যুধিষ্ঠির উবাচ:
ন মাং প্রীণয়তে রাজ্যং ত্বয্যেবং দুঃখিতে নৃপ ।
১ ক
যুধিষ্ঠির উবাচ:
ধিঙ্মামস্তু সুদুর্বুদ্ধিং রাজ্যসক্তং প্রমাদিনম্ ॥
১ খ
যুধিষ্ঠির উবাচ:
গৃহে বসন্তং দুঃখার্তমুপবাসকৃশং ভৃশম্ ।
২ ক
যুধিষ্ঠির উবাচ:
যতাহারং ক্ষিতিশয়ং নাবিদং ভ্রাতৃভিঃ সহ ॥
২ খ
যুধিষ্ঠির উবাচ:
অহোস্মি বঞ্চিতো মূঢ়ো ভবতা গূঢ়বুদ্ধিনা ।
৩ ক
যুধিষ্ঠির উবাচ:
বিশ্বাসয়িত্বা পূর্বং মাং যদিদং দুঃখমশ্নুথা ॥
৩ খ
যুধিষ্ঠির উবাচ:
কিং মে রাজ্যেন ভোগৈর্বা কিং যজ্ঞৈঃ কিং সুখেন বা ।
৪ ক
যুধিষ্ঠির উবাচ:
যস্য মে ত্বং মহীপাল দুখান্যেতান্যবাপ্তবান্ ॥
৪ খ
যুধিষ্ঠির উবাচ:
পীড়িতং চাপি জানামি রাজ্যমাত্মানমেব চ ।
৫ ক
যুধিষ্ঠির উবাচ:
অনেন বচসা তে'দ্য দুঃখিতস্য জনেশ্বরঃ ॥
৫ খ
যুধিষ্ঠির উবাচ:
ভবান্ পিতা ভবান্মাতা ভবান্নঃ পরমো গুরুঃ ।
৬ ক
যুধিষ্ঠির উবাচ:
ভবতা বিপ্রহীণা বৈ ক্বনু তিষ্ঠামহে বয়ম্ ॥
৬ খ
যুধিষ্ঠির উবাচ:
ঔরসো ভবতঃ পুত্রো যুযুৎসুর্নৃপসত্তম ।
৭ ক
যুধিষ্ঠির উবাচ:
অস্তু রাজা মহারাজ যমন্যং মন্যতে ভবান্ ॥
৭ খ
যুধিষ্ঠির উবাচ:
অহং বনং গমিষ্যামি ভবান্ রাজা প্রশাস্ত্বিদম্ ।
৮ ক
যুধিষ্ঠির উবাচ:
নমাময়শসা দগ্ধং ভূয়স্ত্বং দগ্ধুমর্হসি ॥
৮ খ
যুধিষ্ঠির উবাচ:
নাহং রাজা ভবান্ রাজা ভবতা পরবানহম্ ।
৯ ক
যুধিষ্ঠির উবাচ:
কথং গুরুং ত্বাং ধর্মজ্ঞমনুজ্ঞাতুমিহোৎসহে ॥
৯ খ
যুধিষ্ঠির উবাচ:
ন মন্যুর্হৃদি নঃ কশ্চিৎসুযোধনকৃতে'নঘ ।
১০ ক
যুধিষ্ঠির উবাচ:
ভবিতব্যং তথা তদ্ধি বয়ং চান্যে চ মোহিতাঃ ॥
১০ খ
যুধিষ্ঠির উবাচ:
বয়ং পুত্রা হি ভবতো যথা দুর্যোধনাদয়ঃ ।
১১ ক
যুধিষ্ঠির উবাচ:
গান্ধারী চৈব কুন্তী চ নির্বিশেষে মতে মম ॥
১১ খ
যুধিষ্ঠির উবাচ:
স মাং ত্বং যদি রাজেন্দ্র পরিত্যজ্য গমিষ্যসি ।
১২ ক
যুধিষ্ঠির উবাচ:
পৃষ্ঠতস্ত্বনুযাস্যামি সত্যমাত্মানমালভে ॥
১২ খ
যুধিষ্ঠির উবাচ:
ইয়ং হি বসুসম্পূর্ণা মহী সাগরমেখলা ।
১৩ ক
যুধিষ্ঠির উবাচ:
ভবতা বিপ্রহীণস্য ন মে প্রীতিকরী ভবেৎ ॥
১৩ খ
যুধিষ্ঠির উবাচ:
ভবদীয়মিদং সর্বং শিরসা ত্বাং প্রসাদয়ে ।
১৪ ক
যুধিষ্ঠির উবাচ:
ত্বদধীনাঃ স্ম রাজেন্দ্র ব্যেতু তে মানসো জ্বরঃ ॥
১৪ খ
যুধিষ্ঠির উবাচ:
ভবিতব্যমনুপ্রাপ্তো মন্যে ত্বং বসুধাধিপ ।
১৫ ক
যুধিষ্ঠির উবাচ:
দিষ্ট্যা শুশ্রূষমাণস্ত্বাং মোক্ষিষ্যে মনসো জ্বরং ॥
১৫ খ
ধৃতরাষ্ট্র উবাচ:
তাপস্যে মে মনস্তাত বর্ততে কুরুনন্দন ।
১৬ ক
ধৃতরাষ্ট্র উবাচ:
উচিতং চ কুলে'স্মাকমরণ্যগমনং প্রভো ॥
১৬ খ
ধৃতরাষ্ট্র উবাচ:
চিরমধ্যুষিতঃ পুত্র চিরং শুশ্রূষিতস্ত্বয়া ।
১৭ ক
ধৃতরাষ্ট্র উবাচ:
বৃদ্ধং মামপ্যনুজ্ঞাতুমর্হসি ত্বং নরাধিপ ॥
১৭ খ
বৈশম্পায়ন উবাচ:
ইত্যুক্ত্বা ধর্মরাজানং বেপমানং কৃতাঞ্জলিম্ ।
১৮ ক
বৈশম্পায়ন উবাচ:
উবাচ বিদুরং রাজা ধৃতরাষ্ট্রো'ম্বিকাসুতঃ ॥
১৮ খ
বৈশম্পায়ন উবাচ:
সঞ্জয়ং চ মহাত্মানং কৃপং চাপি মহারথম্ ।
১৯ ক
বৈশম্পায়ন উবাচ:
অনুনেতুমিহেচ্ছামি ভবদ্ভির্বসুধাধিপম্ ॥
১৯ খ
বৈশম্পায়ন উবাচ:
ম্লায়তে মে মনো হীদং মুখং চ পরিশুষ্যতি ।
২০ ক
বৈশম্পায়ন উবাচ:
বয়সা চ প্রকৃষ্টেন বাগ্ব্যায়ামেন চৈব হ ॥
২০ খ
বৈশম্পায়ন উবাচ:
ইত্যুক্ত্বা স তু ধর্মাত্মা বৃদ্ধো রাজা কুরূদ্বহঃ ।
২১ ক
বৈশম্পায়ন উবাচ:
গান্ধারীং শিশ্রিয়ে ধীমান্ সহসৈব গতাসুবৎ ॥
২১ খ
বৈশম্পায়ন উবাচ:
তং তু দৃষ্ট্বা সমাসীনং বিসংজ্ঞমিব কৌরবম্ ।
২২ ক
বৈশম্পায়ন উবাচ:
আর্তিং রাজা'গমত্তীব্রাং কৌন্তেয়ঃ পরবীরহা ॥
২২ খ
যুধিষ্ঠির উবাচ:
যস্য নাগসহস্রেণ শতসংখ্যেন বৈ বলম্ ।
২৩ ক
যুধিষ্ঠির উবাচ:
সোয়ং নারীং ব্যপাশ্রিত্য শেতে রাজা গতাসুবৎ ॥
২৩ খ
যুধিষ্ঠির উবাচ:
আয়সী প্রতিমা যেন ভীমসেনস্য সা পুরা ।
২৪ ক
যুধিষ্ঠির উবাচ:
চূর্ণীকৃতা বলবতা সোবলামাশ্রিতঃ স্ত্রিয়ম্ ॥
২৪ খ
যুধিষ্ঠির উবাচ:
ধিগস্তু মামধর্মজ্ঞং ধিগ্বুদ্ধিং ধিক্ চ মে শ্রুতম্ ।
২৫ ক
যুধিষ্ঠির উবাচ:
যৎকৃতে পৃথিবীপালঃ শেতে'য়মতথোচিতঃ ॥
২৫ খ
যুধিষ্ঠির উবাচ:
অহমপ্যুপবৎস্যামি যথৈবায়ং গুরুর্মম ।
২৬ ক
যুধিষ্ঠির উবাচ:
যদি রাজা ন ভুঙ্ক্তে'য়ং গান্ধারী চ যশস্বিনী ॥
২৬ খ
বৈশম্পায়ন উবাচ:
ততোস্য পাণিনা রাজন্ জলশীতেন পাণ্ডবঃ ।
২৭ ক
বৈশম্পায়ন উবাচ:
উরো মুখং চ শনকৈঃ পর্যমার্জত ধর্মবিৎ ॥
২৭ খ
বৈশম্পায়ন উবাচ:
তেন রত্নৌষধিমতা পুণ্যেন চ সুগন্ধিনা ।
২৮ ক
বৈশম্পায়ন উবাচ:
পাণিস্পর্শেন রাজ্ঞঃ স রাজা সংজ্ঞামবাপ হ ॥
২৮ খ
বৈশম্পায়ন উবাচ:
স্পৃশন্তং পাণিনা ভূয়ঃ পরিষ্যজ্য চ পাণ্ডবম্ ।
২৯ ক
বৈশম্পায়ন উবাচ:
উবাচ রাজা ধর্মজ্ঞো ধৃতরাষ্ট্রঃ শুভং বচঃ ॥
২৯ খ
বৈশম্পায়ন উবাচ:
জীবামীবাতিসংস্পর্শাত্তব রাজীবলোচন ।
৩০ ক
বৈশম্পায়ন উবাচ:
মূর্ধানং চ তবাঘ্রাতুমিচ্ছামি মনুজাধিপ ।
৩০ খ
বৈশম্পায়ন উবাচ:
পাণিভ্যাং হি পরিস্প্রষ্টুং প্রাণানাং হিতমাত্মনি ॥
৩০ গ
বৈশম্পায়ন উবাচ:
অষ্টমো হ্যদ্য কালো'য়মাহারস্য কৃতস্য মে ।
৩১ ক
বৈশম্পায়ন উবাচ:
যেনাহং কুরুশার্দূল শক্নোমি ন বিচেষ্টিতুম্ ॥
৩১ খ
বৈশম্পায়ন উবাচ:
ব্যায়ামশ্চায়মত্যর্থং কৃতস্ত্বামভিযাচতা ।
৩২ ক
বৈশম্পায়ন উবাচ:
ততো গ্লানমনাস্তাত নষ্টসংজ্ঞ ইবাভবম্ ॥
৩২ খ
বৈশম্পায়ন উবাচ:
তবামৃতসুখস্পর্শং হস্তস্পর্শমিমং প্রভো ।
৩৩ ক
বৈশম্পায়ন উবাচ:
লব্ধ্বা সংজীবিতোস্মীতি মন্যে কুরুকুলোদ্বহ ॥
৩৩ খ
বৈশম্পায়ন উবাচ:
এবমুক্তস্তু কৌন্তেয়ঃ পিত্রা জ্যেষ্ঠেন ভারত ।
৩৪ ক
বৈশম্পায়ন উবাচ:
পস্পর্শ সর্বগাত্রেষু স্নেহার্দ্রস্তং শনৈস্তদা ॥
৩৪ খ
বৈশম্পায়ন উবাচ:
উপলভ্য ততঃ প্রাণান্ধৃতরাষ্ট্রো মহীপতিঃ ।
৩৫ ক
বৈশম্পায়ন উবাচ:
বাহুভ্যাং সম্পরিষ্বজ্য মূর্ধ্ন্যাজিঘ্রত পাণ্ডবম্ ॥
৩৫ খ
বৈশম্পায়ন উবাচ:
বিদুরাদয়শ্চ তে সর্বে রুরুদুর্দুঃখিতা ভৃশম্ ।
৩৬ ক
বৈশম্পায়ন উবাচ:
অতিদুঃখাত্তু রাজানং নোচুঃ কিঞ্চন পাণ্ডবম্ ॥
৩৬ খ
বৈশম্পায়ন উবাচ:
গান্ধারী ত্বেব ধর্মজ্ঞা মনসোদ্বহতী ভৃশম্ ।
৩৭ ক
বৈশম্পায়ন উবাচ:
দুঃখান্যধারয়ৎ রাজন্ মৈবমিত্যেব চাব্রবীৎ ॥
৩৭ খ
বৈশম্পায়ন উবাচ:
ইতরাস্তু স্ত্রিয়ঃ সর্বাঃ কুন্ত্যা সহ সুদুঃখিতাঃ ।
৩৮ ক
বৈশম্পায়ন উবাচ:
নেত্রৈরাগতবিক্লেদৈঃ পরিবার্য স্থিতা'ভবন্ ॥
৩৮ খ
বৈশম্পায়ন উবাচ:
অথাব্রবীৎপুনর্বাক্যং ধৃতরাষ্ট্রো যুধিষ্ঠিরম্ ।
৩৯ ক
বৈশম্পায়ন উবাচ:
অনুজানীহি মাং রাজংস্তাপস্যে ভরতর্ষভ ॥
৩৯ খ
বৈশম্পায়ন উবাচ:
গ্লায়তে মে মনস্তাত ভূয়োভূয়ঃ প্রজল্পতঃ ।
৪০ ক
বৈশম্পায়ন উবাচ:
ন মামতঃ পরং পুত্র পরিক্লেষ্টুমিহার্হসি ॥
৪০ খ
বৈশম্পায়ন উবাচ:
তস্মিংস্তু কৌরবেন্দ্রে তং তথা ব্রুবতি পাণ্ডবম্ ।
৪১ ক
বৈশম্পায়ন উবাচ:
সর্বেষামবরোধানামার্তনাদো মহানভূৎ ॥
৪১ খ
বৈশম্পায়ন উবাচ:
দৃষ্ট্বা কৃশং বিবর্ণং চ রাজানমতথোচিতম্ I
৪২ ক
বৈশম্পায়ন উবাচ:
উপবাসপরিশ্রান্তং ত্বগস্থিপরিবারিতম্ ॥
৪২ খ
বৈশম্পায়ন উবাচ:
ধর্মপুত্রঃ স্বপিতরং পরিষ্বজ্য মহাপ্রভুম্ ।
৪৩ ক
বৈশম্পায়ন উবাচ:
শোকজং বাষ্পমুৎসৃজ্য পুনর্বচনমব্রবীৎ ॥
৪৩ খ
বৈশম্পায়ন উবাচ:
ন কাময়ে নরশ্রেষ্ঠ জীবিতং পৃথিবীং তথা ।
৪৪ ক
বৈশম্পায়ন উবাচ:
যথা তব প্রিয়ং রাজংশ্চিকীর্ষামি পরন্তপ ॥
৪৪ খ
বৈশম্পায়ন উবাচ:
যদি চাহমনুগ্রাহ্যো ভবতো দয়িতো'পি বা ।
৪৫ ক
বৈশম্পায়ন উবাচ:
ক্রিয়তাং তাবদাহারস্ততো বেৎস্যাম্যহং পরম্ ॥
৪৫ খ
বৈশম্পায়ন উবাচ:
ততো'ব্রবীন্মহাতেজা ধৃতরাষ্ট্রো যুধিষ্ঠিরম্ ।
৪৬ ক
বৈশম্পায়ন উবাচ:
অনুজ্ঞাতস্ত্বয়া পুত্র ভুঞ্জীয়ামিতি কাময়ে ॥
৪৬ খ
বৈশম্পায়ন উবাচ:
ইতি ব্রুবতি রাজেন্দ্রে ধৃতরাষ্ট্রে যুধিষ্ঠিরম্ ।
৪৭ ক
বৈশম্পায়ন উবাচ:
ঋষিঃ সত্যবতীপুত্রো ব্যাসো'ভ্যেত্য বচো'ব্রবীৎ ॥
৪৭ খ