ইন্দ্র উবাচ:
সর্বাণি কর্মাণি সমাপ্য রাজন্ গৃহং পরিত্যজ্য বনং গতো'সি |
১ ক
ইন্দ্র উবাচ:
তত্ত্বাং পৃচ্ছামি নহুষস্য পুত্র কেনাসি তুল্যস্তপসা যযাতে ||
১ খ
যযাতি উবাচ:
নাহং দেবমনুষ্যেষু গন্ধর্বেষু মহর্ষিষু |
২ ক
যযাতি উবাচ:
আত্মনস্তপসা তুল্যং কঞ্চিৎপশ্যামি বাসব ||
২ খ
ইন্দ্র উবাচ:
যদা'বমংস্থাঃ সদৃশঃ শ্রেয়সশ্চ অল্পীয়সশ্চাবিদিতপ্রভাবঃ |
৩ ক
যযাতি উবাচ:
তস্মাল্লোকাস্ত্বন্তবন্তস্তবে মে ক্ষীণে পুণ্যে পতিতা'স্যদ্য রাজন্ ||
৩ খ
যযাতি উবাচ:
সুরর্ষিগন্ধর্বনরাবমানা ৎক্ষয়ং গতা মে যদি শক্রলোকাঃ |
৪ ক
যযাতি উবাচ:
ইচ্ছাম্যহং সুরলোকাদ্বিহীনঃ সতাং মধ্যে পতিতুং দেবরাজ ||
৪ খ
ইন্দ্র উবাচ:
সতাং সকাশে পতিতা'সি রাজংশ্চ্যুতঃ প্রতিষ্ঠাং যত্র লব্ধাসি ভূয়ঃ |
৫ ক
যযাতি উবাচ:
এতদ্বিদিত্বা চ পুনর্যযাতে ত্বং মা'বমংস্থাঃ সদৃশঃ শ্রেয়সশ্চ ||
৫ খ
বৈশম্পায়ন উবাচ:
ততঃ প্রহায়ামররাজজুষ্টান্পুণ্যাঁল্লোকান্পতমানং যযাতিম্ |
৬ ক
বৈশম্পায়ন উবাচ:
সংপ্রেক্ষ্য রাজর্ষিবরো'ষ্টকস্তমুবাচ সদ্ধর্মবিধানগোপ্তা ||
৬ খ
অষ্টক উবাচ:
কস্ত্বং যুবা বাসবতুল্যরূপঃ স্বতেজসা দীপ্যমানো যথা'গ্নিঃ |
৭ ক
অষ্টক উবাচ:
পতস্যুদীর্ণাম্বুধরান্ধকারাৎস্বাৎস্বেচরাণাং প্রবরো যথা'র্কঃ ||
৭ খ
অষ্টক উবাচ:
দৃষ্ট্বা চ ত্বাং সূর্যপথাৎপতন্তং বৈশ্বানরার্কদ্যুতিমপ্রমেয়ম্ |
৮ ক
অষ্টক উবাচ:
কিং নু স্বিদেতৎপততীতি সর্বে বিতর্কয়ন্তঃ পরিমোহিতাঃ স্মঃ ||
৮ খ
অষ্টক উবাচ:
দৃষ্ট্বা চ ত্বাং ধিষ্ঠিতং দেবমার্গে শক্রার্কবিষ্ণুপ্রতিমপ্রভাবম্ |
৯ ক
অষ্টক উবাচ:
অভ্যুদ্গতাস্ত্বাং বয়মদ্য সর্বে তত্ত্বং প্রপাতে তব জিজ্ঞাসমানাঃ ||
৯ খ
অষ্টক উবাচ:
ন চাপি ত্বাং ধৃষ্ণুমঃ প্রষ্টুমগ্রে ন চ ত্বমস্মান্পৃচ্ছসি যে বয়ং স্মঃ |
১০ ক
অষ্টক উবাচ:
তত্ত্বাং পৃচ্ছামি স্পৃহণীয়রূপ কস্য ত্বং বা কিংনিমিত্তং ত্বমাগাঃ ||
১০ খ
অষ্টক উবাচ:
ভয়ং তু তে ব্যেতু বিষাদমোহৌ ত্যজাশু চৈবেন্দ্রসমপ্রভাব |
১১ ক
অষ্টক উবাচ:
ত্বাং বর্তমানং হি সতাং সকাশে নালং প্রসোঢুং বলহা'পি শক্রঃ ||
১১ খ
অষ্টক উবাচ:
সন্তঃ প্রতিষ্ঠা হি সুখচ্যুতানাং সতাং সদৈবামররাজকল্প |
১২ ক
অষ্টক উবাচ:
তে সঙ্গতাঃ স্থাবরজঙ্গমেশাঃ প্রতিষ্ঠিতস্ত্বং সদৃশেষু সৎসু ||
১২ খ
অষ্টক উবাচ:
প্রভুরগ্নিঃ প্রতপনে ভূমিরাবপনে প্রভুঃ |
১৩ ক
অষ্টক উবাচ:
প্রভুঃ সূর্যঃ প্রকাশিৎবে সতাং চাভ্যাগতঃ প্রভুঃ ||
১৩ খ