দুর্যোধন উবাচ:
এহি ক্ষত্তর্দ্রৌপদীমানয়স্ব; প্রিয়াং ভার্যাং সংমতাং পাণ্ডবানাম্ |
১ ক
দুর্যোধন উবাচ:
সংমার্জতাং বেশ্ম পরৈতু শীঘ্র; মানন্দো নঃ সহ দাসীভিরস্তু ||
১ খ
বিদুর উবাচ:
দুর্বিভাব্যং ভবতি ত্বাদৃশেন; ন মন্দ সম্বুধ্যসি পাশবদ্ধঃ |
২ ক
বিদুর উবাচ:
প্রপাতে ত্বং লম্বমানো ন বেৎসি; ব্যাঘ্রান্মৃগঃ কোপয়সেঽতিবাল্যাৎ ||
২ খ
বিদুর উবাচ:
আশীবিষাঃ শিরসি তে পূর্ণকোশা মহাবিষাঃ |
৩ ক
বিদুর উবাচ:
মা কোপিষ্ঠাঃ সুমন্দাত্মন্মা গমস্ত্বং যমক্ষয়ম্ ||
৩ খ
বিদুর উবাচ:
ন হি দাসীত্বমাপন্না কৃষ্ণা ভবতি ভারত |
৪ ক
বিদুর উবাচ:
অনীশেন হি রাজ্ঞৈষা পণে ন্যস্তেতি মে মতিঃ ||
৪ খ
বিদুর উবাচ:
অয়ং ধত্তে বেণুরিবাত্মঘাতী; ফলং রাজা ধৃতরাষ্ট্রস্য পুত্রঃ |
৫ ক
বিদুর উবাচ:
দ্যূতং হি বৈরায় মহাভয়ায়; পক্বো ন বুধ্যত্যযমন্তকালে ||
৫ খ
বিদুর উবাচ:
নারুন্তুদঃ স্যান্ন নৃশংসবাদী; ন হীনতঃ পরমভ্যাদদীত |
৬ ক
বিদুর উবাচ:
যয়াস্য বাচা পর উদ্বিজেত; ন তাং বদেদ্রুশতীং পাপলোক্যাম্ ||
৬ খ
বিদুর উবাচ:
সমুচ্চরন্ত্যতিবাদা হি বক্ত্রা; দ্যৈরাহতঃ শোচতি রাত্র্যহানি |
৭ ক
বিদুর উবাচ:
পরস্য নামর্মসু তে পতন্তি; তান্পণ্ডিতো নাবসৃজেৎপরেষু ||
৭ খ
বিদুর উবাচ:
অজো হি শস্ত্রমখনৎকিলৈকঃ; শস্ত্রে বিপন্নে পদ্ভিরপাস্য ভূমিম্ |
৮ ক
বিদুর উবাচ:
নিকৃন্তনং স্বস্য কণ্ঠস্য ঘোরং; তদ্বদ্বৈরং মা খনীঃ পাণ্ডুপুত্রৈঃ ||
৮ খ
বিদুর উবাচ:
ন কিঞ্চিদীড্যং প্রবদন্তি পাপং; বনেচরং বা গৃহমেধিনং বা |
৯ ক
বিদুর উবাচ:
তপস্বিনং সম্পরিপূর্ণবিদ্যং; ভষন্তি হৈবং শ্বনরাঃ সদৈব ||
৯ খ
বিদুর উবাচ:
দ্বারং সুঘোরং নরকস্য জিহ্মং; ন বুধ্যসে ধৃতরাষ্ট্রস্য পুত্র |
১০ ক
বিদুর উবাচ:
ত্বামন্বেতারো বহবঃ কুরূণাং; দ্যূতোদয়ে সহ দুঃশাসনেন ||
১০ খ
বিদুর উবাচ:
মজ্জন্ত্যলাবূনি শিলাঃ প্লবন্তে; মুহ্যন্তি নাবোঽম্ভসি শশ্বদেব |
১১ ক
বিদুর উবাচ:
মূঢো রাজা ধৃতরাষ্ট্রস্য পুত্রো; ন মে বাচঃ পথ্যরূপাঃ শৃণোতি ||
১১ খ
বিদুর উবাচ:
অন্তো নূনং ভবিতায়ং কুরূণাং; সুদারুণঃ সর্বহরো বিনাশঃ |
১২ ক
বিদুর উবাচ:
বাচঃ কাব্যাঃ সুহৃদাং পথ্যরূপা; ন শ্রূয়ন্তে বর্ধতে লোভ এব ||
১২ খ