বৈশম্পায়ন উবাচ:
অদৃষ্ট্বা তু নৃপঃ পুত্রান্দর্শনং প্রতিলব্ধবান্ ।
১ ক
বৈশম্পায়ন উবাচ:
ঋষেঃ প্রসাদাৎপুত্রাণাং স্বরূপাণাং কুরূদ্বহ ॥
১ খ
বৈশম্পায়ন উবাচ:
স রাজা রাজধর্মাংশ্চ ব্রহ্মোপনিষদং তথা ।
২ ক
বৈশম্পায়ন উবাচ:
অবাপ্তবান্নরশ্রেষ্ঠো বুদ্ধিনিশ্চয়মেব চ ।I
২ খ
বৈশম্পায়ন উবাচ:
বিদুরশ্চ মহাপ্রাজ্ঞো যযৌ সিদ্ধিং তপোবলাৎ ।
৩ ক
বৈশম্পায়ন উবাচ:
ধৃতরাষ্ট্রঃ সমাসাদ্য ব্যাসং চৈব তপস্বিনম্ ॥
৩ খ
জনমেজয় উবাচ:
মমাপি বরদো ব্যাসো দর্শয়েৎপিতরং যদি ।
৪ ক
জনমেজয় উবাচ:
তদ্রূপবেষবয়সং শ্রদ্দধ্যাং সর্বমেব তৎ ॥
৪ খ
জনমেজয় উবাচ:
প্রিয়ং মে স্যাৎকৃতার্থশ্চ স্যামহং কৃতনিশ্চয়ঃ ।
৫ ক
জনমেজয় উবাচ:
প্রসাদাদৃষিমুখ্যস্য মম কামঃ সমৃদ্ধ্যতাম্ ॥
৫ খ
সৌতি উবাচ:
ইত্যুক্তবচনে তস্মিন্নৃপে ব্যাসঃ প্রতাপবান্ ।
৬ ক
সৌতি উবাচ:
প্রসাদমকরোদ্ধীমানানয়চ্চ পরিক্ষিতম্ ॥
৬ খ
সৌতি উবাচ:
ততস্তদ্রূপবয়সমাগতং নৃপতিং দিবঃ ।
৭ ক
সৌতি উবাচ:
শ্রীমন্তং পিতরং রাজা দদর্শ স পরীক্ষিতম্ ॥
৭ খ
সৌতি উবাচ:
শমীকং চ মহাত্মানং পুত্রং তং চাস্য শৃঙ্গিণম্ ।
৮ ক
সৌতি উবাচ:
অমাত্যা যে চ নিহতা রাজ্ঞস্তাংশ্চ দদর্শ হ ॥
৮ খ
সৌতি উবাচ:
ততঃ সোবভৃথে রাজা মুদিতো জনমেজয়ঃ ।
৯ ক
সৌতি উবাচ:
পিতরং স্নাপয়ামাস স্বয়ং সস্নৌ চ পার্থিবঃ ॥
৯ খ
সৌতি উবাচ:
পরীক্ষিদপি তত্রৈব বভূব স তিরোহিতঃ ।
১০ ক
সৌতি উবাচ:
স্নাত্বা স নৃপতির্বিপ্রমাস্তীকমিদমব্রবীৎ ।
১০ খ
সৌতি উবাচ:
যাযাবরকুলোৎপন্নং জরৎকারুসুতং তদা ॥
১০ গ
সৌতি উবাচ:
আস্তীক বিবিধাশ্চর্যো যজ্ঞে'য়মিতি মে মতিঃ ।
১১ ক
সৌতি উবাচ:
যদদ্যায়ং পিতা প্রাপ্তো মম শোকপ্রণাশনঃ ॥
১১ খ
আস্তীক উবাচ:
ঋষির্দ্বৈপায়নো যত্র পুরাণস্তপসো নিধিঃ ।
১২ ক
আস্তীক উবাচ:
যজ্ঞে কুরুকুলশ্রেষ্ঠ তস্য লোকাবুভৌ জিতৌ ॥
১২ খ
আস্তীক উবাচ:
শ্রুতং বিচিত্রমাখ্যানং ত্বয়া পাণ্ডবনন্দন ।
১৩ ক
আস্তীক উবাচ:
সর্পাশ্চ ভস্মসান্নীতা গতাশ্চ পদবীং পিতুঃ ॥
১৩ খ
আস্তীক উবাচ:
কথংচিত্তক্ষকো মুক্তঃ সত্যত্বাত্তব পার্থিব ।
১৪ ক
আস্তীক উবাচ:
ঋষয়ঃ পূজিতাঃ সর্বে গতির্দৃষ্টা মহাত্মনঃ ॥
১৪ খ
আস্তীক উবাচ:
প্রাপ্তঃ সুবিপুলো ধর্মঃ শ্রুত্বা পাপবিনাশনম্ ।
১৫ ক
আস্তীক উবাচ:
বিমুক্তো হৃদয়গ্রন্থিরুদারজনদর্শনাৎ ॥
১৫ খ
আস্তীক উবাচ:
যে চ পক্ষধরা ধর্মে সদ্বৃত্তরুচয়শ্চ যে ।
১৬ ক
আস্তীক উবাচ:
যান্দৃষ্ট্বা হীয়তে পাপং তেভ্যঃ কার্যা নমস্ক্রিয়া ॥
১৬ খ
সৌতি উবাচ:
এতচ্ছ্রুত্বা দ্বিজশ্রেষ্ঠাৎ স রাজা জনমেজয়ঃ ।
১৭ ক
সৌতি উবাচ:
পূজয়ামাস তমৃষিমনুমান্য পুনঃপুনঃ ॥
১৭ খ
সৌতি উবাচ:
পপ্রচ্ছ তমৃষি চাপি বৈশম্পায়নমচ্যুতম্ ।
১৮ ক
সৌতি উবাচ:
কথাবশেষং ধর্মজ্ঞো বনবাসস্য সত্তম ॥
১৮ খ