অষ্টক উবাচ:
কতরস্ত্বনয়ো পূর্বং দেবানামেতি সাম্যতাম্ |
১ ক
অষ্টক উবাচ:
উভয়োর্ধাবতো রাজন্সূর্যাচন্দ্রমসোরিব ||
১ খ
যযাতি উবাচ:
অনিকেতো গৃহস্থেষু কামবৃত্তেষু সংযতঃ |
২ ক
যযাতি উবাচ:
গ্রাম এব বসন্ভিক্ষুস্তয়ো পূর্বতরং গতঃ ||
২ খ
যযাতি উবাচ:
অপ্রাপ্য দীর্ঘমায়ুস্তু যঃ প্রাপ্তো বিকৃতিং চরেৎ |
৩ ক
যযাতি উবাচ:
তপ্যতে যদি তৎকৃত্বা চরেৎসো'ন্যত্তপস্ততঃ ||
৩ খ
যযাতি উবাচ:
পাপানাং কর্মণাং নিত্যং বিভীয়াদ্যস্তু মানবঃ |
৪ ক
যযাতি উবাচ:
সুখমপ্যাচরন্নিত্যং সো'ত্যন্তং সুখমেধতে ||
৪ খ
যযাতি উবাচ:
যদ্বৈ নৃশংসং তদসত্যমাহুর্যঃ সেবতে ধর্মমনর্থবুদ্ধিঃ |
৫ ক
যযাতি উবাচ:
অস্বো'প্যনীশশ্চ তথৈব রাজংস্তদার্জবং স সমাধিস্তদার্যম্ ||
৫ খ
অষ্টক উবাচ:
কেনাসি হূতঃ প্রহিতো'সি রাজ ন্যুবা স্রগ্বী দর্শনীয়ঃ সুবর্চাঃ |
৬ ক
অষ্টক উবাচ:
কুত আয়াতঃ কতরস্যাং দিশি ত্বমুতাহোস্বিৎপার্থিবং স্থানমস্তি ||
৬ খ
যযাতি উবাচ:
ইমং ভৌমং নরকং ক্ষীণপুণ্যঃ প্রবেষ্টুমুর্বীং গগনাদ্বিপ্রহীণঃ |
৭ ক
যযাতি উবাচ:
বিদ্বাংশ্চৈবং মতিমানার্যবুদ্ধির্মমাভবৎকর্মলোক্যং চ সর্বম্ |
৭ খ
যযাতি উবাচ:
উক্ত্বা'হং বঃ প্রপতিষ্যাম্যনন্তরং ত্বরন্তি মাং লোকপা ব্রাহ্মণা যে ||
৭ গ
যযাতি উবাচ:
সতাং সকাশে তু বৃতঃ প্রপাতস্তে সঙ্গতা গুণবন্তশ্চ সর্বে |
৮ ক
যযাতি উবাচ:
শক্রাচ্চ লব্ধো হি বরো ময়ৈষ পতিষ্যতা ভূমিতলং নরেন্দ্র ||
৮ খ
অষ্টক উবাচ:
পৃচ্ছামি ত্বাং মা প্রপত প্রপাতং যদি লোকাঃ পার্থিব সন্তি মে'ত্র |
৯ ক
অষ্টক উবাচ:
যদ্যন্তরিক্ষে যদি বা দিবি স্থিতাঃ ক্ষেত্রজ্ঞং ত্বাং তস্য ধর্মস্য মন্যে ||
৯ খ
যযাতি উবাচ:
যাবৎপৃথিব্যাং বিহিতং গবাশ্বং সহারণ্যৈঃ পশুভিঃ পার্বতৈশ্চ |
১০ ক
যযাতি উবাচ:
তাবল্লোকা দিবি তে সংস্থিতা বৈ তথা বিজানীহি নরেন্দ্রসিংহ ||
১০ খ
অষ্টক উবাচ:
তাংস্তে দদামি মা প্রপত প্রপাতং যে মে লোকা দিবি রাজেন্দ্র সন্তি |
১১ ক
অষ্টক উবাচ:
যদ্যন্তরিক্ষে যদি বা দিবি শ্রিতাস্তানাক্রম ক্ষিপ্রমপেতমোহঃ ||
১১ খ
যযাতি উবাচ:
নাস্মদ্বিধো'ব্রাহ্মণো ব্রহ্মবিচ্চ প্রতিগ্রহে বর্ততে রাজমুখ্য |
১২ ক
যযাতি উবাচ:
যথা প্রদেয়ং সততং দ্বিজেভ্যস্তথা'দদং পূর্বমহং নরেন্দ্র ||
১২ খ
যযাতি উবাচ:
নাব্রাহ্মণঃ কৃপণো জাতু জীবে দ্যা চাপ্যস্যা'ব্রাহ্মণী বীরপত্নী |
১৩ ক
যযাতি উবাচ:
সো'হং নৈবাকৃতপূর্বং চরেয়ং বিধিৎসমানঃ কিমু তত্র সাধুঃ ||
১৩ খ
প্রতর্দন উবাচ:
পৃচ্ছামি ত্বাং স্পৃহণীয়রূপ প্রতর্দনো'হং যদি মে সন্তি লোকাঃ |
১৪ ক
প্রতর্দন উবাচ:
যদ্যন্তরিক্ষে যদি বা দিবি শ্রিতাঃ ক্ষেত্রজ্ঞং ত্বাং তস্য ধর্মস্য মন্যে ||
১৪ খ
যযাতি উবাচ:
সন্তি লোকা বহবস্তে নরেন্দ্র অপ্যেকৈকঃ সপ্তসপ্তাপ্যহানি |
১৫ ক
যযাতি উবাচ:
মধুচ্যুতো ঘৃতপৃক্তা বিশোকাস্তে নান্তবন্তঃ প্রতিপালয়ন্তি ||
১৫ খ
প্রতর্দন উবাচ:
তাংস্তে দদানি মা প্রপত প্রপাতং যে মে লোকাস্তব তে বৈ ভবন্তু |
১৬ ক
প্রতর্দন উবাচ:
যদ্যন্তরিক্ষে যদি বা দিবি শ্রিতাস্তানাক্রম ক্ষিপ্রমপেতমোহঃ ||
১৬ খ
যযাতি উবাচ:
ন তুল্যতেজাঃ সুকৃতং কাময়েত যোগক্ষেমং পার্থিব পার্থিবঃ সন্ |
১৭ ক
যযাতি উবাচ:
দৈবাদেশাদাপদং প্রাপ্য বিদ্বাংশ্চরেন্নৃশংসং ন হি জাতু রাজা ||
১৭ খ
যযাতি উবাচ:
ধর্ম্যং মার্গং যতমানো যশস্যং কুর্যান্নৃপো ধর্মমবেক্ষমাণঃ |
১৮ ক
যযাতি উবাচ:
ন মদ্বিধো ধর্মবুদ্ধিঃ প্রজানন্কুর্যাদেবং কৃপণং মাং যথা'ত্থ ||
১৮ খ
যযাতি উবাচ:
কুর্যাদপূর্বং ন কৃতং যদন্যৈ র্বিধিৎসমানঃ কিমু তত্র সাধু |
১৯ ক
যযাতি উবাচ:
ধর্মাধর্মৌ সুবিনিশ্চিত্য সম্যক্কার্যাকার্যেষ্বপ্রমত্তশ্চরেদ্যঃ ||
১৯ খ
যযাতি উবাচ:
স বৈ ধীমান্সত্যসন্ধঃ কৃতাত্মা রাজা ভবেল্লোকপালো মহিম্না |
২০ ক
যযাতি উবাচ:
যদা ভবেৎসংশয়ো ধর্মকার্যে কামার্থৌ বা যত্র বিন্দন্তি সম্যক্ ||
২০ খ
যযাতি উবাচ:
কার্যং তত্র প্রথমং ধর্মকার্যং যন্নো বিরুধ্যাদর্থকামৌ স ধর্মঃ |
২১ ক
যযাতি উবাচ:
ব্রুবাণমেবং নৃপতিং যযাতিং নৃপোত্তমো বসুমানব্রবীত্তম্ ||
২১ খ