সৌতি উবাচ:
এতচ্ছ্রুৎবা নৃপো বিদ্বান্ হৃষ্টো'ভূজ্জনমেজয়ঃ ।
১ ক
সৌতি উবাচ:
পিতামহানাং সর্বেষাং গমনাগমনং তদা ॥
১ খ
সৌতি উবাচ:
অব্রবীচ্চ মুদা যুক্তঃ পুনরাগমনং প্রতি ।
২ ক
সৌতি উবাচ:
কথং ন ত্যক্তদেহানাং পুনস্তদ্রূপদর্শনম্ ॥
২ খ
সৌতি উবাচ:
ইত্যুক্তঃ স দ্বিজশ্রেষ্ঠো ব্যাসশিষ্যঃ প্রতাপবান্ ।
৩ ক
সৌতি উবাচ:
প্রোবাচ বদতাংশ্রেষ্ঠস্তং নৃপং জনমেজয়ম্ ॥
৩ খ
বৈশম্পায়ন উবাচ:
অবিপ্রণাশঃ সর্বেষাং কর্মণামিতি নিশ্চয়ঃ ।
৪ ক
বৈশম্পায়ন উবাচ:
কর্মজানি শরীরাণি শরীরাকৃতয়স্তথা ॥
৪ খ
বৈশম্পায়ন উবাচ:
মহাভূতানি নিত্যানি ভূতাধিপতিসংশ্রয়াৎ ।
৫ ক
বৈশম্পায়ন উবাচ:
তেষাং চ নিত্যসংবাসো ন বিনাশো বিয়ুজ্যতাম্ ॥
৫ খ
বৈশম্পায়ন উবাচ:
অনাশয়া কৃতং কর্ম তস্য চেষ্টঃ ফলাগমঃ ।
৬ ক
বৈশম্পায়ন উবাচ:
আত্মা চৈভিঃ সমাযুক্তঃ সুখদুঃখমুপাশ্নুতে ॥
৬ খ
বৈশম্পায়ন উবাচ:
অবিনাশ্যস্তথা নিত্যং ক্ষেত্রজ্ঞ ইতি নিশ্চয়ঃ ।
৭ ক
বৈশম্পায়ন উবাচ:
ভূতানামাত্মভাবো যো ধ্রুবোসৌ সংবিজানতাম্ ॥
৭ খ
বৈশম্পায়ন উবাচ:
যাবন্ন ক্ষীয়তে কর্ম তাবত্তস্য স্বরূপতা ।
৮ ক
বৈশম্পায়ন উবাচ:
ক্ষীণকর্মা নরো লোকে রূপান্যৎবমুপাশ্নুতে ॥
৮ খ
বৈশম্পায়ন উবাচ:
নানাভূতাস্তথৈকত্বং শরীরং প্রাপ্য সংহতাঃ ।
৯ ক
বৈশম্পায়ন উবাচ:
ভবন্তি তে তথা নিত্যাঃ পৃথগ্ভাবং বিজানতাম্ ॥
৯ খ
বৈশম্পায়ন উবাচ:
অশ্বমেধশ্রুতিশ্চেয়মশ্বসংজ্ঞপনং প্রতি ।
১০ ক
বৈশম্পায়ন উবাচ:
লোকান্তরগতা নিত্যং প্রাণা নিত্যা হি বাজিনঃ ॥
১০ খ
বৈশম্পায়ন উবাচ:
অহং হিতং বদাম্যেতৎপ্রিয়ং চেত্তব পার্থিব ।
১১ ক
বৈশম্পায়ন উবাচ:
দেবয়ানা হি পন্থানঃ শ্রুতাস্তে যজ্ঞসংস্তরে ॥
১১ খ
বৈশম্পায়ন উবাচ:
সুকৃতো যত্র যজ্ঞস্তে তত্র দেবা হিতাস্তব ।
১২ ক
বৈশম্পায়ন উবাচ:
যদা সমন্বিতা দেবাঃ পশূনাং গমনেশ্বরাঃ ॥
১২ খ
বৈশম্পায়ন উবাচ:
গমিমন্তশ্চ তেনেষ্ট্বা নান্যে নিত্যা ভবন্ত্যুত ।
১৩ ক
বৈশম্পায়ন উবাচ:
নিত্যে'স্মিন্পঞ্চকে বর্গে নিত্যে চাত্মনি পূরুষঃ ॥
১৩ খ
বৈশম্পায়ন উবাচ:
অস্য নাশং সমায়োগং যঃ পশ্যতি বৃথামতিঃ ।
১৪ ক
বৈশম্পায়ন উবাচ:
বিয়োগে শোচতে'ত্যর্থং স বাল ইতি মে মতিঃ ॥
১৪ খ
বৈশম্পায়ন উবাচ:
বিয়োগে দোষদর্শী যঃ সংযোগং স বিসর্জয়েৎ ।
১৫ ক
বৈশম্পায়ন উবাচ:
অসঙ্গে সঙ্গমো নাস্তি দুঃখং ভাবি বিয়োগজম্ ॥
১৫ খ
বৈশম্পায়ন উবাচ:
পরাপরজ্ঞস্ত্বপরো নাভিমানাদুদীক্ষিতঃ ।
১৬ ক
বৈশম্পায়ন উবাচ:
অপরজ্ঞঃ পরাং বুদ্ধিং স্পৃষ্ট্বা মোহাদ্বিমুচ্যতে ॥
১৬ খ
বৈশম্পায়ন উবাচ:
অদর্শনাদাপতিতঃ পুনশ্চাদর্শনং গতঃ ।
১৭ ক
বৈশম্পায়ন উবাচ:
নাহং তং বেদ্মি নাসৌ মাং ন চ মে'স্তি বিরাগতা ॥
১৭ খ
বৈশম্পায়ন উবাচ:
যেনযেন শরীরেণ করোত্যযমনীশ্বরঃ ।
১৮ ক
বৈশম্পায়ন উবাচ:
তেনতেন শরীরেণ তদবশ্যমুপাশ্নুতে ।
১৮ খ
বৈশম্পায়ন উবাচ:
মানসং মনসা''প্নোতি শরীরং চ শরীরবান্ ॥
১৮ গ