সঞ্জয় উবাচ:
তেষামনীকানি বৃহদ্ধ্বজানি; রণে সমৃদ্ধানি সমাগতানি |
১ ক
সঞ্জয় উবাচ:
গর্জন্তি ভেরীনিনদোন্মুখানি; মেঘৈর্যথা মেঘগণাস্তপান্তে ||
১ খ
সঞ্জয় উবাচ:
মহাগজাভ্রাকুলমস্ত্রতোয়ং; বাদিত্রনেমীতলশব্দবচ্চ |
২ ক
সঞ্জয় উবাচ:
হিরণ্যচিত্রায়ুধবৈদ্যুতং চ; মহারথৈরাবৃতশব্দবচ্চ ||
২ খ
সঞ্জয় উবাচ:
তদ্ভীমবেগং রুধিরৌঘবাহি; খড্গাকুলং ক্ষত্রিয়জীববাহি |
৩ ক
সঞ্জয় উবাচ:
অনার্তবং ক্রূরমনিষ্টবর্ষং; বভূব তৎসংহরণং প্রজানাম্ ||
৩ খ
সঞ্জয় উবাচ:
রথান্সসূতান্সহয়ান্গজাংশ্চ; সর্বানরীন্মৃত্যুবশং শরৌঘৈঃ |
৪ ক
সঞ্জয় উবাচ:
নিন্যে হয়াংশ্চৈব তথা সসাদী; ন্পদাতিসঙ্ঘাংশ্চ তথৈব পার্থঃ ||
৪ খ
সঞ্জয় উবাচ:
কৃপঃ শিখণ্ডী চ রণে সমেতৌ; দুর্যোধনং সাত্যকিরভ্যগচ্ছত |
৫ ক
সঞ্জয় উবাচ:
শ্রুতশ্রবা দ্রোণসুতেন সার্ধং; যুধামন্যুশ্চিত্রসেনেন চাপি ||
৫ খ
সঞ্জয় উবাচ:
কর্ণস্য পুত্রস্তু রথী সুষেণং; সমাগতঃ সৃঞ্জয়াংশ্চোত্তমৌজাঃ |
৬ ক
সঞ্জয় উবাচ:
গান্ধাররাজং সহদেবঃ ক্ষুধার্তো; মহর্ষভং সিংহ ইবাভ্যধাবৎ ||
৬ খ
সঞ্জয় উবাচ:
শতানীকো নাকুলিঃ কর্ণপুত্রং; যুবা যুবানং বৃষসেনং শরৌঘৈঃ |
৭ ক
সঞ্জয় উবাচ:
সমার্দয়ৎকর্ণসুতশ্চ বীরঃ; পাঞ্চালেয়ং শরবর্ষৈরনেকৈঃ ||
৭ খ
সঞ্জয় উবাচ:
রথর্ষভঃ কৃতবর্মাণমার্চ্ছ; ন্মাদ্রীপুত্রো নকুলশ্চিত্রয়োধী |
৮ ক
সঞ্জয় উবাচ:
পাঞ্চালানামধিপো যাজ্ঞসেনিঃ; সেনাপতিং কর্ণমার্চ্ছৎসসৈন্যম্ ||
৮ খ
সঞ্জয় উবাচ:
দুঃশাসনো ভারত ভারতী চ; সংশপ্তকানাং পৃতনা সমৃদ্ধা |
৯ ক
সঞ্জয় উবাচ:
ভীমং রণে শস্ত্রভৃতাং বরিষ্ঠং; তদা সমার্চ্ছত্তমসহ্যবেগম্ ||
৯ খ
সঞ্জয় উবাচ:
কর্ণাত্মজং তত্র জঘান শূর; স্তথাচ্ছিনচ্চোত্তমৌজাঃ প্রসহ্য |
১০ ক
সঞ্জয় উবাচ:
তস্যোত্তমাঙ্গং নিপপাত ভূমৌ; নিনাদয়দ্গাং নিনদেন খং চ ||
১০ খ
সঞ্জয় উবাচ:
সুষেণশীর্ষং পতিতং পৃথিব্যাং; বিলোক্য কর্ণোঽথ তদার্তরূপঃ |
১১ ক
সঞ্জয় উবাচ:
ক্রোধাদ্ধয়াংস্তস্য রথং ধ্বজং চ; বাণৈঃ সুধারৈর্নিশিতৈর্ন্যকৃন্তৎ ||
১১ খ
সঞ্জয় উবাচ:
স তূত্তমৌজা নিশিতৈঃ পৃষৎকৈ; র্বিব্যাধ খড্গেন চ ভাস্বরেণ |
১২ ক
সঞ্জয় উবাচ:
পার্ষ্ণিং হয়াংশ্চৈব কৃপস্য হত্বা; শিখণ্ডিবাহং স ততোঽভ্যরোহৎ ||
১২ খ
সঞ্জয় উবাচ:
কৃপং তু দৃষ্ট্বা বিরথং রথস্থো; নৈচ্ছচ্ছরৈস্তাডয়িতুং শিখণ্ডী |
১৩ ক
সঞ্জয় উবাচ:
তং দ্রৌণিরাবার্য রথং কৃপং স্ম; সমুজ্জহ্রে পঙ্কগতাং যথা গাম্ ||
১৩ খ
সঞ্জয় উবাচ:
হিরণ্যবর্মা নিশিতৈঃ পৃষৎকৈ; স্তবাত্মজানামনিলাত্মজো বৈ |
১৪ ক
সঞ্জয় উবাচ:
অতাপয়ৎসৈন্যমতীব ভীমঃ; কালে শুচৌ মধ্যগতো যথার্কঃ ||
১৪ খ