যযাতি উবাচ:
অহং যযাতির্নহুষস্য পুত্রঃ পূরোঃ পিতা সর্বভূতাবমানাৎ |
১ ক
যযাতি উবাচ:
প্রভ্রংশিতঃ সুরসিদ্ধর্ষিলোকা ৎপরিচ্যুতঃ প্রপতাম্যল্পপুণ্যঃ ||
১ খ
যযাতি উবাচ:
অহং হি পূর্বো বয়সা ভবদ্ভ্য স্তেনাভিবাদং ভবতাং ন প্রয়ুঞ্জে |
২ ক
যযাতি উবাচ:
যো বিদ্যয়া তপসা জন্মনা বা বৃদ্ধঃ স পূজ্যো ভবতি দ্বিজানাম্ ||
২ খ
অষ্টক উবাচ:
অবাদীস্ত্বং বয়সা যঃ প্রবৃদ্ধঃ স বৈ রাজন্নাভ্যধিকঃ কথ্যতে চ |
৩ ক
অষ্টক উবাচ:
যো বিদ্যয়া তপসা সম্প্রবৃদ্ধঃ স এব পূজ্যো ভবতি দ্বিজানাম্ ||
৩ খ
যযাতি উবাচ:
প্রতিকূলং কর্মণাং পাপমাহু স্তদ্বর্ততে'প্রবণে পাপলোক্যম্ |
৪ ক
যযাতি উবাচ:
সন্তো'সতাং নানুবর্তন্তি চৈত দ্যথা চৈষামনুকূলাস্তথা''সন্ ||
৪ খ
যযাতি উবাচ:
অভূদ্ধনং মে বিপুলং গতং ত দ্বিচেষ্টমানো নাধিগন্তা তদস্মি |
৫ ক
যযাতি উবাচ:
এবং প্রধার্যাত্মহিতে নিবিষ্টো যো বর্ততে স বিজানাতি জীবঃ ||
৫ খ
যযাতি উবাচ:
মহাধনো যো যজতে সুয়জ্ঞৈর্যঃ সর্ববিদ্যাসু বিনীতবুদ্ধিঃ |
৬ ক
যযাতি উবাচ:
বেদানধীত্য তপসা যোজ্য দেহং দিবং স যাযাৎপুরুষো বীতমোহঃ ||
৬ খ
যযাতি উবাচ:
ন জাতু হৃষ্যেন্মহতা ধনেন বেদানধীয়ীতানহংকৃতঃ স্যাৎ |
৭ ক
যযাতি উবাচ:
নানাভাবা বহবো জীবলোকে দৈবাধীনা নষ্টচেষ্টাধিকারাঃ |
৭ খ
যযাতি উবাচ:
তত্তৎপ্রাপ্য ন বিহন্যেত ধীরো দিষ্টং বলীয় ইতি মৎবা''ত্মবুদ্ধ্যা ||
৭ গ
যযাতি উবাচ:
সুখং হি জন্তুর্যদি বা'পি দুঃখং দৈবাধীনং বিন্দতে নাত্মশক্ত্যা |
৮ ক
যযাতি উবাচ:
তস্মাদ্দিষ্টং বলবন্মন্যমানো ন সংজ্বরেন্নাপি হৃষ্যেৎকথঞ্চিত ||
৮ খ
যযাতি উবাচ:
দুঃখৈর্ন তপ্যেন্ন সুখৈঃ প্রহৃষ্যেৎসমেন বর্তেত সদৈব ধীরঃ |
৯ ক
যযাতি উবাচ:
দিষ্টং বলীয় ইতি মন্যমানো ন সংজ্বরেন্নাপি হৃষ্যেৎকথঞ্চিৎ ||
৯ খ
যযাতি উবাচ:
ভয়ে ন মুহ্যাম্যষ্টকাহং কদাচিৎসন্তাপো মে মানসো নাস্তি কশ্চিৎ |
১০ ক
যযাতি উবাচ:
ধাতা যথা মাং বিদধীত লোকে ধ্রুবং তথা'হং ভবিতেতি মত্বা ||
১০ খ
যযাতি উবাচ:
সংস্বেদজা অণ্ডজাশ্চোদ্ভিদশ্চ সরীসৃপাঃ কৃময়ো'থাপ্সু মৎস্যাঃ |
১১ ক
যযাতি উবাচ:
তথাশ্মনস্তৃণকাষ্ঠং চ সর্বে দিষ্টক্ষয়ে স্বাং প্রকৃতিং ভজন্তি ||
১১ খ
যযাতি উবাচ:
অনিত্যতাং সুখদুঃখস্য বুদ্ধ্বা কস্মাৎসন্তাপমষ্টকাহং ভজেয়ম্ |
১২ ক
যযাতি উবাচ:
কিং কুর্যাং বৈ কিং চ কৃত্বা ন তপ্যে তস্মাৎসন্তাপং বর্জয়াম্যপ্রমত্তঃ ||
১২ খ
বৈশম্পায়ন উবাচ:
এবং ব্রুবাণং নৃপতিং যযাতিমথাষ্টকঃ পুনরেবান্বপৃচ্ছৎ |
১৩ ক
বৈশম্পায়ন উবাচ:
মাতামহং সর্বগুণোপপন্নং তত্রস্থিতং স্বর্গলোকে যথাবৎ ||
১৩ খ
অষ্টক উবাচ:
যে যে লোকাঃ পার্থিবেন্দ্রপ্রধানাস্ত্বয়া ভুক্তা যং চ কালং যথাবৎ |
১৪ ক
অষ্টক উবাচ:
তান্মে রাজন্ব্রূহি সর্বান্যথাবৎক্ষেত্রজ্ঞবদ্ভাষসে ত্বং হি ধর্মান্ ||
১৪ খ
যযাতি উবাচ:
রাজা'হমাসমিহ সার্বভৌমস্ততো লোকান্মহতশ্চাজয়ং বৈ |
১৫ ক
যযাতি উবাচ:
তত্রাবসং বর্ষসহস্রমাত্রং ততো লোকং পরমস্ম্যভ্যুপেতঃ ||
১৫ খ
যযাতি উবাচ:
ততঃ পুরীং পুরুহূতস্য রম্যাং সহস্রদ্বারাং শতযোজনায়তাম্ |
১৬ ক
যযাতি উবাচ:
অধ্যাবসং বর্ষসহস্রমাত্রং ততো লোকং পরমস্ম্যভ্যুপেতঃ ||
১৬ খ
যযাতি উবাচ:
ততো দিব্যমজরং প্রাপ্য লোকং প্রজাপতের্লোকপতের্দুরাপম্ |
১৭ ক
যযাতি উবাচ:
তত্রাবসং বর্ষসহস্রমাত্রং ততো লোকং পরমস্ম্যভ্যুপেতঃ ||
১৭ খ
যযাতি উবাচ:
স দেবদেবস্য নিবেশনে চ বিহৃত্য লোকানবসং যথেষ্টম্ |
১৮ ক
যযাতি উবাচ:
সংপূজ্যমানস্ত্রিদশৈঃ সমস্তৈস্তুল্যপ্রভাবদ্যুতিরীশ্বরাণাম্ ||
১৮ খ
যযাতি উবাচ:
তথা''বসং নন্দনে কামরূপী সংবৎসরাণাময়ুতং শতানাম্ |
১৯ ক
যযাতি উবাচ:
সহাস্পরোভির্বিহরন্পুণ্যগন্ধান্পশ্যন্নগন্ধান্পুষ্পিতাংশ্চারুরূপান্ ||
১৯ খ
যযাতি উবাচ:
তত্র স্থিতং মাং দেব সুখেষু সক্তং কালে'তীতে মহতি ততো'তিমাত্রম্ |
২০ ক
যযাতি উবাচ:
দূতো দেবানামব্রবীদুগ্ররূপো ধ্বংসেত্যুচ্চৈস্ত্রিঃ প্লুতেন স্বরেণ ||
২০ খ
যযাতি উবাচ:
এতাবন্মে বিদিতং রাজসিংহ ততো ভ্রষ্টো'হং নন্দনাৎক্ষীণপুণ্যঃ |
২১ ক
যযাতি উবাচ:
বাচো'শ্রৌষং চান্তরিক্ষে সুরাণাং সানুক্রোংশাঃ শোচতাং মাং নরেন্দ্র ||
২১ খ
যযাতি উবাচ:
অহো কষ্টং ক্ষীণপুণ্যো যযাতিঃ পতত্যসৌ পুণ্যকৃৎপুণ্যকীর্তিঃ |
২২ ক
যযাতি উবাচ:
তানব্রুবং পতমানস্ততো'হং সতাং মধ্যে নিপতেয়ং কথং নু ||
২২ খ
যযাতি উবাচ:
তৈরাখ্যাতা ভবতাং যজ্ঞভূমিঃ সমীক্ষ্য চেমাং ত্বরিতমুপাগতো'স্মি |
২৩ ক
যযাতি উবাচ:
হবির্গন্ধং দেশিকং যজ্ঞভূমের্ধূমাপাঙ্গং প্রতিগৃহ্য প্রতীতঃ ||
২৩ খ