্ত্যুক্ত্বা গা অরক্ষৎ। রক্ষিত্বা চ পুনরুপাধ্যায়গৃহমাগম্যোপাধ্যায়স্যাগ্রতঃ স্থিত্বা নমশ্চক্রে |
৪৩ ক
সৌতিঃ উবাচ:
তমুপাধ্যায়স্তথাপি পীবানমেব দৃষ্ট্বা পুনরুবাচ। বৎসোপমন্যো অহং তে সর্বং ভৈক্ষং গৃহ্ণামি ন চান্যচ্চরসি পীবানসি ভৃশং কেন বৃত্তি কল্পয়সীতি |
৪৪ ক
সৌতিঃ উবাচ:
স এবমুক্তস্তমুপাধ্যায়ং প্রত্যুবাচ। ভো এতাসাং গবাগ পয়সা বৃত্তিং কল্পয়ামীতি। তমুবাচোপাধ্যায়ো নৈতন্ন্যায্যায়ং পয় উপযোক্তুং ভবতো ময়া নাভ্যনুজ্ঞাতমিতি |
৪৫ ক
সৌতিঃ উবাচ:
স তথেতি প্রতিজ্ঞায় গা রক্ষিত্বা পুনরুপাধ্যায়গৃহমেত্য গুরোরগ্রতঃ স্থিত্বা নমশ্চক্রে |
৪৬ ক
সৌতিঃ উবাচ:
তমুপাধ্যায়ঃ পীবানমেব দৃষ্ট্বোবাচ বৎসোপমন্যো ভৈক্ষ্যং নাশ্নাসি ন চান্যচ্চরসি পয়ো ন পিবসি পীবানসি ভৃশং কেনেদানীং বৃত্তিং কল্পয়সীতি |
৪৭ ক
সৌতিঃ উবাচ:
স এবমুক্ত উপাধ্যায়ং প্রত্যুবাচ। ভোঃ ফেনং পিবামি যমিমে বৎসা মাতৃণাং স্তনান্পিবন্ত উদ্গিরন্তি |
৪৮ ক
সৌতিঃ উবাচ:
তমুপাধ্যায়ঃ প্রত্যুবাচ। এতে ত্যদনুকম্পায়া গুণবন্তো বৎসাঃ প্রভূততরং ফেনমুদ্গিরন্তি। তদেষামপি বৎসানাং বৃত্ত্যুপরোদ্ধং করোষ্যেবং বর্তমানঃ। ফেনমপি ভবান্ন পাতুমর্হতীতি। স তথেতি প্রতিশ্রুত্য নিরাহার পুনররক্ষদ্গাঃ |
৪৯ ক
সৌতিঃ উবাচ:
তথা প্রতিষিদ্ধো ভৈক্ষ্যং নাশ্নাতি নচান্যচ্চরতি পয়ো ন পিবতি ফেনং নোপযুঙক্তে স কদাচিদরণ্যে ক্ষুধার্ত্তো’র্কপত্রাণ্যভক্ষয়ৎ |
৫০ ক
সৌতিঃ উবাচ:
স তৈরর্কপত্রৈর্ভক্ষিতৈঃ ক্ষারতিক্তকটুরক্ষৈস্তীক্ষ্ণবিপাকৈশ্চক্ষুষ্যুপহতো’ন্ধো বভূব। ততঃ সো’ন্ধো’পি চঙ্ক্রম্যমাণঃ কূপে'পতৎ |
৫১ ক
সৌতিঃ উবাচ:
অথ তস্মিন্ননাগচ্ছতি সূর্যে চাস্তাবলাবলম্বিনি উপাধ্যায়ঃ শিষ্যানবোচৎ। ময়োপমন্যুঃ সর্বতঃ প্রতিষিদ্ধঃ স নিয়তং কুপিতস্ততো নাগচ্ছতি চিরগতস্ত্বিতি। ততো অন্বেষ্য ইত্যেবমুক্ত্বা শিষ্যৈঃ সার্ধমরণ্যং গত্বা তস্যাহ্বানায় শব্দং চকার। ভো উপমন্যো ক্বাসি বৎস এহীতি। |
৫২ ক
সৌতিঃ উবাচ:
স উপাধ্যায়স্য আহ্বানবচনং শ্রুত্বা প্রত্যুবাচোচ্চৈরয়মস্মিন্ কূপে পতিতো’হমিতি। তমুপাধ্যায়ঃ প্রত্যুবাচ কথং ত্বমস্মিন্ কূপে পতিত ইতি |
৫৩ ক
সৌতিঃ উবাচ:
স উপাধ্যায়ং প্রত্যুবাচ। অর্কপত্রাণি ভক্ষয়িত্বা’ন্ধীভূতো’স্ম্যতশ্চঙ্ক্রম্যমাণঃ কূপে পতিত ইতি |
৫৪ ক
সৌতিঃ উবাচ:
তমুপাধ্যায়ঃ প্রত্যুবাচ। অশ্বিনৌ স্তুহি। তৌ দেবভিষজৌ ত্বাং চক্ষুষ্মন্তং কর্তারাবিতি। স এবমুক্ত উপাধ্যায়েনোপমন্যুঃ স্তোতুমুপচক্রমে দেবাবশ্বিনৌ বাগ্ভিঃ ঋগ্ভিঃ |
৫৫ ক
সৌতিঃ উবাচ:
প্রপূর্বগৌ পূর্বজৌ চিত্রভানূ গিরা বাং শংসামি তপসা হ্যনন্তৌ |
৫৬ ক
সৌতিঃ উবাচ:
দিব্যৌ সুপর্ণৌ বিরজৌ বিমানাবধিক্ষিপন্তৌ ভুবনানি বিশ্বা ||
৫৬ খ
সৌতিঃ উবাচ:
হিরণ্ময়ৌ শকুনি সাম্পরায়ৌ নাসত্যদস্রৌ সুনসৌ বৈজয়ন্তৌ |
৫৭ ক
সৌতিঃ উবাচ:
শুক্লং বয়ন্তৌ তরসা সুবেমাবধিব্যয়ন্তাবসিতং বিবস্বতঃ ||
৫৭ খ
সৌতিঃ উবাচ:
গ্রস্তাং সুপর্ণস্য বলেন বর্তিকামমুঞ্চাতামশ্বিনৌ সৌভগায় |
৫৮ ক
সৌতিঃ উবাচ:
তাবৎ সুবৃত্তাবনমন্ত মায়য়া বসত্তমা গা অরুণা উদাবহন্ ||
৫৮ খ
সৌতিঃ উবাচ:
ষষ্টিশ্চ গাবস্ত্রিশতাশ্চ ধেনব একং বৎসং সুবতে তং দুহন্তি |
৫৯ ক
সৌতিঃ উবাচ:
নানাগোষ্ঠা বিহিতা একদোহনাস্তাবশ্বিনৌ দুহতো ঘর্মমুক্থ্যম্ ||
৫৯ খ
সৌতিঃ উবাচ:
একাং নাভিং সপ্তশতা অরাঃ শ্রিতাঃ প্রধিষ্বন্যা বিংশতিরর্পিতা অরাঃ |
৬০ ক
সৌতিঃ উবাচ:
অনেমি চক্রং পরিবর্ততে’জরং মায়াশ্বিনৌ সমনক্তি চর্ষণী ||
৬০ খ
সৌতিঃ উবাচ:
একং চক্রং বর্ততে দ্বাদশারং ষণ্ণাভিমেকাক্ষমৃতস্য ধারণম্ |
৬১ ক
সৌতিঃ উবাচ:
যস্মিন্ দেবা অধি বিশ্বে বিষক্তাস্তাবশ্বিনৌ মুঞ্চতো মা বিষীদতম্ ||
৬১ খ
সৌতিঃ উবাচ:
অশ্বিনাবিন্দুমমৃতং বৃত্তভুয়ৌ তিরোধত্তামশ্বিনৌ দাসপত্নী |
৬২ ক
সৌতিঃ উবাচ:
হিত্বা গিরিমশ্বিনৌ গা মুদা চরন্তৌ তদ্বৃষ্টিমহ্না প্রস্থিতৌ বলস্য ||
৬২ খ
সৌতিঃ উবাচ:
যুবাং দিশো জনয়থো দশাগ্রে সমানং মূর্ধ্নি রথযানং বিয়ন্তি |
৬৩ ক
সৌতিঃ উবাচ:
তাসাং যাতমৃষয়ো’নুপ্রয়ান্তি দেবা মনুষ্যাঃ ক্ষিতিমাচরন্তি ||
৬৩ খ
সৌতিঃ উবাচ:
যুবাং বর্ণাংন্বিকুরুথো বিশ্বরূপাংস্তে’ধিক্ষিয়ন্তে ভুবনানি বিশ্বা |
৬৪ ক
সৌতিঃ উবাচ:
তে ভানবো’প্যনুসৃতাশ্চরন্তি দেবা মনুষ্যাঃ ক্ষিতিমাচরন্তি ||
৬৪ খ
সৌতিঃ উবাচ:
তৌ নাসত্যাবশ্বিনৌ বাং মহে’হং স্রজং চ যাং বিভৃথঃ পুষ্করস্য |
৬৫ ক
সৌতিঃ উবাচ:
তৌ নাসত্যাবমৃতাবৃতাবৃধাবৃতে দেবাস্তৎপ্রপদে ন সূতে ||
৬৫ খ
সৌতিঃ উবাচ:
মুখেন গর্ভং লভেতাং যুবানৌ গতাসুরেতৎপ্রপদেন সূতে |
৬৬ ক
সৌতিঃ উবাচ:
সদ্যো জাতো মাতরমত্তি গর্ভংস্তাবশ্বিনৌ মুঞ্চথো জীবসে গাঃ ||
৬৬ খ
সৌতিঃ উবাচ:
স্তোতুং ন শক্ণোমি গুণৈর্ভবন্তৌ চক্ষুর্বিহীনঃ পথি সম্প্রমোহঃ |
৬৭ ক
সৌতিঃ উবাচ:
দুর্গেহমস্মিন্পাতেতো’স্মি কূপে যুবাং শরণ্যৌ শরণং প্রপদ্যে ||
৬৭ খ
সৌতিঃ উবাচ:
এবমৃগ্ভিশ্চান্যৈরস্তুবৎ। ইত্যেবং তেনাভিষ্টুতাবশ্বিনাবাজগ্মতুরাহতুশ্চৈনং প্রীতৌ স্ব এষ তে’পূপ’শানৈনমিতি |
৬৮ ক
সৌতিঃ উবাচ:
স এবমুক্তঃ প্রত্যুবাচ নানৃতমূচতুর্ভগবন্তৌ নত্বহমেতমপূপমুপযোক্তুমুৎসহে গুরবে’নিবেদ্যেতি |
৬৯ ক
সৌতিঃ উবাচ:
ততস্তমশ্বিনাবূচতুঃ আব্যাভ্যাং পুরস্তাদ্ভবত উপাধ্যায়েনৈবমেবাভিষ্টুতাভ্যামপূপো দত্ত উপযুক্তঃ স তেনানিবেদ্য গুরবে ত্বমপি তথৈব কুরুষ্ব যথা কৃতমুপাধ্যায়েনেতি |
৭০ ক
সৌতিঃ উবাচ:
স এবমুক্তঃ প্রত্যুবাচ এতৎপ্রত্যনুনয়ে ভবন্তাবশ্বিনৌ নোৎসহে’হমনিবেদ্য গুরবে’পূপমুপযোক্তুমিতি |
৭১ ক
সৌতিঃ উবাচ:
তমশ্বিনাবাহতুঃ প্রীতৌ স্বস্তবানয়া গুরুভক্ত্যা উপাধ্যায়স্য তে কার্ষ্ণায়সা দন্তা ভবতো’পি হিরণ্ময়া ভবিষ্যন্তি চক্ষুষ্মাংশ্চ ভবিষ্যসি শ্রেয়শ্চাবাপ্স্যসীতি |
৭২ ক
সৌতিঃ উবাচ:
স এবমুক্তো’শ্বিভ্যাং লব্ধচক্ষুরুপাধ্যায়সকাশমাগম্যাভ্যবাদয়ৎ |
৭৩ ক
সৌতিঃ উবাচ:
আচচক্ষে চ স চাস্য প্রীতিমান্বভূব। আহ চৈনং যথা’শ্বিনাবাহতুস্তথা ত্বং শ্রেয়ো’বাপ্স্যসি | |
৭৪ ক
সৌতিঃ উবাচ:
সর্বে চ তে বেদাঃপ্রতিভাস্যন্তি সর্বাণি চ ধর্মশাস্ত্রাণীতি। এষা তস্যাপি পরীক্ষোপমন্যোঃ |
৭৫ ক
সৌতিঃ উবাচ:
অথাপরঃ শিষ্যস্তস্যৈবাপোদস্য ধৌমস্য বেদো নাম তমুপাধ্যায়ঃ সমাদিদেশ বৎস বেদ ইহাস্যতাং তাবন্মমগৃহে কঞ্চিৎকালং শুশ্রুষুণা চ ভবিতব্যং শ্রেয়স্তে ভবিষ্যতীতি |
৭৬ ক
সৌতিঃ উবাচ:
স তথেত্যুক্ত্বা গুরুকুলে দীর্ঘকালং গুরুশুশ্রুষণপরো’বসৎ গৌরিব নিত্যং গুরুণা ধূর্ষু নিযোজ্যমানঃশীতোষ্ণক্ষুতৃষ্ণাদুঃখসহঃসর্বত্রাপ্রতিকূলস্তস্য মহতাকালেন গুরুঃ পরিতোষং জগাম |
৭৭ ক
সৌতিঃ উবাচ:
তৎপরিতোষাচ্চ শ্রেয়ঃ সর্বজ্ঞতাং চাবাপ। এষা তস্যাপি পরীক্ষা বেদস্য |
৭৮ ক
সৌতিঃ উবাচ:
স উপাধ্যায়েনানুজ্ঞাতঃ সমাবৃত্তস্তস্মাদ্গুরুকুলবাসাদ্গৃহাশ্রমং প্রত্যপদ্যত। তস্যাপি স্বগৃহে বসতস্ত্রয়ঃ শিষ্যা বভূবঃ স শিষ্যান্নকিঞ্চিদুবাচ কর্ম বা ক্রিয়তাং গুরুশুশ্রুষা বেতি। দুঃখাভিজ্ঞো হি গুরুকুলবাসস্য শিষ্যান্পরিক্লেশেন যোজয়িতুং নেয়েষ |
৭৯ ক
সৌতিঃ উবাচ:
অথ কস্মিংশ্চিৎকালে বেদং ব্রাহ্মণং জনমেজয়ঃ পৌষ্যশ্চ ক্ষত্রিয়াবুপেত্য বরয়িত্বোপাধ্যায়ং চক্রতুঃ |
৮০ ক
সৌতিঃ উবাচ:
স কদাচিদ্যাজ্যকার্যেণাভিপ্রস্থিত উত্তঙ্কনামানং শিষ্যং নিয়োজয়ামাস |
৮১ ক
সৌতিঃ উবাচ:
ভো যৎকিঞ্চিদসমদ্গৃহে পরিহীয়তে তদিচ্ছাম্যহমপরিহীয়মানং ভবতা ক্রিয়মাণমিতি স এব প্রতিসন্দিশ্যোত্তঙ্কং বেদঃ প্রবাসং জগাম |
৮২ ক
সৌতিঃ উবাচ:
অথোত্তঙ্কঃ শুশ্রুষুর্গুরুনিয়োগমনুতিষ্ঠমানো গুরুকুলে বসতি স্ম। স তত্র বসমান উপাধ্যায়স্ত্রীভিঃ সহিতাভিরাহূয়োক্তঃ |
৮৩ ক
সৌতিঃ উবাচ:
উপাধ্যায়িনী তে ঋতুমতী উপাধ্যায়শ্চ প্রোষিতী’স্যাযথা’য়মৃতুর্বন্ধ্যো ন ভবতি তথা ক্রিয়তামষা বিষীদতীতি |
৮৪ ক
সৌতিঃ উবাচ:
এবমুক্তস্তাঃ স্ত্রিয়ঃপ্রত্যুবাচ। ন ময়া স্ত্রীণাং বচনাদিদমকার্যং করণীয়ম্। ন হ্যহমুপাধ্যায়েন সন্দিষ্টো’কার্যমপি ত্বয়া কার্যমিতি |
৮৫ ক
সৌতিঃ উবাচ:
তস্য পুনরুপাধ্যায়ঃ কালান্তরেণ গৃহমাজগামতস্মাৎপ্রবাসাৎ। স তু তদ্বৃত্তং তস্যাশেষমুপলভ্য প্রীতিমানভূৎ |
৮৬ ক
সৌতিঃ উবাচ:
উবাচ চৈনং বৎসোত্তঙ্ক কিং তে প্রিয়ং করবাণিতি। ধর্মতো হি শুশ্রূষিতো’স্মি ভবতা তেন প্রীতিঃ পরস্পরেণ নৌ সংবৃদ্ধা তদনুজানে ভবন্তম্ সর্বানেব কামানবাপ্স্যসি গম্যতামিতি |
৮৭ ক
সৌতিঃ উবাচ:
স এবমুক্তঃ প্রত্যুবাচ কিং তে প্রিয়ং করবাণিতি এবম্হ্যাহুঃ |
৮৮ ক