নারদ উবাচ:
নাসৌ বৃথাঽগ্নিনা দগ্ধো যথা তত্র শ্রুতং ময়া ।
১ ক
নারদ উবাচ:
বৈচিত্রবীর্যো নৃপতির্ন তে শোচ্যো নরাধিপ ॥
১ খ
নারদ উবাচ:
বনং প্রবিশতানেন বায়ুভক্ষেণ ধীমতা ।
২ ক
নারদ উবাচ:
অগ্নয়ঃ কারয়িৎবেষ্টিমুৎসৃষ্টা ইতি নঃ শ্রুতম্ ॥
২ খ
নারদ উবাচ:
যাজকাস্তু ততস্তস্য তানগ্নীন্নির্জনে বনে ।
৩ ক
নারদ উবাচ:
সমুৎসৃজ্য যথাকামং জগ্মুর্ভরতসত্তম ॥
৩ খ
নারদ উবাচ:
স বিবৃদ্ধস্তদা বহ্নির্বনে তস্মিন্নভূৎকিল ।
৪ ক
নারদ উবাচ:
তেন তদ্বনমাদীপ্তমিতি তে তাপসা'ব্রুবন্ ॥
৪ খ
নারদ উবাচ:
স রাজা জাহ্নবীতীরে যথা তে কথিতং ময়া ।
৫ ক
নারদ উবাচ:
তেনাগ্নিনা সমাযুক্তঃ স্বেনৈব ভরতর্ষভ ॥
৫ খ
নারদ উবাচ:
এবমাবেদয়ামাসুর্মুনয়স্তে মমানঘ ।
৬ ক
নারদ উবাচ:
যে তে ভাগীরথীতীরে ময়া দৃষ্টা যুধিষ্ঠির ॥
৬ খ
নারদ উবাচ:
এবং স্বেনাগ্নিনা রাজা সমায়ুক্তো মহীপতে ।
৭ ক
নারদ উবাচ:
মা শোচিথাস্ত্বং নৃপতিং গতঃ স পরমাং গতিম্ ॥
৭ খ
নারদ উবাচ:
গুরুশুশ্রূষয়া চৈব জননী তে জনাধিপ ।
৮ ক
নারদ উবাচ:
প্রাপ্তা সুমহতীং সিদ্ধিমিতি মে নাত্র সংশয়ঃ ॥
৮ খ
নারদ উবাচ:
কর্তুমর্হসি রাজেন্দ্র তেষাং ত্বমুদকক্রিয়াম্ ।
৯ ক
নারদ উবাচ:
ভ্রাতৃভিঃ সহিতঃ সর্বৈরেতদত্র বিধীয়তাম্ ॥
৯ খ
বৈশম্পায়ন উবাচ:
ততঃ স পৃথিবীপালঃ পাণ্ডবানাং ধুরন্ধরঃ ।
১০ ক
বৈশম্পায়ন উবাচ:
নির্যযৌ সহসোদর্যঃ সদারশ্চ নরর্ষভঃ ॥
১০ খ
বৈশম্পায়ন উবাচ:
পৌরজানপদাশ্চৈব রাজভক্তিপুরস্কৃতাঃ ।
১১ ক
বৈশম্পায়ন উবাচ:
গঙ্গাং প্রজগ্মুরভিতো বাসসৈকেন সংবৃতাঃ ॥
১১ খ
বৈশম্পায়ন উবাচ:
ততো'বগাহ্য সলিলে সর্বে তু কুরুপুঙ্গবাঃ ।
১২ ক
বৈশম্পায়ন উবাচ:
যুযুৎসুমগ্রতঃ কৃত্বা দদুস্তোয়ং মহাত্মনে ॥
১২ খ
বৈশম্পায়ন উবাচ:
গান্ধার্যাশ্চ পৃথায়াশ্চ বিধিবন্নামগোত্রতঃ ।
১৩ ক
বৈশম্পায়ন উবাচ:
শৌচং নিবর্তয়ন্তস্তে তত্রোষুর্নগরাদ্বহিঃ ॥
১৩ খ
বৈশম্পায়ন উবাচ:
প্রেষয়ামাস স নরান্বিধিজ্ঞানাপ্তকারিণঃ ।
১৪ ক
বৈশম্পায়ন উবাচ:
গঙ্গাদ্বারং কুরুশ্রেষ্ঠো যত্র দগ্ধো'ভবন্নৃপঃ ।
১৪ খ
বৈশম্পায়ন উবাচ:
তত্রৈব তেষাং তুল্যানি গঙ্গাদ্বারে'ন্বশাত্তদা ।
১৫ ক
বৈশম্পায়ন উবাচ:
কর্তব্যানীতি পুরুষান্দত্তদেয়ান্মহীপতিঃ ॥
১৫ খ
বৈশম্পায়ন উবাচ:
দ্বাদশে''নি তেভ্যঃ স কৃতশৌচো নরাধিপঃ ।
১৬ ক
বৈশম্পায়ন উবাচ:
দদৌ শ্রাদ্ধানি বিধিবদ্দক্ষিণাবন্তি পাণ্ডবঃ ॥
১৬ খ
বৈশম্পায়ন উবাচ:
ধৃতরাষ্ট্রং সমুদ্দিশ্য দদৌ স পৃথিবীপতিঃ ।
১৭ ক
বৈশম্পায়ন উবাচ:
সুবর্ণং রজতং গাশ্চ শয্যাশ্চ সুমহাধনাঃ ॥
১৭ খ
বৈশম্পায়ন উবাচ:
গান্ধার্যাশ্চৈব তেজস্বী পৃথায়াশ্চ পৃথক্পৃথক্ ।
১৮ ক
বৈশম্পায়ন উবাচ:
সঙ্কীর্ত্য নামনী রাজা দদৌ দানমনুত্তমম্ ॥
১৮ খ
বৈশম্পায়ন উবাচ:
যো যদিচ্ছতি যাবচ্চ তাবৎস লভতে দ্বিজঃ ।
১৯ ক
বৈশম্পায়ন উবাচ:
শয়নং ভোজনং যানং মণিরত্নমথো ধনম্ ॥
১৯ খ
বৈশম্পায়ন উবাচ:
যানমাচ্ছাদনং ভোগান্দাসীশ্চ সমলঙ্কৃতাঃ ।
২০ ক
বৈশম্পায়ন উবাচ:
দদৌ রাজা সমুদ্দিশ্য তয়োর্মাত্রোর্মহীপতিঃ ॥
২০ খ
বৈশম্পায়ন উবাচ:
ততঃ স পৃথিবীপালো দত্ত্বা শ্রাদ্ধান্যনেকশঃ ।
২১ ক
বৈশম্পায়ন উবাচ:
প্রবিবেশ পুনর্ধীমান্নগরং বারণাহ্বয়ম্ ॥
২১ খ
বৈশম্পায়ন উবাচ:
তে চাপি রাজবচনাৎপুরুষা যে গতা'ভবন্ ।
২২ ক
বৈশম্পায়ন উবাচ:
সঙ্কল্প্য তেষাং কুল্যানি পুনঃ প্রত্যাগমংস্ততঃ ॥
২২ খ
বৈশম্পায়ন উবাচ:
মাল্যৈর্গন্ধৈশ্চ বিবিধৈরর্চয়িত্বা যথাবিধি ।
২৩ ক
বৈশম্পায়ন উবাচ:
কুল্যানি তেষাং সংযোজ্য তদাচখ্যুর্মহীপতেঃ ॥
২৩ খ
বৈশম্পায়ন উবাচ:
সমাশ্বাস্য তু রাজানং ধর্মাত্মানং যুধিষ্ঠিরম্ ।
২৪ ক
বৈশম্পায়ন উবাচ:
নারদোপ্যগমৎপ্রীতঃ পরমর্ষির্যথোপ্সিতম্ ॥
২৪ খ
বৈশম্পায়ন উবাচ:
এবং বর্ষাণ্যতীতানি ধৃতরাষ্ট্রস্য ধীমতঃ ।
২৫ ক
বৈশম্পায়ন উবাচ:
বনবাসে তথা ত্রীণি নগরে দশপঞ্চ চ ॥
২৫ খ
বৈশম্পায়ন উবাচ:
হতপুত্রস্য সংগ্রামে দানানি দদতঃ সদা ।
২৬ ক
বৈশম্পায়ন উবাচ:
জ্ঞাতিসম্বন্ধিমিত্রাণাং ভ্রাতৄণাং স্বজনস্য চ ॥
২৬ খ
বৈশম্পায়ন উবাচ:
যুধিষ্ঠিরস্তু নৃপতির্নাতিপ্রীতমনাস্তদা ।
২৭ ক
বৈশম্পায়ন উবাচ:
ধারয়ামাস তদ্রাজ্যং নিহতজ্ঞাতিবান্ধবঃ ॥
২৭ খ